Ljósmæðrablaðið - 01.11.1979, Síða 36

84
LJÓSMÆÐRABLAÐIÐ
jón Jónsson lækni, ásamt rauðri rós. Að þessu sinni voru
nýju ljósmæðurnar 16 að tölu.
Þá ávörpuðu fundinn þrír fulltrúar afmælishópa og færðu
félaginu gjafir í tilefni starfsafmæla sinna.
1) Hulda Jensdóttir mælti fyrir 30 ára ljósmæður, og fór
nokkrum orðum um starf ljósmóður og færði hinum ungu
ljósmæðrum hamingjuóskir. Þá afhenti hún formanni
félagsins stóra kaffikönnu, tvö stál-föt, kertastjaka og tvær
styttur af dreng og stúlku.
Sagði Hulda að kannan og brauðfötin væru ætluð til nota
á heimili ljósmæðra og stytturnar og ljósið sem tákn um
starfið.
2) Margrét Þórhallsdóttir ávarpaði fundinn fyrir hönd 25
ára ljósmæðra. Færði hún félaginu kr. 90 þúsund að gjöf
og skal fjárhæðinni varið til styrktar stéttartali ljósmæðra,
sem hún taldi eitt merkasta framtak félagsins. Gefendur
voru 9 ljósmæður.
3) Sigríður Jónsdóttir talaði fyrir hönd 20 ára ljósmæðra.
Afhenti hún formanni kr. 45 þúsund að gjöf til félagsins
og skal fénu varið til kaupa á einhverjum þeim hlut sem
stjórnin ákveður, og koma megi að notum í sumarbústað
ljósmæðra í Munaðarnesi.
Formaður þakkaði góðar gjafir og sagðist taka þetta sem
merki um vaxandi félagsanda og samheldni, enda þátttaka á
fundinum með eindæmum góð.
Var nú gert fundarhlé og sest að kaffiborði, sem ljós-
mæður höfðu séð um af myndarbrag.
Félagsmál:
Fyrst tók til máls Eva Einarsdóttir og sagði frá furðu sinni
og annarra ljósmæðra, sem kynnt höfðu sér hluta af
námsefni hjúkrunarfræðinema við Háskóla íslands. Taldi
hún að námsskrá hjúkrunarfræðinema við deildina virðist
fara langt inn á námsefni Ljósmæðraskóla íslands.
Sagði Eva að félagið yrði að vera vel á verði gegn ágengni
annarra heilbrigðisstétta inn á verksvið ljósmæðra. Kynnti
hún síðan nokkur atriði úr námsskrá og markmiðum hjúkr-
unarfræðinema við Háskóla íslands.