Ljósmæðrablaðið - 01.11.1979, Blaðsíða 30

78
LJÓSMÆÐRABLAÐIÐ
vansæmd, sem ljósmæður skipaðar í umdæmi hafa orðið
að þola, enda þótt um sé að ræða elstu stétt íslenskra
kvenna í opinberu starfi.
Umdæmisljósmæður eru enn ekki viðurkenndir ríkis-
starfsmenn, þó eru þær embættismenn ríkis og sveitarfé-
laga.
Árið 1976 var samþykkt breyting á ljósmæðralögunum.
f fyrstu grein laganna segir m.a.: Laun skipaðra ljós-
mæðra skulu ákveðin með kjarasamningi eða af kjara-
dómi á sama hátt og laun opinberra starfsmanna, sbr. lög
nr. 55 28. apríl 1962.
Fjármálaráðuneytið hefur ekki enn viðurkennt gildi
þessara laga.
f úrskurði kjaranefndar um sérsamninga fjármálaráð-
herra og Ljósmæðrafélags íslands 1976 segir m.a. að
störfum ljósmæðra, sem skipaðar eru í umdæmi skv.
ljósmæðralögum nr. 17/1933 með áorðnum breytingum,
skuli raðað í launaflokka skv. 1 gr. aðalkjarasamnings,
þannig að ljósmóðir, sem skipuð er í umdæmi skuli taka
laun skv. sama launaflokki og ljósmóðir á fæðingadeild.
Þennan úrskurð kjaranefndar viðurkennir fjármála-
ráðuneytið ekki heldur.
f framhaldi af viðræðum við yður um erindi þetta og í
trausti á skilning og velvilja yðar, herra fjármálaráðherra,
vænti ég þess að fá að heyra málalok sem allra fyrst, helst
fyrir 2. maí 1979, en þann dág heldur ljósmæðrafélag
íslands aðalfund og hátíðlegt 60 ára afmæli sitt.
Með vinsemd og virðingu,
Steinunn Finnbogadóttir, formaður
Til fjármálaráðherra,
herra Tómasar Árnasonar,
Arnarhvoli, Reykjavík.