Ljósmæðrablaðið - 01.11.1979, Qupperneq 28

76
LJÓSMÆÐRABLAÐIÐ
fjárframlagi. Engar kvaðir fylgja gjöfinni, en þess óskað að
ljósmóðir sem færi til náms í hjúkrun aldraðra nyti styrks af
þessu fé.
Árhátíðin
Árshátíðin var haldin að Síðumúla 11 þann 16. febr. s.l.,
árshátíðarnefndin annaðist allan undirbúning, en því miður
varð þátttaka of lítil og fylgdu því nokkur vonbrigði.
Nú sem fyrr hefur það verið til umræðu hjá stjórninni
m.a. á síðasta aðalfundi, að nauðsynlegt sé að tryggja
ljósmæðrum möguleika til endurmenntunar, og æskilegast
og eðlilegast að slík menntun sé á vegum eða í tengslum við
Ljósmæðraskóla Islands. Þessum vilja stjórnarinnar fylgdi
formaður úr hlaði í viðræðu, sem hún átti við Sigurð S.
Magnússon, prófessor og skólastjóra Ljósmæðraskóla Islands,
og Kristínu Tómasdóttur, yfirljósmóður, og sendi skólastjór-
anum bréf um þessa málaleitan, en þessari málaleitan
félagsins tóku þau, skólastjórinn og yfirljósmóðirin, vinsam-
lega og höfðu áhuga fyrir framgangi þess í því formi, sem
stjórnin hafði látið sér detta í hug, þ.e.a.s. ca 2ja mánaða
námi.
Bréf þessu viðvíkjandi birtust í 1. tbl. ’79.
Allt frá 1972 er formaður fór þess á leit við póstmála-
stjórnina að gefir yrði út frímerki tileinkað ljósmæðrastétt-
inni, hefir það verið áhugamál að af því yrði. Og í
umræðum á síðasta aðalfundi kom í ljós áhugi fundarmanna
fyrir að fylgja þessu eftir, og að þessu sinni nefnd mynd af
ákveðinni ljósmóður, þ.e.a.s. hinni merku konu Þorbjörgu
Sveinsdóttur.
20. mars 1979
Til Póst- og símamálastofnunarinnar
Reykjavík.
Ljósmæðrafélag fslands verður 60 ára 2. maí á árinu
1979, félagið var stofnað árið 1919. Ljósmæður eru elsta