Ársrit Nemendasambands Laugaskóla - 01.01.1928, Blaðsíða 44
42
gerðarmeistara í Reykjavík, til að gera annan uppdrátt að
skólahúsi, en sjálfir réðu þeir mestu um stærð hússins og
stíl þess og herbergjaskipun í aðalatriðum. Eftir þeim
uppdrætti var síðar bygt, og voru þó gerðar smábreyting-
ar vegna staðhátta' og ýmislegs annars, sem ekki var
liægt aö gera ráð fyrir í upphafi. En flestar þær breyt-
ingar urðu til að gera ósamræmi í bygginguna, sem ckki
hefði annars órðið..
Þá var málinu enn leitað stuðnings þingmálafunda í
héraðinu. Á þingmálafundi á Breiðumýri 28. janúar 1923
var samþykt áskorun til alþingis um að veita til bygging-
ar skólans á næstu fjárlögum helming kostnaðar, alt að
35 þús. krónum. Þessi áskorun hafði þó ekki óskift fylgi
fundarins. Réð þar nokkru um það, að fundurinn sam-
þykti að öðru leyti skorinorðar áskoranir til þings og
stjórnar um að gæta alls hófs í fjármálum, einkum að því
er laut að öllu starfsmannahaldi ríkisins. Skýrast kom
andstaðan fram hjá sýslumanninum Júlíusi Havsteen, og
var þeirri andstöðu tekið með nokkurri óbilgirni af for-
göngumönnum skólamálsins. Áður hafði engin andstaða
komið fram gegn málinu, heldur aðeins nokkur meinhæg
tregða. En eftir þenna fund reis gegn því allhá andstöðu
alda. Hefur það vafalaust a. n. 1. stafað af því, að áður
hafði það einkum verið umræðumál, en nú blasti það við
sem framkvæmdamál, er krafðist nýrra og þungra fórna
á erfiðum tímum. En telja iná víst, að andstöðualdan
reis hærra vegna óbilgirni skólamanna þarna á fundin-
um. Sýslumaðurinn ásamt nokkrum mönnum öðrum stofn-
aði til þingmálafundar á Húsavík nokkrum dögum síðar,
til að fá mótvægi gegn ályktunum Breiðumýrarfundarins
í málinu. Voru tillögur hans samþyktar þar með nálega
óskiftu fylgi. Hinsvegar samþykti þingmálafundur í Skóg-
um í Fnjóskadal tillögu Breiðumýrarfundarins óbreytta.
Nú var svo komiö, að skólamáliö var orðið bæði