Ársrit Nemendasambands Laugaskóla - 01.01.1928, Blaðsíða 59
57
þyrfti að halda leyndu, sem fyrir málið væri gert, enda
voru þeir félagsnrenn í umf. Geisla.
Á fundinum var þetta bókað um skólamálið:
»2. Skýrðu Arnór Sigurjónsson og Þórólfur Sigurðs-
son frá störfum sambandsstjórnarinnar í skólamálinu, og
hvernig því væri komið nú. Eftir langar umræður komu
fram og voru smþyktar þessar tillögur:
»a. Fundurinn samþykkir að fela 5 manna framkvæmd-
»arnefnd að sjá um byggingu alþýðuskóla Þingeyinga.
»Skal sú nefnd skipuð af næsta árs stjórn S. Þ. U., og
»auk þess skal sýslunefnd S.-Þingeyjarsýslu eiga kost á
»að skipa einn mann í nefndina og ábyrgðarmenn fyrir
»láni til byggingar skólans — ef til kemur — annan. Ef
»þessi kostur verður eigi tekinn af öðrum þeim aðilja eða
»af hvorugum, skal stjórn S. Þ. U. heimilt að nefna 1 eða
»2 menn með sér í nefndina. Starfi þessarar nefndar skal
»vera lokið, er skólinn tekur til starfa — við fyrstu
»skólasetningu — og skólaráð þá taka við þeim störfum,
»er framkvæmdanefndin hefur haft áður, nema öðruvísi
»semjist með þeim nefndum. — Þangað til að sýslunefnd
»og ábyrgðarmenn hafa skipað menn í þessa framkvæmd-
»arnefnd, hefur stjórn S. Þ. U. allan veg og vanda af
»framkvæmd málsins.«
Tillagan 'samþykt með 11 atkvæðum.
»b. Fundurinn telur rétt, að framkvæmdarnefndin út-
»vegi alþýðuskóla Þingeyinga bankalán alt að 20000,00
»— tuttugu þúsund krónum — ef brýn nauðsyn krefur.
»Skal nefndin leita fulltingis hjá vinum skólamálsins, þeim
»er góð fjárráð hafa, að taka ábyrgð á því láni gagnvart
»bankanum. En gegn því skal nefndinni heimilt, að gefa
»ábyrgðarmönnunum veð í eignum skólans og bygging-
»um, þar til skuldin við bankann er goldin«.
Tillagan samþ. með 9 gegn 2 atkv.
»c. Fundurinn væntir þess, að búnaðardeild f. konur