Einherji


Einherji - 01.02.1997, Blaðsíða 2

Einherji - 01.02.1997, Blaðsíða 2
EINHERJI FEBRUAR 1997 tllMjiLKJl Útgefandi: Kjördæmissamband Framsóknar- manna á Norðurl. vestra. Ritstjórar: Björn Hannesson og Kristín E. Sigfúsdóttir. Ábyrgðarmaður: Björn Hannesson. Upplag: 3600 eintök Skrifstofa: Gilsbakki 2, Laugarbakka, sími 451 2606, fax 451 2606. Setning, litgreining og prentun: SÁST hf. Sauðárkróki, s: 453 5711. INTERNETÞJONUSTA Á SAUÐÁRKRÓKI RKS Raftækni Tölvutækni Borgarflöt 27» 550 Sauðárkrókur Tel: 354-455-4550 • Fax: 354-455-4551 •Bjóðum internetþónustu og internettengingar. •Heimasíðugerð og uppsetningar á heimasíðum. •Vistanir á heimasíðum og alhliða tölvuþjónustu. •Gerum föst verðtilboð •Leitið upplýsinga Guttormur Óskarsson áttrœður Sunnudaginn 29. desember sl. varð Guttormur Óskarsson á Sauðárkróki áttræður. Hann var fæddur í Hamars- gerði, Lýtingsstaðarhreppi, en þar bjuggu foreldrar hans Sig- ríður Hallgrímsdóttir og Óskar Þorsteinsson. Síðan fluttu þau að Kjartansstöðum í Staðar- hreppi. Þau hjón áttu mörg börn og mannvænleg. Er af þeim hjónum kominn mikill ættbogi hins merkasta fólks. Meðal systkina Guttorms má nefna Sigurð í Krossanesi, Steingrím á Sökku, Skafta mjólkurbússtjóra á Sauðár- króki, Petru á Hóli, Vilhjálm í Reiðholti og Armann í Kjartans- koti. Eins og gefur að skilja hef- ur þessi stóra fjölskylda búið við þröngan efnahag á kreppu- tímum og þröngu jarðnæði. Guttormur stundaði nám í Reykholti og síðan í Sam- vinnuskólanum 1942-1944. Hann var þar lærisveinn Jónasar Jónsssonar frá Hriflu og fleiri öflugra manna. Jónas hafði mikil áhrif á þennan gáfaða og hrifhæma lærisvein sinn og alla tíð síðan hefur hann verið trúr þeim hug- sjónum sem hann vígðist í æsku. Guttormur gerðist starfs- maður Fræðsludeildar Sam- bands íslenskra samvinnufélaga strax að námi loknu, en Guttormur er Skagfírðingur og erfítt að hugsa sér hann búsett- an annarstaðar en í Skagafirði til langframa. Hann hélt því til heimabyggðar sinnar og gerð- ist gjaldkeri Kaupfélags Skag- firðinga og gengdi því starfi um fjörutíu ára skeið við góðan orðstír. Það var engin tilviljun að Guttormurtileinkaði samvinnu- hreyfingunni starfskrafta sína. Hann er í eðli sínu mjög ein- lægur samvinnu- og félags- hyggjumaður og hefur á því ríkan skilning að svo best yrðu einstaklingarnir frjálsir og hamingjusamir að þeir hjálp- uðust að. Guttormur hefur ftest- um betur skilið eðli samvinn- unnar og samhjálparinnar. Það hefur ekki verið auðvelt að vera gjaldkeri Kaupfélags Skagfírðinga. Starf gjaldkerans var öðrum þræði að vera fjárhaldsmaður fólksins í hér- aðinu. Reikningsviðskipti voru almenn og eru raunar enn. Alla tíð hafa margir ekki haft úr miklu að spila og búið við þröngan hag. Guttormur tók öllum af hlýju og ljúfmennsku og reyndi að leysa hvers manns vanda, þótt oft væri ekki mikið svigrúm til þess. Þessvegna fóru flestir glaðir af fundi Guttorms. Hann benti mönn- um á björtu hliðarnar, enda dvelur hugur hans sjálfs fremur við þær og flestir skynjuðu að hann hafði veitt þá úrlausn sem frekast var unnt. Þannig var hann fátækum mönnum í Skagafirði hollráður og þótt hann klyfjaði þá ekki með peningum, gaf hann þeim bjartsýni og kjark og það er gott nesti. Guttormur er hamingju- maður í einkalífi sínu. Hann giftist 15. október 1944 Ingveldi Rögnvaldsdóttur verk- stjóra á Sauðárkróki. Inga er einstök mannkostamanneskja og eru þau hjón samvalin. Þau eignuðust tvær dætur: Sigríði, sem gift er Pétri Skarphéðins- syni lækni í Laugarási og Ragnheiði, sem gift er Sigurði Frostasyni flugvallarstjóra á Sauðárkróki. Þá fóstruðu þau bróðurdóttur Guttorms Elsu, en hún missti móður sína barn- ung. Allar eru dætur þeirra úrvalskonur. Guttormur hefur allt frá unglingsárum verið í forystu- sveit framsóknarmanna og gegnt á þeim vettvangi fjölmörgum trúnaðarstörfum. Hann var formaður Félags ungra framsóknarmanna á Reykjavíkurárum sínum. Er hann fluttist norður, var hann strax kjörinn í stjórn Fram- sóknarfélags Sauðárkróks