Tímarit Verkfræðingafélags Íslands - 01.02.1971, Blaðsíða 11
TIMARIT
VERKFRÆÐIIMGAFÉLAGS ÍSLANDS
1. hefti 1971 56. árg.
Hvenœr linnir brennunni?
Undir verulegum hluta höfuðborgarsvæðisins
liggur mikið jarðhitasvæði. Um þrír f jórðuhlut-
ar af öllu húsnæði þar er nú hitað með jarðhita,
þ. e. a. s. mestur hluti alls húsnæðis í Reykja-
vík. Þrátt fyrir jarðvarmann á höfuðborgar-
svæðinu og enn meiri varma í nágrenni þess er
olía brennd þar til húshitunar fyrir um 150
milljónir króna á ári. Engin samfelld áætlun er
enn til um að stöðva þennan bruna.
Til fárra stórframkvæmda hér á landi væri fé
landsmanna betur varið en til lagningar hitaveitu
í þennan fjórðung húsa í nágrenni Reykjavíkur,
sem nú er kyntur mcð olíu. Þetta mun ekki rök-
stutt hér, en bent á eftirfarandi atriði:
1) Undir höfuðborgarsvæðinu liggur löng
spilda, sem jarðhiti er í, sem á þó nokkuð mis-
greiða leið upp á yfirborðið. Spilda þessi nær
norðan a.f Kjalarnesi og suður á Álftanes. Enn
er þessi spilda langtfrá fullkönnuð og varla enn
fullnýtt.
2) Fyrir tíu árum tók Hitaveita Reykjavíkur
í notkun fyrstu djúpdælurnar. Þessar dælur geta
margfaldað afkastagetu jarðhitasvæða miðað við
það sem næst með frjálsu rennsli. Hitaveita
Reykjavíkur hefur á lofsverðan hátt sigrazt á
helztu vandkvæðunum, sem áður fylgdu þessum
dælum. Með djúpdælum má væntanlega marg-
falda rennslið frá jarðhitasvæðinu í Mosfells-
sveit.
3) Miklar framfarir hafa orðið í aðferðum við
rannsókn jarðhitasvæða. Jarðhitaleit er því nú
árangursríkari en áður.
4) Með reynslu síðustu ára og bættum tækja-
kosti Jarðborana ríkisins næst nú jafnari og
betri árangur en áður af borunum. Sérstaklega
má benda þar á góðan árangur, sem náðst hefur
í því að opna vatnsrásir í borholum út í vatns-
leiðandi lög.
5) Með tæknilegum endurbótum á frágangi á
dreifikerfum hefur tekizt að gera þau mun ódýr-
ari og öruggari en áður.
6) Með útboðum Hitaveitu Reykjavíkur hafa
nokkrir verktakar öðlast mikilsverða reynslu í
lögn kerfa og hefur kostnaður vegna þeirra far-
ið lækkandi miðað við annað verðlag.
7) Verð á olíu hefur farið hækkandi síðustu
ár á heimsmarkaðinum. Ástæða er til að ætla að
verðið á olíu muni heldur fara hækkandi eftir
því sem tími líður.
Er nú ekki kominn tími til að þessari brennu
sé hætt? Að hætt sé að sóa hundruðum milljóna
króna árlega í erlendum gjaldeyri með brennslu
olíu til húshitunar, en að nota jarðhita og raf-
magn þess í stað?
Fyrsti áfanginn í aukinni notkun hinna inn-
lendu orkugjafa til húshitunar, og væntanlega
sá hagkvæmasti, væri að leggja hitaveitu í öll
hús á höfuðborgarsvæðinu, sem nú brenna olíu.
Hefti þetta af Tímariti Verkfræðingafélags Is-
lands hefur því verið helgað hitaveitumáli höf-
uðborgarsvæðisins. Það er von ritstjórnarinnar,
að þetta megi flýta nokkuð fyrir því að þessari
sóun á gjaldeyri þjóðarinnar verði hætt.