Ársrit Nemendasambands Laugaskóla - 01.01.1928, Blaðsíða 144
Í 42
þess, að slíkt geti orðið í besta lagi, eru kaupendur allir
ámintir um að gera sem hreinlegust skil til mín fyrir maí-
lok 1929.
Af því að þetta, sem þegar hefur verið sagt um fjárhag
ritsins er ekki sem glæsilegast, skal jafnframt bent á það,
sem í betri átt bendir. Þess skal þá fyrst getið, að félög-
um Nemendasambandsins hefur nú í vor fjölgað til stórra
muna. Eru félagar og áskrifendur ritsins aðrir orðnir yfir
180, og eru líkur til, að þéir verði yfir 200 að þessum ár-
gangi þess. Meö því að senda ritið gegn póstkröfu, er
greiðsla þess trygð til hlítar. Svo er allmikil eign í því,
sem til er af upplagi fyrri árganga. Verða þeir árgangar
seldir hálfvirði nýjum félögum, og má gera ráð fyrir, að
jreir seljist þannig smám saman, þó að hægt gangi. En
aðalatriðið er þó það, að meðan skólinn er í sæmilegu lagi
og ritið er í hans anda, ganga nærfelt allir nemendur í
Sambandið, áður en þeir hverfa frá skólanum, og þannig
stækkar hópurinn, sem að því stendur. Eftir næsta ár ætti
það að vera örugt með að bera allan þann kostnað, sem
á það legst, og þar á eftir má lækka verð þess. Og þá fyrst
eru líkur til þess, að það verði keypt af öðrum en nem-
endum skólans, svo að teljandi sé. Annars má ekki eftir
þeim kaupendum sækjast. Ritið á altaf að vera fyrst og
fremst fyrir nemendur skólans, og þó einkum þá, sem
þegar eru brott farnir.
Um efni næsta rits verður engu lofað. En sjálfur hef
eg lagt svo mikið til þessa rits, að eg vildi mjög gjarna,
að það mætti verða minna næst. Vil eg einkum biðja
mína gömlu nemendur að duga mér næsta ár. Og óhætt
hygg eg að senda mér efni í ritið þess vegna, að eg mun
hafa einurð, til að senda aftur, það sem eg tel ykkur, nem-
endur mína, ekki fullsæmda af.
Arnór Sigurjónsson.