Ljósmæðrablaðið - 01.11.1979, Page 20

68
LJÓSMÆÐRABLAÐIÐ
er nógu stórt nú þegar og engan veginn hægt að ætla
fæðingardeild Landspítalans það viðbótarálag, sem því
myndi fylgja, ef Fæðingarheimili Reykjavíkur yrði lagt
niður, en eins og fyrr segir var það hálft áttunda hundrað
kvenna, sem fzeddu á heimilinu árið 1979.
Hin nýja reglugerð um ófrjósemiaðgerðir og fóstur-
eyðingar hefur valdið stórauknu álagi á fæðingardeildina,
t.d. má nefna þau 60 tilfelli fóstureyðinga um þessar
mundir vegna faraldurs „rauðra hunda”. Með þessar
staðreyndir í huga teljum við þá hugmynda fráleita að
leggja niður Fæðingarheimili Reykjavíkur — en ætla því
fremur að létta af fæðingardeildinni meira en verið hefur
að undanförnu, þannig að fæðingar skiptust jafnar niður
á þessar tvær stofnanir eins og áður var. Þá gæfist meira
rými á Kvennadeildinni fyrir kvensjúkdómasjúklinga,
sem er brýnt að auka hið bráðasta með öllum tiltækum
ráðum.
Neyðarástand ríkti í málum kvensjúkdómasjúklinga
árið 1969 og konur börðust þá fyrir nýrri kvensjúkdóma-
deild fyrst og fremst, en nú á því herrans ári 1979 virðist
sami voðinn liggja æði nærri þar sem biðin er svona löng.
Því er brýnt að bregða skjótt við með úrbætur, en síst má
það henda að teknar verði ákvarðanir, sem aðeins mundu
auka vandann og það svo að skapast gæti sama ástand og
var 1969. Fæðingarheimili Reykjavíkur hefur því mikil-
vægu hlutverki að gegna, er rekið með miklum myndar-
brag og nýtur viðurkenningar þeirra, sem þar hafa dvalið.
Fyrri reynsla er víti til varnaðar. Sagan má ekki endur-
taka sig.
Stjórnarfundur norrænna ljósmæðra í maí 1978
A stjórnarfundinum var Magnea Guðnadóttir, yfirljós-
móðir í Vernesborg í Svíþjóð, fulltrúi félagsins. Kom hún
hingað til lands í júlí s.l. og gerði grein fyrir fundarstörfum
og afhenti samþykktir fundarins, ásamt gjöf frá sænsku
ljósmæðrafélagi í tilefni af 90 ára afmæli þess. Gjöfin er
veggmynd úr hör og er nú að Hverfisgötu 68a. L.M.F.Í.