Tímarit Verkfræðingafélags Íslands - 01.04.1981, Blaðsíða 8
2. Alþjóðanefndin um stórar stíflur, ANSS: Skipaðir
10/1 ’79 til tveggja ára: Pálmi R. Pálmason, Pétur Stefánsson
til vara.
3. Norrænn byggingardagur: Óttar P. Halldórsson til
ótiltekins tíma.
4. Bandalag háskólamanna: Sigurður Þórðarson, Helgi
Hallgrímsson, Hreinn Frímannsson, Óttar P. Halldórsson,
Stefán Hermannsson, Örn Ingvarsson. Varamenn: Jóhannes
Guðmundsson, Jón Rögnvaldsson, Kristján Jónsson, Trausti
Eiríksson, Þorvarður Jónsson, Örn Steinar Sigurðsson.
5. Landsnefnd FEANl: Formaður, varaformaður og
framkvæmdastjóri VFÍ og tilsvarandi menn frá Tækni-
fræðingafélagi íslands.
Helstu mál, sem stjórnin hefur fjallað um á starfsárinu:
1. Á fundi framkvæmdastjórnar VFÍ 31/3 1980 var
ákveðið að taka dráttarvexti af félagsgjöldum 1980, sem ekki
greiddust fyrir 5. júlí 1980, og reikna þá frá 1. apríl skv.
auglýsingu Seðlabankans. Þetta var nauðsynlegt vegna hinnar
miklu verðbólgu í landinu. Sams konar ákvörðun var einnig
tekin árið 1979. Margir félagsmenn hafa gert upp vanskil með
dráttarvöxtum og vonandi verður þetta til þess að færri lenda
í vanskilum en áður. Hinu er ekki að leyna, að ýmsum finnst
hart aðgöngu að greiða slíka vexti. Því miður er engin önnur
leið tiltæk til að tryggja, að eitt gangi yfir félagsmenn alla og
að þeim skilvísu, sem ávallt eru í miklum meirihluta, sé ekki
refsað fyrir skilvísina með því að sleppa öðrum betur við
skyldur sínar við félagið og verkfræðingastéttina.
2. Á fundum stjórnar VFÍ um vorið 1980 bar oft á góma
nauðsyn þess að móta raunhæfa stefnu í orkunýtingarmálum
og setja hana fram á ráðstefnu um orkunýtingarmál. Á fundi
framkvæmdastjórnar 29/5 1980 var samþykkt að formaður
ræddi við Sveinbjörn Björnsson um að taka að sér for-
mennsku i undirbúningsnefndinni. Aðrir í nefndinni eru
Guðmundur Einarsson, Jóhann Már Maríusson, Jónas
Matthíasson, Karl Ómar Jónsson, Karl Ragnars og Sigurður
Briem. í ljós kom, þegar nefndin tók til starfa, að margir
aðilar höfðu hug á að halda orkuráðstefnu og olli það trufl-
unum á starfi nefndarinnar, sem ætlaði að halda orkuráð-
stefnu VFÍ haustið 1980. Nú er ætlunin að halda ráðstefnuna
13., 14. og 15. maí í félagi við Samband íslenskra rafveitna,
Rannsóknaráð ríkisins, iðnaðarráðuneytið, Orkustofnun,
Samband ísl. hitaveitna og olíufélögin. Þessi ráðstefna fær
nafnið Orkuþing 1981.
3. Á fundi framkvæmdastórnar 29/5 1980 var rætt um
fréttir af hugmyndum áhugamanna undir forystu þjóðminja-
varðar um stofnun Tæknisafns, er vera skyldi til húsa nálægt
Árbæjarsafni. Félagið skrifaði þjóðminjaverði af þessu tilefni
og óskaði eftir að fá að fylgjast með framvindu þessa máls, en
síðan hefur ekkert til þess spurst.
4. Laugardaginn 28. júní 1980 hélt aðalstjórn VFÍ ný-
útskrifuðum verkfræðingum frá Háskóla íslands síðdegishóf í
skrifstofu félagsins eins og venja hefur verið undanfarin ár.
Formaður ávarpaði hina nýju verkfræðinga, bauð þá vel-
komna í verkfræðiingastéttina og árnaði þeim allra heilla.
5. Á fundi framkvæmdastjórnar VFÍ 28/7 1980 skipaði
stjórnin þá Óskar Maríusson, Guðmund Halldórsson og
Kristján Flygenring í nefnd til að athuga faglega málefni
Brunamálastofnunar ríkisins og hvort hún gæti með því
starfsliði, sem hún hefði, leyst af hendi á viðhlítandi hátt öll
þau verkefni sem lög og reglugerðir um stofnunina ákvæðu.
Nefndin skilaði áliti 12/9 1980 og ákvað stjórnin að senda það
brunamálastjóra og hlutaðeigandi ráðuneyti, með áskorun
um að Brunamálastofnun ríkisins fái aðstöðu til að gegna
hlutverki sínu skv. lögum á viðhlítandi hátt.
