Ljósmæðrablaðið - 15.12.1999, Blaðsíða 24

SumarCinna í Danmörku
Kflir Rósn Porsteindóttur, ljósmóður
Síðastliðið ár dvaldi ég sumarlangt við Ijósmóðurstörf í Danmörku og hef ég verið beðin um að segja
svolftið frá þessari dvöl minni, reynslu og undirbúningi ferðarinnar. Ég hef á undanförnum árum farið út
á land og leyst af sem ljósmóðir í stuttan tíma og haft mjög gaman af því. Þar hef ég kynnst hvernig er
að vinna með allt barneignarferlið í heild sinni þ.e.a.s. að vinna við mæðravernd, fæðingar og sængur-
legu. Það að vinna á litlum stöðum úti á landsbyggðinni er dálítið frábrugðið því að vinna á sérhæfðri
deild eins og fæðingardeild Landspítalans, sem er minn vinnustaður.
Nú var svo komið, að mig
langaði að prófa að vinna í öðru
landi og kom Danmörk sterklega
til greina, bæði vegna þess að ég
þekki nokkuð vel til í Danmörku
og þar sem skortur hefur verið á
ljósmæðrum í Danmörku undan-
farin ár, hefur verið frekar auðvelt
að fá vinnu. Þá var fyrst að setjast
niður með fjölskyldunni og ræða
málin. Leyfið var auðfengið,
einkasonurinn og unglingurinn á
heimilinu var á leið norður í
sveitina sína þetta sumar og eigin-
maðurinn, sem þurfti aðeins
lengri umhugsunarfrest, var líka
mjög jákvæður. Hann gæti vel
verið án spúsu sinnar eitt sumar,
auk þess sem hann gæti vel hugs-
að sér að eyða sumarleyfinu sínu í
Danmörku.
Þá var að hefja undirbúning-
inn, því að mörgu er að huga fyrir
svona ferð. Fyrst byrjaði ég á því,
að sækja um launalaust leyfi og
gekk það ekki mjög vel, þar sem
það hefur ekki tíðkast á mínum
vinnustað (Fæðingadeild Lsp.) að
veita launalaust leyfi yfir sumar-
tíma. Undanfarin ár hefur þó fast
verið sótt að yfirmönnum deildar-
innar, að veita slík leyfi þar sem
mikill áhugi virðist vera fyrir því,
að sækja sér reynslu annars staðar
frá. Niðurstaðan varð sú, að ég
fékk 4 vikur í launalaust leyfi, auk
þess að fá mitt 6 vikna sumar-
leyfi. Ég hafði í upphafi óskað
eftir, að fá 6 vikur í launalaust
leyfi, því ég vildi gjarnan taka
mér smá sumarfrí í leiðinni og
með hjálp góðra ljósmæðra, sem
unnu á deildinni og tóku skipti-
vaktir við mig og unnu einstaka
vaktir fyrir mig, tókst mér að ná
12 vikna leyfi. Því næst fór ég að
skrifa til hinna ýmsu spítala í
Danmörku til að sækja um vinnu.
Ég sótti um á nokkrum stöðum,
sums staðar vantaði ekki afleys-
ingafólk, en ég fékk mjög jákvæð
svör frá 3 spítulum og þá sérstak-
lega frá þeim stað, sem ég síðan
Stytta í garði í bænum Slagelse.
valdi, en það var fæðingardeild
við Centralsjúkrahúsið í Slagelse.
Þá var næst að sækja um danskt
ljósmæðraleyfi (autorisation) til
að fá vinnu í Danmörku. Það sæk-
ir maður um til Sundhedsstyrelsen
í Kaupmannahöfn og kostaði leyf-
ið í fyrra 270 DKK. Þegar sótt er
um leyfi, er jafnframt beðið um
staðfestingu á íslenska ljósmæðra-
leyfinu þýddu á dönsku eða ensku
og einnig ljósrit úr vegabréfi við-
komanda, sem sýnir nafn, fæðing-
ardag og ríkisfang sem stimplað
er af sendiráði, sýslumannsskrif-
stofu eða vinnuveitanda. Síðan er
leyfið sent þegar þessum pappír-
um hefur verið skilað.
Ég réði mig síðan sem ljós-
tnóðir á fæðingardeildina í 10 vik-
ur í fullt starf, sem í Danmörku
eru 37 stundir á viku. Til vinnu-
veitanda þarf síðan að skila ljós-
inæðraleyfi, starfsvottorði og
skattakorti sem fæst á viðkomandi
sýslumannsskrifstofu í bæjarfé-
laginu. Þegar farið er til starfa er-
lendis skiptir miklu máli að hafa
góðan skilning á tungumálinu. Ég
taldi mig skilja dönsku nokkuð
vel fyrir og geta skrifað hana, en
ég eins og margir aðrir íslending-
ar hef ekki verið nógu dugleg að
tala málið. Ég ákvað að ráða bót á
þessu og sótti 10 vikna námskeið í
dönsku, þar sein aðaláherslan var
lögð á talmál, einnig las ég mikið
24
LJÓSMÆPRABLA9IÍ)