Ljósmæðrablaðið - 01.11.1979, Side 15
LJÓSMÆÐRABLAÐIÐ
63
verið tíðrætt vandamál á Norðurlöndunum og á alþjóðamóti
ljósmæðra í Jerúsalem á s.l. ári.
Að loknum aðalfundarstörfum var sest að sameiginlegum
kvöldverði, þar sem ríkti hátíðarstemmning.
Undir borðum lék Jónas Þórir Jónsson á píanó og
upphófst þá glaðværð og hressilegur fjöldasöngur. Inga
María Eyjólfsdóttir söng einsöng við mjög góðar undirtektir.
Ræður og árnaðaróskir voru fluttar. M.a. flutti Helga
Þórarinsdóttir sérstæða og skemmtilega hugleiðingu um
kjarabaráttu og fleira úr félagssögunni. Anna Sigurðardóttir
sagði skemmtilega smásögu. Félaginu bárust góðar gjafir,
blóm og heillaskeyti. Eldri heiðursfélagar voru sérsta,klega
boðnir, svo og starfsmenn við stéttartalið, þær Björg Einars-
dóttir, Helga Þórarinsdóttir, Anna Sigurðardóttir og María
Þorsteinsdóttir.
Heiðursfélagarnir þær Sigríður Sigfúsdóttir og Kristín
Teitsdóttir færðu félaginu gjafir, Sigríður bókina ,,Dan-
marks jordemödren” ásamt grindarmáli úr eigu Þórunnar
Björnsdóttur ljósmóður í Reykjavík. Kristín færði félaginu
kr. 25 þúsund, ásamt skrautrituðum heillaóskum. Mæðrafé-
lagið sendi félaginu heillaóskir á forkunnarfögru og skraut-
rituðu skjali. Bandalag kvenna sendi fagran blómvönd. Eins
og fram hefur komið, gat Jensína Óladóttir ekki komið á
fundinn, en sendi kveðjur, heillaóskir og blómvönd, en degi
síðar barst bréf frá Jensínu, sem birtist annars staðar í
blaðinu.
Þær Björg Einarsdóttir og Helga Þórarinsdóttir færðu
félaginu bréfakörfu og pottablóm. Þessu fylgdi Björg úr
hlaði með ávarpi og heillaóskum. Heillaskeyti bárust frá
Helgu Níelsdóttur ljósmóður, Thorvaldsensfélaginu,
Kvennasögusafni íslands, Soffíu E. Jónsdóttur f.h. Kvenfé-
lagasambands Kópavogs. Síðar barst að gjöf úrklippubók frá
Sólveigu Ólafsdóttur f.h. Kvenréttindafélags fslands.
Fundurinn var fjölmennur og hátíðlegur. Formaður, sem
stjórnað hafði fagnaðinum, þakkaði fundarmönnum kom-
una og gott framlag og starfsmönnum fundarins góð störf.
Ennfremur flutti hún öllum er sendu heillaóskir og gjafir
innilegar þakkir og góðar óskir f.h. Ljósmæðrafélags fslands.
Sleit síðan fundi.