Ársrit Nemendasambands Laugaskóla - 01.01.1928, Blaðsíða 23
21
seni sveitir landsins hafa að bjóða og læra að unna þeim
störfum, sem þar eru unnin og verður að vinna. Einn
vinnumaður var í skólanum, og gengdi hann erfiðari og
grófari störfum utan húss, sem ekki voru kvenverk. Hairn
átti sæti við borðið næst skólastýru, og hélt liann því virð-
ingarsæti, þótt gestir væru komnir, þeir er framarlega
stóðu að mannvirðingu. Svíar eru kurteisir menn með af-
brigðum að ytri háttum, en hér hygg eg, að ekki hafi verið
um riddaraskap einan að ræða, vegna þess að vinnumaður-
inn var þarna einn karlmanna, heldur hitt, að allir mættu
sjá, að hann var ekki minna metinn fyrir það, að hann
gegndi grófri vinnu og bar þess merki í klæðaburði sínum.
Mikil áhersla er þar lögð á alt það, senr þjóðlegt er í sið-
um og háttum. Fanst mér þar jafnvel fulllangt gengið í
sumu. En um slíkt er ekki auðvelt að dæma fyrir útlend-
ing. Og þótt mér fyndist suint orka tvímælis, hvort til bóta
væri, hefur það að sjálfsögðu haft sitt gildi fyrir þarlenda
menn.
Skólinn er að öllu leyti verk einnar konu, ungfrú Sund-
berg, þeirrar er stofnaði hann og var forstöðukona hans
síðastliðið sumar, en nú er nýlátin. Hann var að því, er
mér skildist, framkvæmd hennar hugsjóna, hún sá ber-
andi kraftur þar, og hennar andi sá andi, sem þar drotn-
aði. Hinar kenslukonurnar, sem sjálfar.voru konur í
fremstu röð, virtust innblásnar af henni, og bera til henn-
ar takmarkalaust traust. Var það ugglaust styrkur skólans,
hvað þar var alt vel samstilt. En hinsvegar getur í því legið
nokkur hætta um framtíð hans, þegar þessi kona er fallin
frá. En hvernig sem með skólann ræðst í framtíðinni, hef-
ur hún þó leyst mikið verk af hendi. Hún hefur sýnt, hvað
komist verður á þessu sviði, og hvernig slíkir skólar ó-
efað eiga að vera.