Einherji - 02.01.2002, Blaðsíða 2

2
EINHERJI
JANÚAR 2002
EINHERJI
Útgefandi: KFNB
Ritstjóri og ábyrgðarmaður: Björn Hannesson
Upplag: 3600 eintök
Prentvinnsla: HVÍTT & SVART Sauðárkróki,
simi: 453 5711 Fax: 453 6162
Netfang: hogs@hvittogsvart.is
Herdís Á. Sæmundardóttir
FRAMSÓKN - LEIÐANDI AFLÁNýRRI ÖLD
Á undanförnum árum hefur stjómsýsla
sveitarfélaga tekið talsverðum breytingum
og umfang verkefna sveitarfélaga aukist til
muna. Kemur þar margt til. Ymis ný
verkefni hafa orðið til hjá sveitarfélögum,
bæði vegna lagasetningar sem og áhuga og
vilja heima fyrir. Verkefni sem áður voru hjá
ríkisvaldinu hafa færst til sveitarfélaga, þau
hafa verið að auka við ýmsa þjónustu sem
fyrir var og síðast en ekki síst hefur
upplýsinga- og umsagnarskyldan aukið
mjög á þetta umfang. Jafnframt hafa kröfur
um vönduð vinnubrögð og góða stjórn-
sýsluhætti aukist, sem og eftirlit með fjár-
málastjórn og bókhaldi sveitarfélaga. Þessar
breytingar á stjómsýslu sveitarfélaga hafa að
sjálfsögðu haft í för með sér miklar breyting-
ar á starfi sveitarstjómarmannsins og aukið
umfang vinnu hans að sama skapi.
Eg tel að þessi stjómsýsla sveitarfélaga
eigi enn eftir að breytast á næstu árum. Þótt
svo nokkur lægð sé um þessar mundir í
sameiningu sveitarfélaga, verður sú þróun
ekki stöðvuð og ég spái því raunar að við
eigum eftir að sjá margar og stórar
sameiningar á allra næstu árum, hvort sem
þær nrunu eiga sér stað með fúsum og frjáls-
um vilja íbúanna eða með lagasetningu.
Sveitarstjórnarmenn eru þegar að leita
nýrra leiða í samstarfi og hagræðingu á
ýmsum sviðum og fara talsvert út fýrir hin
hefðbundnu sveitarfélaga- og hin gömlu
kjördæmamörk í þeirri leit sinni.
Sú glíma sem sveitarfélögin á lands-
byggðinni eiga í gagnvart fólksfækkun er
stöðug og sér engan veginn fyrir endann á
straumnum til höfuðborgarisvæðisins. Þrátt
fyrir það verða sveitarfélögin á lands-
byggðinni að halda uppi góðri og öflugri
þjónustu og það kallar á stærri einingar og
öflugra stjórnkerfi sveitarfélaga. Við,
íbúarnir, berum öll ábyrgð á að þessi glíma
verði okkur í hag. Því er mjög mikilvægt að
fólk láti sig sveitarstjórnarmál varða og leggi
sitt að mörkum til að treysta búsetuskilyrði
á landsbyggðinni.
Það er nokkurt áhyggjuefni allra ílokka
að erfiðlega getur reynst að fá fólk til að
starfa að sveitarstjórnarmálum og er það
miður. Að fenginni reynslu tel ég að einmitt
þátttaka í stefnumótun og stjórnun í því
umhverfi sem við lifum og hrærumst í sé
ákaflega gefandi
og lærdómsrík og
fátt sé jafn vel til
þess fallið að
auka skilning
manna á aðstæð-
um og kjörum
fólks.
Eftir rúma
fjóra mánuði fara
frarn mjög mikil-
vægar kosningar
- sveitarstjórnar-
kosningar. Með þeim kosningum og að sjálf-
sögðu með Alþingiskosningunum eftir rúmt
ár ár hefjum við nýtt tímabil í stjórn-
málasögu landsins.
Það er ákaflega mikilvægt fyrir Fram-
sóknarflokkinn að vera tilbúinn til að rnæta
þeim breytingum sem breytingar í
stjómsýslu sveitarfélaga sem og ný kjör-
dæmamörk fela í sér og og vinna vel og
markvisst að því að tryggja gott gengi í
komandi kosningum, með það að markmiði
að verða leiðandi afl á nýjurn tímum í stjóm-
málasögunni.
Eg hvet því alla framsóknarmenn til að
bretta nú upp errnar og taka hraustlega á
í þeirri vinnu sem framundan er. Það er
hverju orði sannara að heimsmyndin hefur
tekið gríðarlegum breytingum á síðustu
misserum og mánuðunr. Þessi breytta
heimsmynd hefur áhrif á allt okkar um-
hverfi, hugsunarhátt og lífshætti. í þessu
umróti standast gildi Framsóknarflokksins
og það er svo sannarlega ennþá rík þörf fyrir
þau sjónaiTnið og lífsgildi sem Framsóknar-
flokkurinn leggur til grundvallar í sínurn
verkum og sem byggja á félagshyggju og
lausn sameiginlegra viðfangsefna þjóð-
félagsins á grunni samvinnu og jafnaðar.
Herdís A. Sœmundardóttir,
forseti Sveitarstjórnar Skagafjarðar
Sendum starfsfólki okkar, hluthöfum
og landsmönnum öllum nœr og fjœr
bestu nýársóskir
<ISK
FISKIÐJAN SKAGFIRÐINGUR