Einherji - 15.12.1970, Blaðsíða 10

JÓLABLAÐ 1970
EINHERJI
VlSNAÞÁTTUR
Hopar snær af hæstu f jöllum
hörputærar lindir slá.
Vetur hlær að vonum öllum,
vekur blærinn sumarþrá.
Isar.
Þokan dylur allan ís,
ísinn hylur fjörðinn,
vonlaust spilar vorsins dís,
vantar yl á svörðinn.
Út við sjó er voði vís,
værð og ró á fjörum.
Húnafiói hulinn ís,
Harpa þó á förum.
Kvöld.
Sól á græðis gengur vit,
gulli klæðist ögur.
Ber frá glæðum bjartan lit
brúðarslæða fögur.
Guðrún María Benónýsdóttir
Fífusundi
Lausavísur
25. júlí 1970.
Lægir strangan storm á ný
stillir ganginn tregur.
Moldin angar mild og hlý,
mig að fangi dregur.
Geislar fjörðinn gliti slá,
gróin jörðin angar.
Halda vörð með hýrri brá
hnjúkar, skörð og drangar.
Mannlíostir.
Tápi með þín tókstu spor
trúin léði framann.
Æskugleði, von og vor
völdum réði saman.
1 önn dagsins
Sólarglit og Braga bál
bezt fær hitað sinni.
Gleymist strit ef hendig hál
hjartans flytur minni.
1 grenjaleit.
Heiðin sollin, grá og grett,
greipuð polla teiknum.
Veldur hrolh þoka þétt
þar í skollaleiknum.
Á greni.
Skotin gjalla, brotna bein,
bifast valla rófa.
Er að falla ein og ein,
upp til fjalla tófa.
Vitnisburður.
Þinn er háttur hlýr og beinn,
hvergi máttar-þrotinn.
Eðhsþáttur ekki neinn
agnarsmátt er brotinn.
Mismunur.
Sumir falla í forina
fyrir galla sína.
Lifa alla ævina
aðrir sallafína.
Ellitök.
Gengur lotinn garpurinn,
greinabrotinn stynur.
Afli þrotinn auminginn
er sem rotinn hlynur.
Leyst tunguhaft.
Öls við teiti andinn frjáls
upp sér fleytir hraður.
Burtu þeytir böndum máls
blankur sveitamaður.
Vetur.
Bylur hríð á bænum þrátt
brögnum kvíða veldur.
Þessi tíð nær engri átt,
eg vil blíðu heldur.
Þegar frýs og fellur snjór
feigðar rísa völdin,
þó mun vísan vængjastór
vetrar lýsa kvöldin.
Andvaka.
Býður ótta, hvíld og kyrrð.
Kúrir drófct í ranni.
Vökimótt og staka stirð
stela þrótti úr manni,
Endurlausn.
Þegar vorsins kallar kraftur
kætist öndin veik og sljó.
Verður hraust og ungleg
aftur,
eftir fcök við frost og snjó.
Þá er ljúft um gróna grundu
ganga léttum sporum frjáls.
Skinið sólar mjúkri mundu
magnar logann orku báls.
Hörkufrost og válynd veður
virðast langt að baki nú.
Eagra vor sem græðir gleður,
gefur aftur von og trú.
Vor að völdum.
Allt er kærum svipi sett,
sundur snærinn drafnar.
Kyssir blærinn laufið létt,
h'fið grær og dafnar.
Pálmi Jónsson
Stökur.
Lýsir jólakerti kært
Hvar sem róla veginn,
hef í skóla lífsins lært
löngum sólarmegin.
Höllin, bríkur, víkur, ver,
völhn lýkur snærinn.
Mjölhn rýkur, fýkur, fer,
fjöllin strýkur blærinn.
Þorri rymur, gustar gátt,
glugga fimur málar rósum.
Rastar himinheiðið blátt
háfext brim af norðurljósum.
Máni hlær við brúnaboga,
bliki slær á hafsins djúp,
úfinn sær við vík og voga,
vafinn. bær í klakahjúp.
Útigöngu-hörmung hræðir,
hrossin löngum standa í höm,
horfin föngum, napurt næðir,
norpa svöng á heljarþröm.
Oft eru vetrar erfið spor,
eymast lúnir fætur,
bráðum kemur blessað vor
og bjartar sumarnætur.
Lagið prýðir borð í bát,
bandið treystir hnoð á ró.
Eins má hafa á því gát,
oft er lag með þriðja sjó.
Leiðarstein í lófa fel,
lífsins gæfuneista,
gættu þess að velja vel
vin, sem á að treysta.
Gott er að valda meiri mýkt,
milda kaldan vetur.
Þeir sem gjalda líku líkt
lifa sjaldan betur.
Þó að fenni í fótspor senn,
fáu nenni kvíða.
Gott á enn við ýmsa menn,
ylinn kenni víða.
Eðvald HaUdórsson
Búnaðarbanki íslands
Sími 5300 — IITIBÚIiÐ Á SAUÐÁRKRÓKI — Sími 5300
Afgreiðslutími kl. 9,30—12 og 13—16,
laugardaga kl. 9,30 —12.
Annast öll innlend bankaviðskipti.
Trygging fyrir innstæðufé er ábyrgð
ríkissjóðs.
Útibúið óskar öllum Skagfirðingum og
Siglfirðingum heima og heiman árs og
friðar.
Búnadarbanki Islands
ÚTIBÚIÐ Á SAUÐÁRKRÖKI
HappdrættiHáskóla Islands
Á árinu 1971 á þriðjungur þjóðarinnar kost á að hljóta vinning.
Heildarfjárhæð vinninga verður 241.920.000 krónur — tvö hundruð
fjörutíu og ein milljón níu hundruð og tuttugu þúsund krónur — eða
tæpur fjórðungur úr milljarði.
Vinningar skiptast þannig:
Vinningar ársins (12 flokkar):
4 vinningar á 1.000.000 kr 4.000.000 kr.
44 — — 500.000 — . . . . 22.000.000 —
48 — — 100.000 — . .. . 4.800.000 —
7.012 — — 10.000 — . . . . 70.120.000 —
11.376 — — 5.000 — . . . . 56.880.000 —
41.420 — — 2.000 — . .. . 82.840.000 —
Aukavinningar: 8 vinningar á 50.000 kr 400.000 —
88 — 10.000 — . . . . 880.000 —
60.000 241.920 —
Hæsta vinningshhitfallið:
Vinningur í Happdrætti Háskóla íslands nema 70% af samanlögðu
andvirði seldra miða. Er það miklu hærra hlutfall en nokkurt happdrætti
greiðir, og sennilega hæsta vinningshlutfall í heimi. — Atliugið: Eitt
númer af hverjum fjórum hlýtur vinning. 7 krónur af hverjum 10 eru
greiddar í vinninga — og berið saman við önnur happdrætti.
Góðfúslega endurnýið sem fyrst.
Hver hefur efni á að vera ekki með?
Happdrætti Háskóla (slands
Fiskiðja Sauðárkróks h.í.
Stökur þessar tók Eðvald
Halldórsson saman að beiðni
Einherja. Þær eru allar eftir
hagyrðinga í Vestur-Húna-
vatnssýslu. Blaðið kann Eð-
vald beztu þakkir fyrir.
óskar viðskiptamönnum og starfsfólki GLEÐILEGRA JÓLA og
FARSÆLS KOMANDI ÁRS og þakkar samstarfið á árinu.