6. Dagana 22.-23. ágúst 1980 var haldinn sameiginlegur
fundur formanna og framkvæmdastjóra norrænu verk-
fræðingafélaganna, NIM-1980 í boði Sverige Civilingenjörs-
förbund í Stokkhólmi. Formaður og framkvæmdastjóri VFÍ
fóru á fundinn ásamt konum. Á dagskrá fundarins var m.a.:
félagsmál verkfræðinga — félagatala — atvinnumál — félags-
starfsemi — stefnumörkun — tækni og samfélag — mennta-
mál — alþjóðleg málefni verkfræðinga og FEANI. Farið var
um skerjagarðinn í skoðunarferð og var fundurinn bæði
gagnlegur og ánægjulegur. Næsti fundur, NIM-1981, verður í
Danmörku.
7. Á fundi aðalstjórnar VFÍ 22/9 1980 var tekin til með-
ferðar tillaga húsráðs um að efna til samkeppni um hönnun
Verkfræðingahúss. Arkitektafélag íslands hafði þá lýst sig
reiðubúið til að tilnefna 2 menn í dómnefnd en VFÍ tilnefnir
3 menn, þar af 1 arkitekt. I dómnefndina voru síðan skip-
aðir: Bárður Daníelsson, verkfr. og arkitekt, sem nefndin
kaus formann, Ragnar S. Halldórsson, verkfr., Loftur Al.
Þorsteinsson, verkfr., Ingimundur Sveinsson, arkitekt,
Knútur Jeppesen arkitekt. Auk dómnefndarinnar skipaði
stjórn AÍ Gylfa Guðjónsson, arkitekt, trúnaðarmann
nefndarinnar, en stjórn VFÍ Vífil Oddsson, verkfr., ritara
hennar. Dómnefndin hefur gengið að mestu frá útboðs-
gögnum, sem verða send út strax og lóð undir Verkfræðinga-
hús er fengin, væntanlega í Kringlubæ á horni E og F götu.
Gert er ráð fyrir að samkeppnin kosti 60.000 — 80.000 kr. Að
fengnum niðurstöðum dómnefndarinnar um tillögurnar mun
stjórnin leita álits félagsmanna á því hvort ráðist skuli í
byggingu Verkfræðingahúss, áratuga hugsjónamáls verk-
fræðinga, eða hætt við allt saman.
8. Á fundi framkvæmdastjórnar VFÍ 1/12 1980 var rætt
um árgjald félagsmanna til Bandalags háskólamanna og á
aðalstjórnarfundi 8/12 1980 var ákveðið að KVFÍ, FRV og
SV skipi hvert sinn fulltrúa í nefnd til að semja greinargerð
ásamt framkvæmdastjóra VFÍ um kosti og ókosti þess að vera
í BHM.
í nefndina völdust: Ólafur Jensson, af hálfu KVFÍ, Sigþór
Jóhannesson af hálfu FRV og Halldór Hannesson af hálfu SV
auk Hinriks Guðmundssonar framkvæmdastjóra VFÍ.
9. Á fundi framkvæmdastjórnar FVÍ 1/12 1980 var fjall-
að um frumvarp til laga um vitamál og ákveðið að leita álits
þeirra Bergsteins Gizurarsonar og Eggerts Steinsens á því.
Enn fremur var fjallað um frumvarp til laga um orkumál og
Jarðboranir ríkisins og ákveðið að vísa þeim til umsagnar
orkunefndar félagsins. Umsagnir um frumvörpin hafa ekki
borist enn.
10. Á fundi framkvæmdastjórnar 22/12 1980 var ákveðið
að endurnýja hóptryggingarsamning félagsins við Andvöku
fyrir tímabilið 1/9 ’80 — 31/8 1981. Þátttakendur í hóp-
tryggingunni eru um 45 og ársiðgjaldið 2700 kr.
11. Á fundi aðalstjórnar 8/12 1980 var fjallað um bréf
dags. 3/12 ’80 frá nefnd, sem félagsmálaráðherra skipaði 26/3
1980 til að endurskoða reglugerð um brunavarnir og bruna-
mál. Þessu máli var vísað til þeirra Óskars Maríussonar,
Guðmundar Halldórssonar og Kristjáns Flygenrings til athug-
unar og tillögugerðar. Þeir skiluðu áliti sínu 12/1 ’81 með
athugasemdum, ábendingum og breytingartillögum sem
stjórnin samþykkti að senda félagsmálaráðuneytinu.
12. Á fundi aðalstjórnar VFÍ 12/1 ’81 var lögð fram
tillaga til þingsályktunar um kennslu í útvegsfræðum við
Háskóla íslands og samþykkt að fagna þeirri tillögu í bréfi til
Alþingis. Enn fremur var lagt fram frumvarp til laga um
flugmálaáætlun og því vísað til umsagnar þeirra Leifs
Magnússonar, Grétars Óskarssonar og Þorsteins Þorsteins-
20 — TÍMARIT VFÍ 1981