Tímarit Verkfræðingafélags Íslands - 01.02.1971, Blaðsíða 15

TlMARIT VFl 1971
5
andi berglög sé að ræða. Er hið efra
á bilinu frá 150—1250 m, en hið neðra
frá 1350—1700 m. Nær því aðeins
síðasta holan, S—III niður í neðra
lagið. Á grundvelli þeirra mælinga,
sem gerðar hafa verið í öllum holun-
um, er gert ráð fyrir, að 30—40%
þess vatns, sem úr S—III fæst, sé úr
efri leiðaranum. Reiknast Jarðhita-
deild til, að 40—50 1/s vatnsvinnsla
úr tveimur 1600—1700 m djúpum
vatnsvinnsluholum mundi ekki valda
óhóflegri vatnsstöðulækkun á svæð-
inu (heimild nr. 2).
Efnagreining vatns úr S—III sýnir,
að klórinnihald er um 500 mg/1 og
sýrustig (pH) nálægt 8,4. Telur deild-
in þetta hættulega mikið klórinni-
hald, þó að hið háa sýrustig bæti að
vísu nokkuð úr, og er ekki talið
fært að nýta vatnið beint nema að
undangenginni ýtarlegri rannsókn á
tæringarhættu (heimild nr. 3).
Með tilkomu holu S—III var við-
horfið til hitaveitu á Seltjarnarnesi
gerbreytt, og ákvað sveitarstjórnin I
ágúst 1970 að skipa hitaveitunefnd
borgara til að kanna hug íbúanna til
hitaveitunnar. Þessi nefnd starfaði
fram í desember 1970 og gaf þá
sveitarstjórn skýrslu, þar sem mælt
var með því, að hafinn verði hiðfyrsta
undirbúningur og fullnaðarhönnun
veitunnar. Jafnframt beitti nefndin
sér fyrir tæringarprófunum á vatn-
inu úr holu S—III. Var sýnum kom-
ið fyrir I leiðslum frá holunni 10.
nóvember 1970, og átti að taka þau
og athuga eitt og eitt með um það
bil tveggja mánaða millibili. Sá
Vermir h.f. um hönnun sýnanna í
samráði við Sigurð R. Guðmundsson
efnaverkfræðing.
Tvö tæringarsýni hafa verið tekin
og athuguð, þegar þetta er ritað.
Hefur tæringarhraði reynzt sem hér
segir:
Sýni tekið 15. jan. 1971 (eftir 66
daga): 0,00002 ”/ári.
Sýni tekið 12. marz 1971 (eftir 122
daga): 0,000013 ”/ári.
Þessi tæringarhraði er mjög lítill,
og telja sérfræðingar, að vatnið sé
nothæft í einfalt dreifikerfi.
Sveitarstjórn Seltjarnarness tók til-
lögur hituveitunefndarinnar til greina
og hefur verið samið við Vermi h.f.
Fjórir aðalbyggðakjarnar á Seltjarn-
arnesi (A, B, og G) og prjár bor-
holur (S I, S II, og S III).
um fullnaðarhönnun og útboðslýsing-
ar. Á grundvelli þeirra tæringarpróf-
ana, sem gerðar hafa verið, er til-
högun allra framkvæmda miðuð við
einfalt dreifikerfi.
Á Seltjarnarnesi voru í árslok 1969
rúmlega 2000 íbúar, og skiptist
byggðin I aðalatriðum í fjóra greini-
lega aðskilda byggðarkjarna (A, B,
C, D á mynd). Af þessum kjörnum
er hverfi A langstærst og búa þar
um 60% allra ibúanna. Hola S—III
er næst þessu hverfi, og liggur það
því sérlega vel við virkjun holunnar.
Þar sem vatnið er yfir 100° heitt,
verður nauðsynlegt að kæla það nið-
ur, áður en þvi er veitt til neytenda.
Er reiknað með því að hluti dreifi-
kerfisins verði tvöfaldur og bak-
rennslið notað tii að kæla vatnið nið-
ur í ca. 80°C. Miðað er við veitu
fyrir 2500 manna byggð, og er hlut-
fall hita og þéttbýliskjarna þannig,
að hæfilegt er að hverfi A sé allt
með tvöföldu kerfi en önnur hverfi
einföld.
Vermir h.f. hefur gert fram-
kvæmdaáætlun fyrir veituna (heim-
ild nr. 4) og er þar reiknað með því,
að hún verði byggð í þrem áföngum,
þar sem fyrsti áfangi verði hverfi A
og B, annar áfangi hverfi C og þriðji
og síðasti áfangi hverfi D. Hola S—
III mun nægja fyrir fyrsta áfang-
ann, en reiknað er með nýrri bor-
holu, þegar C og D hverfin bætast
við. 1 framkvæmdaáætluninni er gert
ráð fyrir því, að fyrsta áfanga verði
lokið í október 1971 en annar og
þriðji áfangi verði framkvæmdir
sumrin 1972 og 1973.
Ekki hefur enn verið ákveðið end-
anlega hver heimtaugagjöld veitunn-
ar verða. Reiknað er með því, að
gjöldin verði ca. kr. 20.000,00 fyrir
300 m3 íbúð og stighækkandi fyrir
stærri ibúðir. Þá er og reiknað með
hærri gjöldum fyrir þá, sem síðar
tengjast veitunni, og munu þau
gjöld væntanlega miðast við verð
ketils og kynditækja.
Varminn mun verða seldur sam-
kvæmt hámarksrennsli, sem stillt
verður með hemli. Er gert ráð fyrir
því, að verðið verði 10% undir
varmakostnaði með oliu á meðan
veitan nær ekki til allra íbúa hrepps-
ins, en síðan verður gjaldskráin end-
urskoðuð, þegar veitan er fullgerð.
Gert er ráð fyrir, að verkið verði
boðið út mjög fljótlega, og ætti því
fyrsti áfangi Hitaveitu Seltjarnarness
að taka til starfa I október næst-
komandi.
HEIMILDIR:
1. Varmaveita fyrir Seltjarnarnes.
Frumáætlun gerð af Vermi h.f.,
apríl 1970.
2. Vatnsvinnsla og vatnsstöðumæl-
ingar í borholum á Seltjarnarnesi
I ágúst—september 1970. Orku-
stofnun, jarðhitadeild, okt. 1970.
3. Efnagreiningar á vatni úr holu
S—m, Seltjarnarnesi. Orkustofn-
un, jarðhitadeild, 10. nóv. 1970.
4. Virkjun jarðhita á Seltjarnarnesi.
Skýrsla til sveitarstjóra Seltjarn-
arneshrepps. Vermir h.f., janúar
1971.