Ljósmæðrablaðið - 01.11.1979, Side 35

LJÓSMÆÐRABLAÐIÐ
83
Suðurnesja um að komið verði á fræðslu og slökunarnám-
skeiðum fyrir þungaðar konur á svæðinu.
Aðalfundurinn gerði eftirfarandi ályktanir: Fagnar því að
Suðurnesjamenn skuli njóta sérfræðiþjónustu, á flestum
sviðum heilsugæslu. Fundurinn telur að mæðra- og ung-
barnavernd sé mjög til fyrirmyndar, að því undanskyldu, að
á vantar ungbarnaeftirlit í heimahúsum. Þá sé nauðsyn á
slökunar- og fræðslunámskeiðum fyrir verðandi mæður.
Hin ályktunin var á þá lund að fundurinn lýsir furðu
sinni á þeirri ráðstöfun að fella niður endurgreiðslu á
tannviðgerðum til þungaðra kvenna og telur að þessi
ráðstöfun sé byggð á skilnings- og þekkingarleysi. Enn
fremur vill fundurinn benda á að aðrar Norðurlandaþjóðir
bæta mjög þjónustu við þungaðar konur bæði í barnafræðslu
og beinum fæðingjarstyrkjum.
Félagsfundur haldinn 2. október 1979
að Hallveigarstöðum
Fundurinn var sérstaklega tileinkaður nýútskrifuðum
ljósmæðrum. Fundinn sátu 85 ljósmæður.
Formaður setti fundinn kl. 20.45, ávarpaði nýju ljósmæð-
urnar nokkrum orðum og bauð þær velkomnar í félagið og
til starfa. Sagði hún meðal annars:
„Menntun ljósmæðra er hin mikilvæga undirstaða til
starfsins, en sterk ábyrgðartilfinning og virðing fyrir starfinu
þurfa að haldast í hendur ef vel á að fara. Þó tækni aukist og
tímar breytist þá verður ábyrgð ljósmóðurinnar alltaf mikil
og gildi þess að vera alltaf heill og sterkur mun einnig vara.”
Gerði hún að einkunnarorðum sínum — til ungu ljósmæðr-
anna — ljóðið „Virtu sjálfan þig hátt”, eftir Gunnar Dal.
Að lokum sagði formaður, „Osk mín og von er sú að
íslenskar ljósmæður haldi ávallt á lofti því merki er for-
mæður okkar í stéttinni hafa gert með manndómi, dugnaði
og fórnfýsi.”
Afhenti hún síðan hverri fyrir sig lög félagsins, ritið
„Ljósmæðrafræðsla og Ljósmæðrastétt á Islandi” eftir Sigur-