Ísfirðingur - 17.03.1997, Blaðsíða 2
2
ISFIRÐINGUR
Útgefandi:
Kjördæmisráð Framsóknarmanna á Vestfjörðum.
Blaðstjórn:
Halla Signý Kristjánsdóttir, ritstjóri (ábyrgðarmaður)
Jóhann Hannibalsson, Magni Guðmundsson,
Sigríður Magnúsdóttir.Lárus Hagalínsson
Guðlaug Bernódusdóttir.
Sími ritstjóra: 456-7640.
Pósthólf 253, ísafirði.
Prentvinnsla: ísprent hf. ísafirði
Uppgjöf?
Sagt er um okkur Vestfirðinga að við séum allir I smákónga-
leik. Og gleymum okkur við að reyna að skríða upp í hásætið.
En ef þangaó er komið er víst að þaðan er gott útsýni. En
mörgum verður svimgjarn svona hátt uppi og falla því ofan. En
sannir Vestfirðingar standa bara upp og reyna að komast upp
aftur. Ætli þessi stefna sé svo slæm. Hér er vítt til veggja og nóg
pláss fyrir alla svo það er allt í lagi að breiða svolítið úr sér. Ég
heyrði ágæta fullyrðingu um daginn um Vestfirðinga. Það var
maður (vestfirskur og var með öðrum, sunnlendingi) vestur í
Bandaríkjunum á söluráðsstefnu og hitti þar víðförlan sölu-
mann. Þeirtóku tal saman og hafði þá sölumaðurinn það á orði
að það væri alveg merkilegt, ef hann hitti tvo íslendinga þá skildi
alltaf annar þeirra vera Vestfirðingur eða vera ættaður þaöan.
Þetta er kannski ekki svo fjarri lagi. Við berumst mikið á og
erum oft mikið áberandi. En kannski þess vegna ættum við að
athuga hvernig við komum fram og hvað við segjum. í 95 %
tilfella, ef að fjölmiðlar koma hingað vestur og taka tal af fólki,
þá hitta þeir þá óánægju sem segja frá því með grátstafinn í
kverkunum hve illa þeir eru leiknir af átthagafjötrunum og
mundu sko vera farnir héðan í gær, ef þess væri nokkur kostur.
Hvaða ímynd erum við að skapa okkur Vestfirðingar? Það eru
ekkert þessir andskotar að sunnan sem eru að murka úr okkur
lífið. Það erum við sjálf að gera með þessu dómadagssvart-
sýnisrugli. Ekki svo að skilja að allir Vestfirðingar sitji við al-
snæktarborð og strjúki þanin kvið. Örugglega ekki en er það
ekki sama um allt land.
Ég hef hitt fólk fyrir „sunnan" sem er svo aldeilis hlessa á
hvernig við getum hokrað hérna út á hjara veraldar þar sem allir
eru hvort eð er á förum. En erum við á förum ? Jú auðvitað
endar það á því að allir fara ef við hömrum á því endalaust við
nágrannann eða fjölmiðlana sí og æ að hér sé allt að komast á
vonar völ og engin leið sé út úr élinu. Við löðum a.m.k. engan til
okkar með þessu væli.
Við verðum aö fara að taka upp þann gamla vestfirska hátt
að fara að bera okkur mannalega og berja okkur á brjóst og
sýna sjálfum okkur og öðrum að við séum hér af því að við
viljum það sjálf. Hugsum okkur komandi kynslóðir. Það sem
þau hafa frá okkur er að okkur leið svo illa hérna. Þá eru þau
auðvitað ekkert að ganga í okkar spor. Brennt barn forðast
eldinn.
Við Vestfirðingar höfum verið frumkvöðlar á svo mörgum
sviðum og sýnt það og sannað að við erum orkumiklir og lítum
á að vandamálin séu til þess að leysa þau.
