Almanak Hins íslenska þjóðvinafélags - 01.01.1946, Side 104

Pélur Guðjohnsen. Sigfús Einarsson.
hljóðfæraslátt í kennaraskólanum og menntaskólan-
um. Hallgrímur Þorsteinsson kenndi söng, orgelspil
og lúðrablástur í mörg ár. Allmargir hafa kennt á
slaghörpu. Má þar til nefna frú Ástu Einarson, Katr-
ínu Viðar o. fl.
Þegar Páll ísólfsson dómkirkjuorganleikari kom
heim frá námi í Þýzkalandi (1919) hóf hann þegar
kennslu á orgel, harmonium og slaghörpu. Hefur Al-
þingi í allmörg ár veitt honum nokkurn styrk til þess
að kenna kirkjuorganleikurum. Annars hefur tónlist-
arkennsla vart verið styrkt af opinberu fé fyrr en
Tónlistarskólinn var stofnaður í Rvík 1931. Að stofn-
un skólans stóðu áhugamenn og tónlistarmenn, er
gerðu með sér félagsskap — Tónlistarfélagið. Páll
ísólfsson hefur verið skólastjóri skólans frá byrjun,
en mörg fyrstu árin voru flestir kennarar erlendir
—• einkum þýzkir — en nú eru þeir flestir íslenzkir.
Skólinn hefur vaxið ört. Þar er nú kennt á flest
hljóðfæri, sem nota þarf i hljómsveit. Húsnæðisvand-
ræði hamla nú mest starfsemi skólans. Á þessu ári
hefur Tónlistarfélag Akureyrar ákveðið að stofna
tónlistarskóla þar.
Yfirleitt má segja, að áhugi almennings og skiln-
(102)