Almanak Hins íslenska þjóðvinafélags - 01.01.1903, Qupperneq 70

1833, þá varð hann skrifari við mentafélag eitt (Society
for the diffusion af useful knowledge) og meðan hann var
þar, fór hann að hugsa um endurbætur á bréfburðargjalds-
töxtunum. Árið 1837 gaf hann út flugrit, Post office re-
form, þar sem hann berst f'yrir að bréfburðargjald um alt
Stóra Bretland og Irland sé lækkað niður í 1 penny og
alt borgað fyrir'fram með frímerkjum. Eins og áður er skýrt
frá var burðargjaldslækkun þessi lögleidd þar 1839 og
nokkrum árum síðar varð Rowland Hill embættismaður i
stjörnardeild póstmálanna. Árið 1864 sleppti bann em-
bætti sínu, og þótti mönnum hann þá hafa unnið svo
mikið gagn með endurbótum sínum á póstmálum, að hann
fékk 36000 kr. í eftirlaun og var gefið í heiðursgjöf
360000 kr. Hunn dó 27. ágúst 1879 og var grafinn í West-
minster-kirkjunni í Lundúnaborg við hliðina á James
Watt, er fann upp gufuvélina.
Heinrich von Stephan er fæddur 7. janúar 1831 í
bænum Stolp í Pommern á Þýzkalandi, en dó 8. apríl 1897
Þegar hann var 17 ára gamall fékk hann stöðu við póst-
málin og sýndi þegar mikinn dugnað við störf sín og var
gæddur framúrskarandi gáfum. Hann komst því skjótt
til mikilla valda og varð fyrstur yfirpöstmeistari í þýzka-
rikinu. Honum eru eignaðar margar og miklar endurbæt-
ur á póstmálum á Þýzkalandi, sem önnur lönd hafa síðar
innleitt lijá sér að ýmsn leyti. Eitthvert mesta afreksverk,
sem eftir hann liggur má þó telja stofnun alþjóðapóst-
sambandið 1874, er hann átti mestan þátt i, eins og áð-
ur er getið. 1872 varð hann þingmaður í efri þingdeild
Prússa, og 1885 var hann gjörður aðalsmaður.
Sigurður Briem.
(60)