Freyr - 01.08.1935, Síða 8

22
F R E Y R
ur að neyzlu, þrem vikum eða mánuði fyrr
en vant var. En með þeim afbrigðum, sem
nú eru kunn hér, býst eg naumast við að
hægt sé að fá uppskeru fyrr en um miðj-
an júlí, í kaldri jörð.
En hér á íslandi er svo víða um jarðhita
að ræða, að það getur fengið mikla þýð-
ingu fyrir þjóðarbúið, hvað garðræktina
snertir og ef til vill ekki sízt hvað kartöflu-
ræktinni viðvíkur. Því að við jarðhita
þroskast kartöflur fyrr og betur en í kaldri
jörð. Ef til væru rétt afbrigði, gæti rækt-
un snemmvaxinna kartaflna orðið þýðing-
armikil þar. í vor sem leið gerði eg smá-
vegis tilraun þessu viðvíkjandi og setti
niður vel spírað útsæði af þessum 4 af-
brigðum:
Kerrs pink (Eyvindur),
Rósin,
King Edward og
Duke of York.
Þau voru sett niður 23. apríl. Vorið var
eins og menn muna, fram undir hvíta-
sunnu, þegar vonda kastið kom með frosti
í 3 nætur og norðanbálviðri í 9 eða 10
daga. Enda þótt grösin yrðu fyrir allmikl-
um skemmdum af völdum veðursins, þá
fór eg að gá undir 15. júní, en þá voru
liðnir 54 dagar frá niðursetningu. Hjá
þremur fyrstnefndu afbrigðunum voru
ekki myndaðar kartöflur svo teljandi væri,
en hjá hinu 4., Duke of York (Jórvíkur-
hertoga), voru þær aftur á móti orðnar
sæmilegar, fáar en heldur vænar kartöfl-
ur undir hverju grasi, frá 40—70 gr. að
þyngd. Voru þá frá 100—150 gr. undir
grasi. Næst tók eg upp 22. júní, þegar
kartöflurnar höfðu verið í 60 daga, þá
voru frá 200—250 gr. undir grasi, og
stærstu kartöflurnar 100 gr. Smælki var
ekkert. Hvað bráðþroska snerti, skaraði
þetta afbrigði mjög fram úr hinum, undir
þeim kringumstæðum, sem þarna voru við
jarðhitann.
I huga mínum sá eg fyrir mér stóran
kartöfluakur, með þessu afbrigði í heitri
jörð, þar sem verið er að taka upp kartöfl-
ur fyrir Jónsmessu. Hver veit nema takast
megi að draga úr innfluttningi snemmvax-
inna kartaflna til landsins í framtíðinni,
en það er dýr vara, þegar 100 kg. kosta
50—60 krónur, eða jafnvel enn þá meira.
Þessar snemmvöxnu kartöflur voru til
sýnis í glugga eins dagblaðsins í Reykja-
vík seinni hluta júnímánaðar og vöktu
mikla eftirtekt, eins og vonlegt var.
Laugarvatni í júlí.
Ragnar Ásgeirsson.
Kornræktin í Reykholti.
1 fyrra stofnuðu 10 menn í Reykholtsdal
í Borgarfirði félag, með því markmiði að
hefja kornrækt. Félagið tók land á leigu í
Reykholti, braut það mikið land strax í
fyrra og sáði korni í allmikinn hluta þess;
þá byggði félagið hlöðu og keypti öll nauð-
synlegustu áhöld, og hefir notið til þess
nokkurs styrks frá Búnaðarfélagi íslands.
Á þessu ári hefir félagið færzt allmikið
í aukana um kornræktina. I vor var sáð
korni í 9,7 ha., þar af byggi í 6,2 ha. og
höfrum í 3,5 ha. TJtsæðismagn var 200 kg.
á ha., sáðtími 4.—15. maí.
Hér hefir eingöngu verið notaður tilbú-
inn áburður, og hefir áburðarmagn á hvern
ha. verið 200 kg. kalksaltpétur, 100 kg.
37% kalíáburður og 400 kg. superfosfat.
Nú, 1. ágúst, leit mjög vel út um upp-
skeruhorfur. Akrarnir voru mjög jafnir
yfir að líta. Bygg-akur, þar sem sáð hafði
verið í nýbrotið land í vor, var sérlega fal-
legur.
Andrés Kerulf, búfræðingur, sem undan-
farin ár hefir starfað við kornræktina á
Sámsstöðum, hefir umsjón með kornrækt-