Ljósmæðrablaðið - 15.06.2005, Blaðsíða 44

A F VETTVANGI FÉLAGSMÁLA
Skýrsla stjórnar
Ljósmæðrafélags Islands
Aðalfundur Ljósmæðrafélags íslands
árið 2004 var haldinn á Grand Hótel í
Reykjavík, við Sigtún, 21. apríl á 85.
afmælisári félagsins,.
Formaður hafði hugsað sér að ganga
úr stjórn að þessu sinni en þar sem ekki
barst framboð um annan formann var
undirrituð kjörin til að starfa áfram. Á
þessum fundi var kjörin ein ný ljós-
móðir í stjórnina, en það var Lilja Jóns-
dóttir ljósmóðir á Akranesi sem tók
sæti varagjaldkera. Að öðru leyti var
stjórn óbreytt ffá síðasta aðalfundi.
Tillaga um frestun aðalfundar var
samþykkt og var framhaldsaðalfundur
haldinn í sal Kvenfélags Kópavogs að
Hamraborg 10, þann 9. október 2004.
Á framhaldsaðalfundinum voru
teknar íyrir lagabreytingar sem frestað
var að afgreiða á aðalfundinum 21. apr-
íl 2004. Þá var Kristbjörg Magnúsdótt-
ir ljósmóðir kjörinn formaður kjara-
nefndar til tveggja ára.
Haldið var samsæti í framhaldi af
aðalfundi í tilefni 85 ára afmælis Ljós-
mæðrafélagsins og færði Kristbjörg
Magnúsdóttir félaginu að gjöf bréf sem
Sigriður Sæland ljósmóðir skrifaði fjöl-
skyldu sinni á meðan hún var við ffam-
haldsnám i Kaupmannahöfn. Góð mæt-
ing var að þessu sinni og gerðu ljós-
mæður sér glaðan dag fram eftir kvöldi.
Kjarafélagar í dag eru 178 og fagfé-
lagar 126. Nokkrar ljósmæður fluttu sig
úr LMFÍ yfir í FÍH en það voru fleiri
sem gengu til liðs við okkur svo sú
hreyfing sem hefur verið á ljósmæðrum
í kringum kjarasamningana hefur verið
okkur í hag þar sem 4 ljósmæður fóru
frá okkur en 8 komu til okkar en 4 fóru
á lífeyri.
Stjórn hélt 9 stjórnarfundi á síðasta
starfsári þar af 2 sameiginlega með
kjaranefnd.
Nálastungunámsskeiðin eru enn jafn
vinsæl og verður í haust haldið 8. nám-
skeiðið á vegum félagsins. Einn
fræðslufundur hefur verið haldinn frá
síðasta aðalfundi en það var málþing í
samvinnu við Félag íslenskra fæðinga-
og kvensjúkdómalækna um málssóknir
á hendur heilbrigðisstarfsmönnum,
haldið á Hótel Sögu 8. apríl s.l. Við
þökkum fræðslunefnd fyrir kraftmikið
starf í vetur og undanfarna vetur.
Eins og eflaust allir muna var á veg-
unr félagsins haldin Norræn ljósmæðra-
ráðstefna í maí s.l. á Nordica Hotel - en
þar komu saman á fimmta hundrað
ljósmæðra og var mál manna að þetta
hafi verið vel heppnuð og góð ráðstefna
í alla staði. Ennfremur var haldið sam-
sæti með kvöldverði og ýmsum
skemmtiatriðum í tilefni 85 ára afmæl-
isins og bárust félaginu góðar gjafir
m.a. frá norrænu samtökunum. A.m.k.
vorum við ánægðar sem að undirbún-
ingi stóðum og er ráðstefnunefnd sér-
staklega þakkað það frábæra starf sem
hún vann við að gera hana að veruleika.
Á starfsárinu var gengið frá samn-
ingi við TR vegna heimaþjónustu í
sængurlegu og heinrafæðinga. Lítils-
háttar hækkun fékkst á taxtanum en
engar stórvægilegar breytingar. Með
samningnum var gerð bókun vegna
heimafæðinga og skyldi LMFÍ leggja
frarn kostnaðargreiningu á heimafæð-
ingunum fyrir 1. júlí. Félagið lagði í
nokkurn kostnað og vinnu vegna þessa
og má kannski segja að við getum ver-
ið nokkuð ánægðar þar sem fram náðist
tæplega 30 % hækkun á taxta fyrir
heimafæðingu. Þessi samningur er laus
um næstu áramót og er því nokkur
vinna framundan ef á að ná einhverri
hækkun að þessu sinni.
I skýrslu stjórnar á síðasta aðalfundi
var þess getið að ekki hefði gengið að
finna hentugt húsnæði fyrir BHM og
aðildarfélög þess. Nú er húsnæðið
fundið og LMFÍ er búið að greiða
fyrstu greiðslu til kaupa á því húsnæði
og er þar með orðið aðili að BHM hús-
inu ásarnt öðrum innan þeirra samtaka.
Húsnæðið er að Borgartúni 6, á 2. hæð
og er áætlaður flutningur eftir miðjan
janúar á næsta ári.
Svo sem sjá má á reikningum félags-
ins er ijárhagsstaða þess með betra móti
og jafnvel þó ekki sé talinn með sá á-
góði sem varð af norrænu ráðstefnunni
síðasta vor. Einkum rnunar um leiðrétt-
ingu þá sem gerð var á ffamlagi okkar
til BHM á síðasta ári og eigum við inni
hjá þeim nokkurn pening ífá árinu
2003. En því verða gerð betri skil þeg-
ar farið verður yfir reikninga félagsins.
Hér á eftir verður kosið í stjóm og
nefndir félagsins eins og venja er. Það
má kannski segja að nú séu viss kyn-
slóðaskipti í stjóminni og nefndunuin
líka þó að þar séu líka fyrirtaks ljós-
mæður úr lávarðadeildinni. Ég vænti
mikils af þessum nýju „vöndum“. Það
hefur sýnt sig bæði í starfi fræðslu-
nefndar, ritnefndar og kjaranefndar sem
einkum hafa verið mannaðar með ljós-
mæðrum úr yngri árgöngum að við
þurfum í engu að kvíða framtíðinm
með þessar skeleggu ljósmæður við
stjórnvölinn. Og er ég ekki að vanþakka
störf annara þó ég segi þetta.
Ég vil að lokum þakka þeim ljós-
mæðrum sem hafa starfað með mér i
stjórn undanfarin ár og einnig öllum
þeim sem hafa starfað i nefndum fé-
lagsins að hinum ýmsu málum er varða
viðgang og vöxt okkar ágæta félags. Eg
kveð þennan þátt í mínu lífi og veit að
félagið verður í góðum höndum í ífam-
tíðinni og ég veit líka að það á eftir að
vaxa og dafna - því ég treysti því að
ljósmæður sem þegar eru gengnar til
liðs við félagið verði duglegar að sann-
færa komandi kynslóðir um að Ljós-
mæðrafélagið sé félagið þeirra.
Ólafia M. Guðmundsdóttir
formaður Ljósmœðrafélags íslands■
44 Ljósmæðrablaðið júm' 2005