Mjölnir - 15.12.1939, Síða 1
Útgefandi: SÓSÍALISTAFÉLAG
2. árg.
1
Siglufirði, föstudaginn 15. des. 1939.
I
»Ósamboðið virðingu
Alþingis«.
Fyrir skömmu gáfu þingmenn
hinna svonefndu »ábyrgu« flokka
út sameiginlega yfirlýsingu, þar
sem þeir töldu það »ósamboðið
virðingu Alþingis«, að fulltrúar
Sósíalistaflokksins ættu þar sæti.
Bæri þar sérstaklega til afstöðu
þeirra til erlendra stjórnmála og
einkum það, að þeir hefðu ekki
lýst yfir fyigi'sínu og samúð með
finnsku stjórninni og ekki fordæmt
aðfarir Sovjetríkjanna.
Mörgum hefir þótt þessi nýja
siðferðilega upphafning þjóðstjórn-
arinnar dálitið skringileg. Menn
muna ekki til þess, að þessir nýju
vandlætingarpostular um sambúð
þjóðanna, hafi æmt né skræmt,
þegar fasistaríkin sviptu t. d.
Albaníu, Tjekkoslóvíku og Austur-
riki sjálfstæði sínu — eða þegar
tvö fasistisk herveldi hófu árásar-
stríð á spænska lýðveldið — eitt
aðal viðskiptaland okkar. Um þann
atburð skrifuðu jafnvel blöð eins
aðal stjórnmálaflokksins meðfögn-
uði og sigurvímu. Þess er ekki
getið, að hið háa Alþingi hafi gert
um það nokkra samþykkt, að það
samrýmdist ekki virðingu þess, að
fulltrúar slíks flokks sætú þar. —
En þegar ríki verkalýðsins á í
höggi við hið hálf-fasistiska Finn-
land — þá er eins þg siðferðis-
vitund þessara fínu herra ranki
við sér. Þeir bólgna af siðferðilegri
vandlætingu — og hjörtun þenjast
í allt-um-spennandi samúð með
finnsku þjóðinni. Sumirhalda.reynd-
ar að samúðin nái ekki lengra en
til Mannerheims og finnsku trjá-
viðarkonganna. En reynslan mun
sanna það.
Einstaka menn eru að vona, að
hér sé um að ræða byrjun að sið-
ferðilegri endurfæðingu, — þessir
menn, sem í yfirlýsingu sinni tala
í nafni hins »eilífa réttlætis« séu
innblásnir af anda vandlætingar-
fullrar réttlætiskenndar, semkrefjist
nú útrásar — kannske líka i inn-
lendurn málum. — Ó, hversu fagn-
aðar- og heillarík væri ekki slík
siðferðileg endurfæðing. Menn höfðu
reyndar talið flesta þessa herra
heldur kaldrifjaða fjárplógsmenn.
En hvað um það, siðgæðisvitund
þeirra hefir nú ef til vill vaknað,
við erlenda atburði, — þó að þeir
hafi máske ekki verið það fyrir-
bærið.sem mesta ástæðu gaf til vand-
lætingar, skítt með það! ognú kemur
röðin næst að okkar eigin íslenzku
málum. Sumir eru að vona, að
næst munu þjóðstjórnarþingmenn-
irnir lýsa því yfir í krafti hinnar
siðferðilegu endurfæðingar »aðþað
sé ósamboðið virðingu alþingis«,
að þar sitji menn, sem svikið hafi
kosningaloforð sín og yfirlýstan
vilja kjósenda. —Það geti ekki sam-
rýmst heiðri þessarrar fornhelgu
samkundu, að þar sitji menn, sem
lofuðu að berjast gegn íhaldinu,-
en hafi nú myndað stjórn með
því, og viðhaldið Iíveldúlfssukkinu,
komið á vinnulöggjöf, lækkað
gengið, lögfest kauplækkun, aukið
dýrtíðina, hindrað aukna atvinr.u,
skorið niður fé til opinberra fram-
kvæmda, hækkað tollana og kom-
ið á ríkislögreglu — og þetta allt
þvert ofan í þau loforð, sem þeir
hafa hátíðlega gefið kjósendum
sinum.
Það sést ekki örla á þessum yfir-
lýsingum ennþá. — Máske kemst
líka þetta »siðferðilega afturhvarf«
aldrei á það stig, að það nái til
heimalandsins. Kannske verður
25. tbl.
WMIffiT?l"HTiWiyili—
bjartsýni þeirra, er það vona, sér
til skammar. — Og víst er um
það, að sú skoðun verður nú æ
almennari, að þessi siðferðilega
vandlæting — og útblásna samúð
sé aðeins auglýsingaspjald, til að
draga athygli fólks frá gerðum
þessa »siðavöndu« þingmanna á
Alþingi—ogsvo auðvitað þægilegar
umbúðir fyrir árásir þessarra háu
þjóðstjórnarherra á Sósíalistaflokk-
inn. En hann hefir gerzt svo
djarfuráð »misbjóða heiðri« Alþing-
is með því, að gagnrýna ráðstaf-
anir þjóðstjórnarinnar og bera þar
fram hagsmunamál fólksins.
Kauptaxti
nöta- og netabætingamanna-
deiidar verkamannafélagsins
»Þróttur« á tímabiiinu 1. nóv.
1939 tii 1. maí 1940.
1. Innivinna við nótabætingu kr.
1.15 á tímann.
2. Kaup verkstjóra skal vera 15
aurum hærra á tímann.
3. Fyrir að fella síldarnet kr. 10.00
á hvert net.
4. Fyrir að bæta sildarnet kr. 10.00
á hvert net.
5. Fyrir að hreinsa netateina kr.
1.50 á hvert net.
6. Eftirvinna við nótabætingar kr.
1.60 á tímann.
7. Við alla vinnu leggur eigandi
til garn og annað efni.
8. Um kaffitíma, eftirvinnu og
önnur skilyrði gildir sama og í
kauptaxta Þróttar.
Þannig samþykkt á fundi félags-
ins 25. okt. 1939.
Þorgeir Bjarnason
3ön Benediktsson
3ón lóhannsson.