Ljósmæðrablaðið - 01.11.1979, Blaðsíða 17

LJÓSMÆÐRABLAÐIÐ
65
fulltrúa á mótinu, slíkt er alltaf mikilvægt, þó ekki síst nú á
miklum breytingatímum, bæði í námi og störfum ljós-
mæðra.
Bandalag kvenna í Reykjavík
Aðalfundur Bandalags kvenna í Reykjavík var haldinn
25.— 26. febrúar 1979. Þar átti félagið 3 fulltrúa, einn þeirra
er formaður, sem er sjálfkjörinn. Fundurinn var fjölmennur
og beindust tillögur og málflutningur allur mjög að mál-
efnum barna og var það framlag til barnaárs Sameinuðu
þjóðanna. Fjöldi ályktana og samþykkta voru gerðar á
fundinum. Má þar nefna ályktun og greinargerð frá Mæðra-
heimilisnefnd, þar sem þeirri ákvörðun borgarstjórnar, að
hætta rekstri Mæðraheimilisins við Sólvallagötu er mót-
mælt.
M œðraheimilisnefnd
Aðalfundur Bandalags kvenna í Reykjavík, haldinn að
Hótel Esju dagana 25.— 26. febrúar 1979 mótmælir þeirri
ákvörðun borgarstjórnar Reykjavíkur að hætta rekstri
mæðraheimilisins við Sólvallagötu.
Fundurinn telur brýna nauðsyn á því að Reykjavíkur-
borg sjái þeim aðilum er þarna eiga hlut að máli fyrir
athvarfi. Því tekur fundurinn sterklega undir einróma
samþykkt félagsmálaráðs Reykjavíkur þ. 18. jan. 1979 um
— að haldið yrði áfram rekstri mæðraheimilisins í breyttri
mynd.
Fundurinn beinir þeim eindregnu tilmælum til borgar-
stjórnar Reykjavíkur að hún taki til endurmats fyrri
ákvörðun sína í þessu máli.
Greinargerð:
Stofnun mæðraheimilis var eitt af baráttumálum
Bandalags kvenna í Reykjavík um margra ára skeið eða
uns heimilið var sett á stofn af borgarstjóm Reykjavíkur
og vígt þ. 13. mars 1971 að Sólvallagötu 10. Þessu
framtaki var mjög fagnað sem menningarspori í höfuð-
borginni.