Ljósmæðrablaðið - 01.11.1979, Blaðsíða 57

LJÓSMÆÐRABLAÐIÐ
105
Ráðleggingar til vanfærra kvenna.
Nœring.
Vanfærar konur þurfa að neyta hollrar og fjölbreyttrar fæðu sem inniheldur
ríkulegt magn eggjahvítuefna, vítamína og steinefna, hóflegt er talið að konan bæti
u.þ.b. 150 hitaeiningum við venjulega daglega neyslu á fyrsta meðgönguskeiði þ.e.
fyrstu 12 vikurnar, og 350 hitaeiningum á öðru og þriðja meðgönguskeiði þ.e. frá
12—40 viku.
Heilsuvernd.
Vanfærar konur svitna yfirleitt meira en eðlilega og því ber að hvetja þær til
aukins hreinlætis. Þeim er óhætt að baða sig í kerlaug á meðgönguímanum, nema
síðustu 2—4 vikurnar.
Ráðleggja skal þeim hlý og þægileg föt, sem halda ekki mikið að þeim.
Einnig skal ráðleggja þeim að leita til tannlasknis á meðgöngutímanum, því
aukin hætta erá tannskemmdum.
Þær ættu að forðast langar vökur og streitu, svo og meiri háttar áreynslu.
Reykingar.
Nikótín er talið valda æðaþrengslum í fylgju, sem leiða af sér vannæringu hjá
fóstri. Því skal ráðleggja konum að hætta reykingum á meðgöngu. Varlega þarf að
fara að konum, sem hafa reykt lengi. Þær fá sektarkennd ef of harkalega er farið að
þeim og þær hafa reykt lengi og geta ekki hætt.
A Ikóhól.
Notkun áfengis skal stilla mjög i hóf á meðgöngu. Stöðug áfengisneysla er talin
skaða fóstrið. Börnin geta fengið einkenni áfengissýki.
Ef konu er hætt við fósturláti á að ráðleggja henni að hafa ekki samfarir á 8.—16.
viku, því á þeim tíma er aukin hætta á fósturláti. Samfarir eru taldar geta valdið
samdrætti í legi.
Upp úr 30. viku skal ráðleggja konu að fara að undirbúa sig undir brjóstagjöf.
Þær þurfa að herða geirvörtuna með því að nudda þær með grófu handklæði.
Einnig er gott að toga geirvörtuna út.
Ef konur hafa innfallnar geirvörtur, er gott að setja brjóstaglas inn í brjóstahald-
arann, eða klippa gat á brjóstahaldarann, mátulega stórt fyrir geirvörtuna. Þá
herðist hún við núninginn frá fötunum.
Ráðleggja þeim að ganga í brjóstahaldara úr lérefri, með breiðum hlýrum og
með heilum skálum.
Lyfjanotkun.
Helst skal engin lyf taka á meðgöngu, nema járn og vítamín, nema brýn
nauðsyn sé og þá aðeins samkvæmt læknisráði.