Ég held nefnilega að það sé enginn tilviljun aö íslenski
geimfarinn, sem á að fara að skjóta út í geiminn á komandi
sumri sé Vestfirskur í aðra ættina.
hsk
TH sölu
Völusteinsstrœti 28,Iiolungarvík
2x75m2, ásamt bílskúr og garðskála, Mikið end-
urnýjað, nýlegt eldhús, skipt um þak og klætt
1991. Algjört dekurhús. Uppl. í síma 456-7279
Safnskóli
eða hverfaskóli
Jón Reynir Sigurvinsson, aðstoðarskólameistari
Jón Reynir Sigurvinsson að-
stoðarskólameistari F.V.Í., er
fulltrúi framsóknarmanna í
fræðslunefnd ísafjarðarbæjar.
Blaðamanni ísfirðings lék for-
vitni á að vita hvernig nefndar-
störfum liði.
Hvemig gengur samvinnan í
fræðslunefndinni?
Samstarfið við fræðslunefnd
hefur verið með ágætum þó á-
greiningur sé um einstök mál sem
er bæði eðlilegt og nauðsynlegt.
Við í minnihlutanum höfum gefið
meirihlutanum tækifæri til að
vinna sig í gegnum ýmis vanda-
mál er varða yfirtöku grunnskól-
ans í sameinuðu sveitarfélagi. Nú
cr kjörtímabilið senn hálfnað og
tel ég að það fari ekki að reyna á
pólitíska hliða samstarfsins fyrr
en á seinni helmingi þess.
Hvað líður byggingu nýs leik-
skóla?
Fræðslunefndin hefur ekki geta
haft mikil áhrif á gang mála hvað
þetta varðar enda virðist meiri-
hlutinn í bæjarstjórn hafa þetta
alfarið á sínu borði. Reyndar var
þetta eina mælanlega markmið
sjálfstæðismanna á stefnuskrá í
skólamálum, í sl. kosningum.
Meirihlutinn stefndi á opnun
leikskólans kl. 3. e.h. I. septem-
ber 1996. En þar sem sá tími er
reyndar liðinn þá er miðað við
næsta ár, held ég. Byggingar-
nefnd hefur ekki enn komið sam-
an svo lítið er farið að gerast í
þessu máli. Annars hefur mér
fundist of mikill tími fara í um-
ræður um leikskólamál hjá
fræðslunefndinni, þó þau séu
mikilvæg. Oft er verið að takast
á um hluti sem eru framkvæmd-
aratriði og ættu ekki að koma inn
á borð fræðslunefndar og tefja
störf hennar þar. Staðreyndin er
að það bráðvantar nýtt húsnæði
fyrir leikskólann og um það eru
allir sammála. A meðan það mál
er óleyst þarf að veita fé f ýmsar
lagfæringar á Hlíðarskjóli sem er
líka framkvæmdaratriði og óþarfi
að koma starfsfólki þar í uppnám
og neyða það til að segja upp
störfum vegna roluháttar starfs-
manna bæjarins.
Hvað vilt þú segja um hina nýju
stöðu skóla- og menningarfull-
trúa?
Starf Rúnars Vífilssonar hefur
skilað miklum árangri. Enda er
starfslýsing hans mjög yfirgrips-
mikil og væri í raun hægt að
skipta henni á tvo starfsmenn.
Störf skólafulltrúans, skólastjóra
og yfirmanns skólaskrifstofu
skarast meira og minna enda
mikið samstarf þeirra á milli. Ég
tel að endurskoða þurfi starfslýs-
ingu skóla- og menningarfulltrúa
og gera nýja fyrir næsta skólaár
eins og nauðsynlegt er reyndar að
gera við allar starfslýsingar.
Hvernig gengur að einsetja
grunnskólana í Isafjarðarbæ?
Staðan nú er þannig að allir
skólarnir, nema grunnskólinn á
ísafirði, geta hýst sína nemendur
í einu. Mikill húsnæðisskortur er
á Isafirði og einnig er mjög brýnt
að sinna viðhaldi og endurbótum.
Ljóst er að miklum fjármunum
þarf að festa f steinsteypu eða í
endurbótum á húsnæði sem gæti
hentað fyrir grunnskólann. Á
sama tíma skortir mikið fjármagn
í innra starf í skólunum.
Mikið óunnið starf er eftir við
stefnumótun fyrir skólaumhverf-
ið. I forgangsröð er umræðan um
hverfaskóla annars vegar og
safnskóla hins vegar. Nokkur
vinna hefur þegar verið lögð í að
skoða þá kosti sem í boði eru.
