Mjölnir - 27.11.1939, Blaðsíða 2
2
M J O L N I R
stjórnarfariEnglands og Þýzkalands
óg lífskjörum almennings í fas-
istaríkjunum og lýðræðisrikjunum,
en hvortveggja eru þó auðvaldsríki
þó stjórnarfarið sé mismunandi.
Þegar Þýzkaland »svíkst« undan
því, sém til var ætlast, að ráðast
á Rússland, þá er hættulegt að
hafa það eins vel vopnað og það
er. Þá gæti farið svo að það reynd
að hrifsa til sín eitthvað af því
sem ensk'a og franska afturhaldið
telur sig eiga. Og auðvitað reynir
Þýzkaland þetta. Það berst fyrir
nýlendum, auði og völdum, en
málstaður Englands og Frakklandi
er sá sami. Þeir berjast fyrir að
vernda nýlendur sínar og vald.
England undirokar og kúgar ný-
Iendur með um 480 miljónumibúa
og nýlendur Frakklands hafa um
70 miljónir íbúa. Þetta stríð er
ekki stríð fyrir frelsi og sjálfstæði
smáríkja eða stríð gegn fasisma
og ofbeldi, heldur imperialistisk
styrjöld auðvaldsríkjanna um auð-
lindir og völd. Þeir sem aldrei geta
grætt á þessari styrjöld eruverka-
mennirnir og alþýðan. Þessvegna
á alþýðan að berjast gegn styrj-
öldum í sínu landi, steypa auð-
valdsstjórnunum af stóli og stofna
sósíalistisk riki.
Enska og franska afturhaldið
reynir að telja alþýðunni í Iöndum
sinum trú um að þeir séu að berj-
ast f-yrir göfugum hugsjónum í
þessu stríði og á meðan reyna
þeir i laumi að koma á einhverj-
um sáttum við Hitler og samning-
um um sameiginlega árás á Sovjet-
ríkin.
Alþýðan hlýtur að taka afstöðu
gegn þessu stríði og öllum blekk-
ingum um það, þvi hörmungar
stríðsins skella verst á baki hennar.
Það raskar þó ekki þeirri stað-
reynd, að það gæti orðið stór-
hættulegt ef Þýzualand ynni stríðið
og því í öllum tilfellum æskilegt,
að stríðið endaði með ósigri þýzku
nazistastjórnarinnar. í þessu efni
reynir að sjálfsögðu mest á alþýð-
una, að hún beri gæfu til að skilja
að hennar versti óvinur er hennar
eigin ríkisstjórn.
Takmarkið, sem alþýða allra
landa verður að keppa að er, að
uppræta orsakir styrjaldanna, sjálft
auðvaldsskipulagið. Þá fyrst, þeg-
ar hið sanna lýðræði, sósíalisminn
er kominn á, verða engar styrjaldir.
Þ. G.
Alþýðu-
skólinn.
Eins og kunnugt er hefir verka-
mannafélagið »Þróttur« gengizt
fyrir því, að haldið yrði hér uppi
alþýðuskóla 3—4 mánuði í
vetur. Hefir bæjarstjórn einnig lof-
að fé til styrktar þessu fyrirtæki.
Það er til* þess ætlazt, að kennslu
í þessum skóla verði hagað þannig,
að hún hafi sem hagnýtast gildi
fyrir verkamenn yngri sem eldri
— og geti veitt þeim nauðsynlega
undirstöðu-þekkingu. Það er vitað
mál, að yngri verkamenn hafa
margir hverjir hvorki efni né á-
stæðu til að stunda hér aðra fram-
haldsskóla eins og t. d. gagn-
fræðaskóla — og fullorðnir verka-
menn hafa enn síður löngun eða
ástæðu til slíkra hluta. Þessarri
tilraun með verkamannaskóla er
ætlað að koma hér í skarðið og
gefa þessum mönnum hagnýta al-
menna þekkingu í þeim greinum,
sem kenndar verða — og verða
þeim uppörvun til að leita sér
frekari fræðslu. Gert er ráð fyrir,
að skólinn verði á þeim tíma árs
sem hentugastur sé verkamönnum
með tilliti til vinnu — ogjafnframt
það, að kennslan verði aðeins 4
daga í viku, 2—3 klst. á kvöldi,
þannig að alþýðumenn eigi sem
hægast með að sækja kennsluna
og hún komi ekkí í bág við þau
störf, er þeir þurfa að sinna heima
eða út á við.
Kenndar verða eftirfarandi náms-
greinar: íslenzka, reikningur, bók-
færsla, saga, landafræði, félags-
ræði og danska. Auk þess geta
nemendur skólans fengið tilsögn í
öðrum erlendum málurn sér að
kostnaðarlausu, ef þeir æskja þess.
Við kennslu þessarra áðurnefndu
námsgreina verður fyrst og fremst
lögð áherzla á þau atriðin, sem
hagnýtust eru og menn þurfa helzt
á að halda í daglegu lífi eins og
t. d. réttritun móðurmálsins, nauð-
synlegri þekkingu í reikningi og
bókfærslu o. s. Ef til vill verður
líka eitthvað Iesið og rætt um ís-
lenzkar bókmenntir frá öndverðu
til okkar daga. Kennslan í öðrum
námsgreinum, eins og landafræði,
sögu og félagsfræði fer að mestu
fram í fyrirlestrum, þóverðurstuðzt
hér við bækur eftir því, sem föng
er á. í landafræðinni verður t. d.
lögð til grundvallar bók Horrabins
Lönd og ríki og reynt að gefa sem
gleggsta hugmynd um náttúruskil-
yrði Iandanna, auðlindir og fram-
leiðslu o. s. frv.
Kennarar við skólann verða
Ásgeir Blöndal, sem jafnframt er
skólastjóri. Áki Jakobsson, Sæ-
mundur Dúason og Már Einarsson.
Skólinn var settur föstud. 24.
nóv. og hefst kennsla í dag (mánu-
dag) kl. 5 e. h.
Allmargir nemendur hafa þegar
sótt um skólann og er það áskorun
skólanefndar, að verkafólk noti sér
þessi hagkvæmu skilyrði til auk-
innar fræðslu og taki sem flest
þátt í skólanum.
Þriðjud. 28. nóv. kl. 8.40-
Eg skrökvaði ..
Afbragðsgóð frönsk mynd
með
Danielle Darrieux
í aðalhlutverkinu.
Tilkynning.
Vegna verðhækk-
unar.vá bensíni og
varahlutum til bíla,
hækkar kauptaxti bíla
um eina kr. á klst. og
helst sú hækkun þar
til öðruvísi verður á-
kveðið.
Siglufirði 19. nóv. 1939
Stjórn Bílstjöradeildar Þróttar.
Stjórn verkam.fél. »Þróttur«.