Ljósmæðrablaðið - 15.12.2008, Blaðsíða 21

gerði manni gott. „Mundu bara...þetta
er eins og að taka snuð af bamL.fyrst
vælir það mikið og svo gleymir það
því” Auðvitað, af hverju sá ég það ekki?
Við eigum honum Bjössa okkar mikið
að þakka.
Stórt skref fram á við
Stórt skref hefur verið stigið í leiðrétt-
ingu launa ljósmæðra miðað við aðrar
stéttir með sambærilegan bakgrunn. Við
samningaborðið fer fram kaup og sala.
Undirbúningur skiptir því gríðarlegu
máli. Forgangsraða þarf áherslum. Við
ljósmæður lögðum upp með að fá leið-
réttingu launa okkar m.t.t. hækkunar
grunnlauna. Við settum markið hátt.
Þrjátíu og tvö prósent var útgangslínan
okkar (m.a. 25% leiðrétting og 6,5%
fyrir krónutöluhækkun). Ljósmæður
gerðu sér grein fyrir því að á brattan
var að sækja en samstaða ljósmæðra
var slík að ég get fyllyrt að ekkert stétt-
arfélag hafí yfír annarri eins einingu að
ráða. Þessi samstaða átti einn mestan
þátt í því skrefí sem við náðum.
Það má með sanni segja að við ljós-
mæður séum heppnar að hafa klárað
kjarasamning við ríkið í ljósi alls þessa
sem gerst hefúr nú síðustu vikur í
efnahagslífinu. Kjarasamningar næstu
ára eru í lausu lofti og enn alls óvíst
hvort farið verður í að semja í mars
næstkomandi. Eitt tel ég þó víst, að
lítið sé að sækja í næstu samningum
sökum hamfaranna sem gengið hafa
yfir þjóðfélagið. Kjaranefndin situr hins
vegar ekki auðum höndum. Unnið er
að næstu skrefúm og við munum sækja
fram eins og frekast er unnt.
Hvað fæ ég?
Samningstími hins nýja kjarasamn-
'ngs er frá 1. ágúst 2008 til 31. mars
2009. Með þessari afturvirkni brutu
Ijósmæður blað í sögunni þar sem aldrei
hefur áður verið samið afturvirkt um
þetta langan tíma. Gerð var, af okkar
hálfu, krafa um að mál vegna uppsagna
•jósmæðra félli niður án nokkurra eftir-
mála. Með samningnum fylgdi að auki
yfirlýsing frá heilbrigðisráðherra þar
sem að skipa á starfshóp til að koma
með tillögur um framtíðarþróun í starfs-
umhverfi ljósmæðra.
Nýji samningurinn tryggir ljós-
utæðrum öllum um 22,6% launahækkun.
Sumt af því hafa önnur félög einnig
hengið en annað ekki.
Launatafla okkar er eingöngu fyrir
'jósmæður í Ljósmæðrafélagi íslands.
Ofan á töflu hjúkrunarfræðinga eru lögð
4,2%. Annars vegar fyrir sölu á þremur
greinum, þ.e. undanþáguákvæði fyrir 55
ára og eldri hvað varðar næturvaktir og
bakvaktir og ákvæði sem breytir útkalls-
fyrirkomulagi þegar breytt er um vakt
með viku fyrirvara og hins vegar fyrir
sölu á vísindasjóði. Yfírvinnuprósenta
okkar lækkar lítillega eða úr 1,0375 í
0,95. Þar sem grunnlaun hækka verulega
mun yfírvinna ekki skerðast en hækkar
þó ekki í sama hlutfalli og grunnlaunin.
Að auki fá eingöngu ljósmæður í
Ljósmæðrafélagi íslands 5% ofan á
laun sín (launaflokkshækkun) sem tengt
er hækkunum í stofnanasamningi. Nú
þegar höfúm við skrifað undir nokkra
stofnanasamninga og munu margar ljós-
mæður fá launaflokkshækkun í byijun
nóvember sem er afturvirk til 1. ágúst.
Einhverjar ná því hins vegar ekki en
þessi hækkun verður tryggð öllum og
munum við í samninganefúdinni ganga
frá því.
Öll stéttarfélög sem samið hafa
á árinu hafa fengið eftirfarandi og
erum við engin undantekning frá því:
Krónutöluhækkun, styrktarsjóðs-
framlag, veikindadögum vegna bama
hefur verið fjölgað úr 10 í 12ogávinnsla
veikindaréttar flyst milli ríkisstofnana,
sveitarfélaga og sjálfseignarstofúana
(sjá 8. grein samningsins).
Að jafnaði er hækkun ljósmóður í
100% starfi milli 70-90 þúsund mánað-
arlega.
Árangurinn
Samninganefnd Ljósmæðrafélagsins
gerði sér grein fyrir því á lokasprett-
inum að málin voru komin í harðan
hnút. Hvorki hafði gengið né rekið og
báðar samninganefndir staðið fast á
sínum kröfúm svo vikum skipti. Með
það í huga kom miðlunartillaga ríkis-
sáttasemjara fram á hárréttum tíma. A
þeim tíma höfðum við þjóðfélagið með
okkur. Samstaða ljósmæðra í hámarki
og það er stór sigur.
Við í samninganefndinni höfúm tekið
þátt í ferli sem við munum búa að alla
ævi. Þessi tími hefúr verið ævintýri
líkastur. Forgangsröðun í lífinu gjör-
breyttist á augabragði og fljótt vorum
við ljósmæður orðnar þáttakendur í
leikriti sem við höfðum aldrei æft. Fjöl-
skyldan var að miklu leyti sett á pásu og
dagamir flugu áfram á óraunverulegan
hátt. Nú mánuði eftir að miðlunartillagan
var samþykkt er lífið að komast í samt
horf. Hver stund með bömunum og
fjölskyldunni er gæðastund. Eg verð þó
að segja fyrir mig að það er ekki laust
við að ég sakni adrenalínsstundanna
og spennunnar sem fylgt hefur síðustu
mánuðum.
I ljósi efnahagshruns þjóðarinnar
getum við þakkað fyrir að hafa klárað
kjarasamning við ríkið áður en ósköpin
dundu yfir. Við sömdum samninginn
sem allir vildu hafa náð. Nú em ljós-
mæður fordæmi annarra.
Ljósmœður mœttu vel á fundi félagsins- frískar sem ófrískar.
Ljósmæðrablaðið desember 2008 21