Þar sem stefnumótunarvinna
fræðslunefndar er langt í frá lokið
þykir ekki rétt að fara nánar út í
þær hugmyndir eða leiðir sem
standa til boða. í þessu sambandi
er rétl að skoða hvaða stefnu er
verið að taka annars staðar.
Fyrir skömmu var samþykkt í
bæjarstjórn Akureyrar að allir
skólar á Akureyri verði hverfa-
skólar sem þýðir t.d. að Gagn-
fræðaskóli og Barnaskóli Akur-
eyrar verða sameinaðir í eina
skólaslofnun. í greinargerð með
tillögu skólanefndarmanna Akur-
eyrarbæjar kom fram að faglega
væru hverfaskólarnir betri kostur
en safnskólar m.a. vegna mikilla
breytinga á viðkvæmum aldri
sem fylgdu safnskólakerfinu.
Á sama tíma virðast fulltrúar
foreldra og skólastjórar í skólum
Árbæjar vera sammála þeirri
hugmynd að í Árbæ verði einn
safnskóli en þrír barnaskólar. I
dag er Árbæjarskóli barnaskóli
hverfisins og jafnframt safnskóli
eða unglingaskóli hinna tveggja
barnaskólanna. Haft ereftirGerði
G. Oskarsdóttur fræðslustjóra í
Reykjavík að það sem verið sé að
breyta sé fremur í átt að sérstök-
um unglingaskólum og að engin
óyggjandi uppeldisleg rök mæli
hvorki með safnskólum fyrir
unglingastig né hcildstæðum
hverfisskólum þ.e. I. - 10. bekk.
I Evrópu og N-Ameríku skipta
nemendur nánast alls staðar um
skóla við 11-13 ára aldur. Norð-
urlöndin skera sig úr livað þetta
10 bekkja fyrirkomulag varðar
sem fór af stað hér á landi um
1974. Kosti safnskóla eru
I. Meiri líkur eru til þess að
sérmenntaðir fagkennarar fáisl til
starfa og eru þetta talin ein sterk-
uslu rökin fyrir safnskólunum. 2.
í einum safnskóla yrðu fleiri
nemendur en það ýtir undir fjöl-
breytileika náms og gefur aukna
möguleika á valgreinum. 3. Jal'n-
ar aðstöðu allra til náms.
4. Flciri bekkjardeildir þýða að
kcnnarar þurfi síður að sinna al-
mennri bekkjarkcnnslu.
5. Meiri tenging við fram-
haldsskólanám.
6. Með meiri fagkennslu í stað
bekkjarkennslu þjálfist ungling-
arnir f námi og koma betur und-
irbúnir í framhaldsskóla og
stökkið þangað því ekki eins
mikið.
Kostir hverfaskóla eru
1. Öryggisleysi l'ylgir því að
skipta um skóla á þessum aldri og
börnin fá á sig ótímabæran
þroskastimpil.
2. Sérþekking kennaranna
dreifist lengra niður eftir bekkj-
arkerfinu og nýtist nemendum
betur.
3. Sérbúin kennsluaðstaða fyrir
allar greinar. fyrir öll börn. 4.
Styttri vegalengdir og þar með
minna fé í skólaakstur. 5. Heild-
stæður skóli veilir börnum meiri
öryggiskennd þar sem þau eru á
sama stað allan grunnskólann.
6. Foreldrar vilja seinka ung-
lingshegðuninni, sem þeir telja að
komi enn frekar fram skipti nem-
endur um skóla um svipað leyti
og þeir fermast. Af þessu sést
að bæði kerfin hafa sína kosli. Því
eru skiptar skoðanir um þetta og
er það ekki bundið við
flokkspólitík heldur miklu fremur
eftir reynslu og búsetu manna.
Hvaða leið verður farin hér í
ísafjarðarbæ er ekkert hægt að
segja til um nú. Rétt er að minna
á að margl í vinnuumhverfi
kennara er að breytast ört með
tilkomu upplýsingatækninnar.
Þessi atriði munu verða þunga-
miðjan í stefnumótunarvinnu
fræðslunefndar cn henni verður
að vera lokið fyrir I. júní n.k.