Bræðrabandið - 01.12.1987, Blaðsíða 5

Brœðrabandið 12. 1987
ERVERÐIÐ
OFHÁTT
EÐAOF
LÁGT?
Hvaða verð vilt þú greiða til að öðlast þau
forréttindi að tilheyra Guði, vera sonur hans eða
dóttir?
Eilífa lífið er gjöf Guðs, verk Guðs en hann
getur ekki unnið það í okkur, komið gjöfinni til
skila, nema við séum fús að taka við henni.
í augum sumra er það mikil fórn að rétta út
höndina og taka við gjöf Guðs. "Demas hefur
yfirgefið mig", sagði Páll postuli, "vegna þess að
hann elskaði þennan heim" (2.Tím. 4,9).
Páll, hinsvegar, sagði "Sakir hans (Krists)
hef ég misst allt og met það sem sorp, til þess
að ég geti áunnið Krist og reynst vera í honum".
(Fil. 3,8.9).
Hinir trúföstu allra alda hafa fórnað öllu,
jafnvel lífinu sjálfu, fyrir trú sína og
trúmennsku við Guð himnanna. Við minnumst
Jósefs, sem sagði: "Hvernig skyldi ég þá aðhafast
þessa miklu óhæfu og syndga á móti Guði" (1.
Mós. 39,9).
Við vitum að þessi trúmennska kostaði hann
reiði konu Pótífars og í framhaldi af því langa
fangelsisvist. Við minnumst vina Daníels. Þótt
þeirra biði grimmilegur dauðdagi ef þeir tilbæðu
ekki líkneskið í Dúradal, var trúmennska þeirra
slík að þeir sögðu með mikilli djörfung. Ef
Guð vor, sem vér dýrkum, vill frelsa oss, þá
mun hann frelsa oss úr eldsofninum brennandi
og af þinni hendi konungur.
En þótt hann gjöri það ekki, þá skalt þú
samt vita, konungur, að vér munum ekki dýrka
þína Guði né tilbiðja gulllíkneskið, sem þú hefur
reisa látið."(Dan. 3,17.18).
Ester var einnig reiðubúin að fórna öllu, einnig
lífi sínu, og sagði, "og ef ég á að farast, þá
ferst ég." (Est. 4,16).
Kristur sjálfur, í angist sinni í
grasgarðinum, þar sem hann bar synd alls
heimsins, sagði "Þó ekki sem ég vil, heldur sem
þú vilt" (Mark. 14, 36) Hann var "hlýðinn allt til
dauða, já dauðans á krossi" (Fil. 2,8).
í bókinni Drottinn kemur, á bls 349 segir:
"Þau forréttindi að vera synir Guðs, eru lágu
verði keypt, jafnvel þó að öllu sé fórnað sem við
eigum, jafnvel lífinu sjálfu."
"Þrenging vor er skammvinn og léttbær og
aflar oss eilífrar dýrðar sem stórum yfirgnæfir
allt" (2.Kor. 4,17) "En Guð hefur frá eilífð
fyrirhugað oss til dýrðar...
Það sem auga sá ekki og eyra heyrði ekki og
ekki kom upp í hjarta nokkurs manns, allt það
sem Guð fyrirbjó þeim, er elska hann".
(lKor.2,7,9.).
Nei verðið er ekki of hátt". Hann sem
þyrmdi ekki sínum eigin syni, heldur framseldi
hann fyrir oss alla, hví skyldi hann ekki líka
gefa oss allt með honum? (Róm. 8,32) "Því svo
elskaði Guð heiminn að hann gaf son sinn
eingetinn, til þess að hver sem á hann trúir
glatist ekki heldur öðlist eilíft líf.(Jóh. 3,16).
Erling B. Snorrason
5