og sat þar í tuttugu ár, lengst af formaður. Þá situr hann í stjórn Framsóknarfélags Skagfirð- inga og hefur setið lengi. Framsóknarmenn í Skagafírði hafa haldið sumarhátíð árlega í bráðum fjóra áratugi. Þessar sumarhátíðir eru mjög fjölsótt- ar og hefur Guttormur lengst af verið aðaldrifkrafturinn við undirbúnig og framkvæmd þeirra. Þegar framsóknarmenn á Norðurlandi vestra stofnuðu kjördæmissamband sitt 1959, var Guttormur strax kjörinn í stjórn þess og formaður þess var hann í yfir 20 ár. Þá átti hann lengi sæti í miðstjórn Framsóknarflokksins og öll flokksþing framsóknarmanna hefur hann setið í meira en hálfa öld. Þá gegndi Guttormur fjölda trúnaðarstarfa fyrir bæjarfélag sitt, stéttarfélag svo og sam- vinnuhreyfinguna. Hvarvetna þar sem Guttormur hefur komið á vettvang hefur hann haft mikil áhrif. Hann er mjög glæsilegur ræðumaður og óþreytandi baráttumaður fyrir hugsjónum sínum og ávallt geislandi af bjartsýni og góðvild. Þau hjón Inga og Guttormur hafa á heimili sínu að Skag- firðingabraut 25, haldið nokkurs konar félagsheimili fyrir framsóknarmenn. Gest- risni þeirra er einstök og þar hefur verið samkomustaður framsóknarmanna úr kjör- dæminu og af landinu öllu og ævinlega allir velkomnir. A heimili þeirra hafa framsóknar- menn ráðið ráðum sínum og Guttormur ætíð haft gott til mála á leggja. Þegar Guttormur kom norður var Steingrímur Steinþórsson alþingismaður framsóknarmanna í Skagafirði. Þeir Guttormur urðu miklir vinir. Þegar Steingrímur var kominn á efri ár, réð Guttormur því að Skagfirðingar leituðu til Ólafs Jóhannessonar um að hann tæki sæti á framboðslista flokksins. Það mun hafa verið torsótt í fyrstu. Ólafur var þá á mikilli framabraut og í góðu starfi sem lagaprófessor og vísindamaður við Háskóla íslands. Ólafur var Skag- firðingur og hlýddi kalli sýsl- unga sinna meðal annars fyrir eftirgangsmuni Guttorms. Þjóðin á Guttormi mikið að þakka að hafa fengið Ólaf Jóhannesson til að snúa sér að stjórnmálastörfum. Það er ekki síst Guttormi að þakka að við eignuðumst þann þjóðarleið- toga sem Ólafur var. Guttormur var nánasti vinur og ráðgjafi Ólafs í kjördæminu og mér er vel kunnugt um að Ólafur mat hann um aðra menn fram. Þau frú Dóra og Ólafur gistu jafnan hjá Ingu og Guttormi þegar þau voru nætursakir á Sauðárkróki. Eitt sinn er þau gistu þar, kom Sigurður í Krossanesi árla morguns heim til bróður síns, Guttorms. Hann þekktu Ólaf en ekki frú Dóru og spurði Olaf: „Er þetta konan þín?" Dóra varð fyrri til svars og spurði á móti: „Heldur þú að Olafur ferðist með annari konu en sinni?" „Ja, þetta gerði Kennedy," svaraði Sigurður að bragði. Svonavoruþessirkarlar. Þegar ég dvaldist til þing- mennsku, var það meðal annars fyrir atbeina Guttorms. Hann hefur alla tíð reynst mér einstaklega ráðhollur eins og fyrirrennara mínum og ætíð sýnt mér frábæra vináttu og drengskap. Guttormur er ágætlega ritfær og var um langt skeið frérta- ritari Tímans og umboðsmaður blaðsins á Sauðárkróki meðan það var málsvari framsóknar- manna. Hann er víðlesinn og hefur yndi af skáldskap og hestum. Hann átti gæðinga og einn þeir- ra stóð efsrur á Fjórðungssmóti á Einarsstöðum 1969. Undanfarinn áratug, eftir að Guttormur hætti erilsömu starfi gjaldkera Kaupfélags Skagfirðinga, hafa þau hjón haft minni umsvif. Þó er gestrisnin söm og áður og enn er Guttormur með í ráðum „þegar hin góðu eru ráðin,"eins og Njáll forðum. Starf stjórnmálaflokka bygg- ist á fórnfusum og ötulum baráttumönnum. Ég vil fyrir hönd framsóknarmanna þakka Guttormi innilega hans öfluga starf og farsæla forystu og árna honum áttræðum allra heilla, svo og Ingu konu hans. Sjálfur vil ég þakka órofna vináttu og tryggð þann tíma sem leiðir okkar hafa legið saman. Það er dýrmætt að hafa átt slíkan sam- ferðamann. Guttormur er mað- ur sem bætir allt í kringum sig. Páll Pétursson

x

Einherji

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Einherji
https://timarit.is/publication/788

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.