Ljósmæðrablaðið - 01.04.1999, Blaðsíða 5
Ljósmæöur leitast við að sinna sálrænum, líkamlegum, tilfinningalegum og
andlegum þörfum kvenna sem til þeirra leita, hverjar svo sem aðstæður
þeirra kunna að vera.
Ljósmæður leitast við að vera öðrum fagmönnum og fjölskyldum fyrirmyndir
um eflingu heilbrigðis kvenna á öllum aldri.
Ljósmæður leitast ævinlega við að efla persónulegan, vitsmunalegan og
faglegan þroska sinn sem Ijósmæður.
III. Faglegar skyldur Ijósmæðra.
Ljósmæður viðhalda trúnaði gagnvart skjólstæðingum sínum og virða rétt
þeirra til einkalífs. Þær beita dómgreind sinni í allri meðferð
trúnaðarupplýsinga.
Ljósmæður eru ábyrgar fyrir ákvörðunum sínum og athöfnum og bera ábyrgð
á niðurstöðum ertengjast umönnun þeirra.
Ljósmæður geta neitað að taka þátt í störfum sem ganga þvert gegn dýpstu
siðferðilegu sannfæringu þeirra. Áherslan á samvisku einstaklingsins má
hins vegar ekki verða til þess að konum sé meinaður aðgangur að nauðsyn
legri heilbrigðisþjónustu.
Ljósmæður taka þátt í þróun og útfærslu þeirrar heiIbrigðisstefnu er
stuðlar að bættri heilsu kvenna og fjölskyIdna sem von eiga á barni.
IV. Endurmenntun Ijósmæöra.
Ljósmæður tryggja að rannsóknir og önnur starfsemi er miðar að því að efla
fagþekkingu þeirra virði ávallt réttindi kvenna sem persóna.
Ljósmæður efla og miðla fagþekkingu sinni með margvíslegum hætti svo
sem með rannsóknum og faglegum umsögnum um störf starfssystkina.
Ljósmæður taka þátt í formlegri menntun Ijósmæðranema og annarra
Ijósmæðra.