Ljósmæðrablaðið - 01.11.1979, Qupperneq 13

LJÓSMÆÐRABLAÐIÐ
61
Ágrip af aðalfundi, 2. maí 1979
Þar sem félagið varð 60 ára þennan dag, var þetta einnig
hátíðarfundur. Formaður setti fundinn og bauð ljósmæður
og gesti velkomna. Því næst tilnefndi hún starfsmenn
fundarins; Valgerði Guðmundsdóttur fundarstjóra og Berg-
ljótu Þórðardóttur og Elínu Stefánsdóttur fundarritara.
Síðan flutti formaður afmælisræðu, er birtist í síðasta tbl.
Ljósmæðrablaðsins. Þar kom fram, að fjórar ljósmæður, þær
Jensína Guðrún Óladóttir, Jóhanna Margrét Þorsteinsdótt-
ir, Sigurbjörg Júlía Jónsdóttir og Þórdís Ólafsdóttir, ásamt
Haraldi Péturssyni fv. safnhúsverði, voru gerð að heiðursfé-
lögum í Ljósmæðrafélagi íslands.
Þá fluttu fulltrúar landshlutadeilda skýrslur. Margrét
Þórhallsdóttir form. Norðurlandsdeildar sagði m.a., að
deildin hefði verið aðili að gjöf til sjúkrahúss Akureyrar, sem
var „monator” og kaupverð 3 milljónir kr. Persónulegt
framlag Vilborgar Sigurðardóttur ljósmóður i Grímsey var
kr. 20 þúsund. Þá gaf deildin að þessu sinni kr. 50 þúsund til
styrktar útgáfu stéttartalsins. A aðalfundi deildarinnar
komu ljósmæður á SigluFirði til samstarfs, enda er starfsemi
deildarinnar með miklum blóma.
Jónína Ingólfsdóttir flutti skýrslu Vesturlandsdeildar. I
máli hennar kom fram, ásamt hugleiðingu um aukna
menntun ljósmæðra, tillaga um námskeið t.d. yfir helgi, og
þá í Reykjavík, á Akureyri eða á Akranesi.
Elín Stefánsdóttir fulltrúi Suðurlandsdeildar minntist
Georgíu Stefánsdóttur ljósmóður á Selfossi, sem lést af
slysförum á s.l. ári, og sagði frá minningargjöf um hana frá
deildinni.
Ennfremur hafði formanni félagsins verið afhent gjöf til
stéttartalsins frá Suðurnesjadeild, kr. 100 þúsund. Sólveig
Þórðardóttir form. Suðurnesjadeildar sagði frá stofnun
deildarinnar, sem var 27. okt. 1978.
Jóhanna Þorsteinsdóttir gerði grein fyrir minningarsjóði
Þuríðar Bárðardóttur. Styrk úr sjóðnum 1978, sem er