Tímarit Verkfræðingafélags Íslands - 01.04.1949, Blaðsíða 11

TÍMARIT V.F.Í. 1949
17
m), verður mesta hleðsla af afurðum um 3420 tonn,
sem t. d. skiptast þannig:
Lýsi _____ 2245 tonn
Síld ..... 700 —
Mjöl ______ 475 —
I Húsavíkurhöfn virðist mér góð aðstaða fyrir síld-
veiðiskipin og afgreiðslu þeirra við Hæring.
2. Aðstaða við land.
Við hafskipabryggjuna hefur verið reist lítil síldar-
verksmiðja. Mestu afköst hennar hafa orðið um 350
mál, en henni mun hafa verið ætlað að vinna 400
mál. Síldarþróin tekur um 3200 mál, mjölgeymslan
um 300 poka, en lýsisgeymsla er engin.
Fyrir nokkrum árum var fyrirhugað að reisa í
Húsavík síldarverksmiðju með um 9 þúsund mála
afköstum á sólarhring. Verksmiðjuhúsi og síldarþró
var þá ætlaður staður á uppfyllingu fyrir innan
hafnargarðinn, en lýsisgeymum, mjölhúsi og skrif-
stofum uppi á Húsavíkurhöfða, sem er aðeins 16 m hár
og sléttur að ofan. Virðist mér þar góð aðstaða til
þess að reisa þau mannvirki, sem gera þarf á landi
í sambandi við afgreiðslu skipsins.
1 Húsavík eru engir lýsisgeymar, og tel ég ólík-
legt, að þar fáist leigð hús til mjölgeymslu.
Steypuefni má telja gott í Húsavík og er það auð-
fengið. Tunnan af möl og sandi kostar um 3 krónur.
3. Vatnsveitan.
Sú vatnsveita, sem nú er í notkun í Húsavík, mun
ekki geta fullnægt vatnsþörf skipsins, en ákveðið
hefur verið að auka vatnsveitu Húsavíkur á næsta
sumri, svo að hún geti flutt um 100 lítra á sekúndu,
en það er margfalt meira vatnsmagn en kauptúnið
og Hæringur þurfa að nota. Hefur þegar verið gerð
inntaksþró við upptök veitunnar og flutt til Húsa-
víkur efni í nokkurn hluta hennar. Kostnaður við
veitulögn úr stofnæð fram á hafnargarð mun nema
um 50.000 krónum. Að sjálfsögðu yrði Vatnsveita
Húsavíkur innan skamms að leggja veitugrein fram
á hafnargarðinn, en annars er það samningsatriði,
að hve miklu leyti leigutaki skipsins tæki þátt í kostn-
aði við vatnsveitulögn í Húsavík, ef afgreiðslustöð-
in yrði valin þar.
4. Áætlaður kostn. við bryggjugerð og vatnsveitu.
T i 1 h ö g u n I.
(C-keri lagt í hafnargarðinn).
Áætlaður kostn. við lengingu hafnar-
garðsins um 62,0 m ______________ kr. 1.500.000
Vatnsveitugrein frá stofnæð .......... — 50.000
Samtals kr. 1.550.000
Tilhögun II.
(Undirstöður í garðinum lagðar úr mörgum kerum).
Áætlaður kostn. við lengingu hafnar-
garðsins um 60 m __________________ kr. 2.150.000
Vatnsveitugrein frá stofnæð .......... — 50.000
Samtals kr. 2.200.000
Sú lenging hafnargarðsins, sem ég hér hef gert
áætlun um, er í samræmi við fyrirhugað skipulag
hafnarinnar, og myndi því kostnaðurinn verða greidd-
ur samkvæmt hafnarlögum Húsavíkur.
RAUFARHÖFN.
1. Höfn og liafnarmannvirki.
Innra hafnarsvæðið á Raufarhöfn er í ágætu vari
fyrir haföldu. Hins vegar er þar um fjöru aðeins 5
m dýpi á tæplega 3 ha svæði, og innsiglingarleiðin
er svo þröng og krókótt, að óvarlegt mun að fara
með stórskip inn á höfnina, án þess að hafa einn eða
helzt tvo dráttarbáta til aðstoðar, og verður þó að
vera gott sjóveður. Um þetta atriði hef ég leitað
álits skipstjóra og siglingafræðinga, og telja sumir
þeirra mjög varhugarvert að hafa afgreiðslustöð
fyrir Hæring á Raufarhöfn vegna þrengsla á inn-
siglingaleið og hafnarsvæði.
Til þess að Hæringur geti komizt inn á innri höfn-
ina með jafn mikinn farm og hann kemst að hafnar-
garðinum á Húsavík (3420 tonn), verður ekki komizt
hjá að dýpka rás inn að bryggjunum og nægilega
stórt svæði fyrir framan bryggjurnar til þess að
unnt verði að snúa skipinu.
J. J. Víðis, mælingamaður vegamálanna, mældi
hafnarsvæðið árið 1919, og er meðfylgjandi upp-
dráttur að mestu leyti gerður eftir mælingu hans, en
á uppdráttinn eru dregnar þær breytingar, sem urðu
á dýpinu við dýpkun hafnarinnar 1940—’41, sam-
kvæmt mælingu Þorláks Helgasonar verkfræðings.
5 m dýptarlínan er merkt með punktalínu. Innan
þeirrar línu var dýpkað. Er dýpið þar yfirleitt 5
metrar og víða nokkru meira, en þó á stöku stað
4,7—4,8 m. Nú eru liðin 7 ár frá því að þessi mæling
var gerð, og kann dýpið í höfninni að hafa breytzt
eitthvað á þeim tíma.
Ennfremur eru markaðar á uppdráttinn borholur
og tölur, sem sýna, hve djúpt var borað.
I sambandi við afgreiðslustöð fyrir Hæring á Rauf-
arhöfn er dýpkun hafnarinnar mikilvægt atriði. Ég
hef því aflað mér allra upplýsinga, sem fyrir liggja,
um aðstöðu við dýpkunina í sambandi við botnrann-
sóknir Þorláks Helgasonar og dýpkunarvinnu graf-
vélar Reykjavíkurhafnar, en með þeirri vél var
dýpkunin framkvæmd.