Almanak Hins íslenska þjóðvinafélags - 01.01.1995, Blaðsíða 175

un 20. ágúst. Haldið var áfram viðbyggingu Verkmennta-
skólans og viðbyggingu við Flugstöðina. 3. júlí var tekin
fyrsta skóflustunga að slysavarnahúsi við Strandgötu. I
september var styttan af Helga magra og Þórunni hyrnu
sett upp aftur á Hamarskotsklettum. Hún hafði verið
steypt í brons. - Við Þelamerkurskóla var nýtt íþróttahús
tekið í notkun 24. október. - í Hrísey var húsnæði fyrir
aldraða tekið í notkun 10. október. Þar eru 5 íbúðir auk fé-
lagsaðstöðu og nefnist húsið Hlein. - Á Dalvík voru fjórar
íbúðir fyrir aldraða við dvalarheimilið Dalbæ teknar í
notkun í júní. - í Ólafsfirði var nýtt 1.500 fm íþróttahús
langt komið. - í Siglufirði var dagheimili tekið í notkun í
september. Þar var áfram unnið að endurreisn Roalds-
brakka.
Skagafjarðarsýsla. í Varmahlíð hófst bygging íþróttahúss
og standa að því 8 hreppar. - Á Sauðárkróki var lóðum út-
hlutað í Brekkutúni og næst verður byggt í Eyrartúni.
Stjórnsýslumiðstöð var opnuð 15. október í gömlu kjörbúð-
inni við Skagfirðingabraut. Byrjað var á 7 einbýlishúsum.
Áfram var unnið við bóknámshús Fjölbrautaskólans.
Húnavatnssýslur. Á Skagaströnd var haldið áfram að
reisa viðbyggingu við leikskólann. - Á Blönduósi var vígð
ný kirkja 1. maí. Hún hefur verið 11 ár í smíðum. Maggi
Jónsson teiknaði kirkjuna. Fyrsta hæð viðbyggingar við
sjúkrahúsið var formlega afhent 16. júní. Heilsugæzlustöð
var tekin í notkun í september. - Hinn 13. maí var afhjúp-
aður minnisvarði um landpósta að Stað í Hrútafirði. Varð-
ann gerði Grímur Marinó Steindórsson. Við Staðarskála
var um áramót langt komið að breyta eldra húsi í hótel.
Strandasýsla. Á Hólmavík var áfram unnið við íþrótta-
hús. - Á Gjögri er tækjageymsla við flugvöllinn í smíðum.
Isafjarðarsýslur. Á Isafirði var áfram byggt í Seljalands-
hverfi. Mikið var unnið við nýju kirkjuna. Iþróttahús var
tekið í notkun 18. september. Aðalsalurinn er 1.300 fm og
allt kostaði húsið um 240 milljónir. - Á Súðavík er leik-
fimihús við grunnskólann í smíðum. - Á Flateyri er félags-
miðstöð og íþróttahús enn í smíðum. Þar var unnið að við-
(173)