Ægir - 01.11.2002, Blaðsíða 8

8
F R É T T I R
Athygli ehf. gefur þetta viða-
mikla upplýsingarit út í annað
skipti, en í nokkur ár hafði fyrir-
tækið annast útgáfu þess fyrir
Fiskifélag Íslands, sem átti út-
gáfuréttinn. Athygli keypti síðan
útgáfuna af Fiskifélaginu og hefur
alfarið séð um hana í tvö ár.
Ritstjórn bókanna hefur verið í
höndum Emblu E. Oddsdóttur,
sem starfar á skrifstofu Athygli á
Akureyri. Bækurnar hafa einnig
verið brotnar um á Akureyri og
hefur Hrönn Sigurðardóttir séð
um þann verkþátt. Inga Ágústs-
dóttir hefur haft umsjón með sölu
auglýsinga.
Betri skipaskrá en nokkru
sinni áður
Embla segir að í svo viðamiklu
upplýsingariti leggi margir hend-
ur á plóg. Hún nefnir að upplýs-
ingar um skip og báta hafi aldrei
verið jafn ítarlegar og nú. Jón
Sigurðsson hefur annast ritstjórn
Skipaskrárinnar og segir Embla
að hann hafi unnið frábært starf.
„Með því að fela Jóni þennan þátt
verksins getum við nú veitt les-
endum betri og gleggri upplýs-
ingar um skipastól landsmanna
en nokkru sinni áður og ég full-
yrði að þetta er besta og ítarleg-
asta skipaskrá til þessa. Í bókinni
eru upplýsingar um öll skip og
báta og við birtum m.a. myndir
af öllum þilfarsskipum og far-
þegaskipum og ferjum, samtals
eru myndirnar á annað þúsund
talsins. Með mikilli yfirlegu hefur
okkur tekist að ná saman öllum
þessum myndum og þar njótum
við liðsinnis ótal ljósmyndara,
sjómanna og útgerðarmanna um
allt land. Þessum aðilum vil ég
sérstaklega þakka fyrir ómetan-
lega hjálp sem og öllum öðrum
sem hafa gert útgáfuna mögulega.
Án velvildar og hjálpar fjölda
fólks um land allt væri útgáfa
sem þessi ómöguleg. Og ekki má
gleyma þætti auglýsenda, sem
greinilega vita af margra ára og
áratuga reynslu að auglýsingar í
bókunum skila þeim tilætluðum
árangri,“ segir Embla.
Enn meiri upplýsingar
Hún nefnir einnig að hafnaskrá í
bókinni sé ítarlegri en áður og
hana prýði fjöldi nýrra mynda af
höfnum landsins sem Mats Wibe
Lund, ljósmyndari, tók á liðnu
sumri. „Einnig vil ég nefna að í
kafla um öryggismál sjómanna
eru meiri og ítarlegri upplýsingar
en áður. Til dæmis birtum við
núna viðbótarupplýsingar um for-
varnir, eldvarnir, fallhættu og ný-
liðafræðslu,“ nefnir Embla.
Bókunum fylgir geisladiskur
með nýjustu uppfærslu af Skipa-
skránni.
Þá er vert að geta þess að á net-
inu er Athygli með vef þar sem
unnt er að nálgast alla nýjustu
upplýsingar um skipastól lands-
manna. Vefslóðin er www.skipa-
skra.is Vefurinn hefur fengið nýtt
útlit og gefur stóraukna leitar-
möguleika frá því sem áður var.
Skipaskráin og Sjómanna-
almanakið verða til sölu í öllum
helstu bókabúðum auk þess sem
bækurnar verða seldar í Ellingsen,
Áttavitaþjónustunni-Raför og
fleiri stöðum. Þá verða bækurnar
til sölu hjá Athygli í Reykjavík
(515 5200), Athygli á Akureyri
(461 5151) og Athygli á Egils-
stöðum (471 2800). Inga Ágústs-
dóttir (515 5206/898 8022)og
Soffía Óladóttir (515 5207/896
1412) taka einnig við pöntunum.
Samanlagt verð beggja bóka er
3.990 kr. - vsk. innifalinn.
Skipaskráin og Sjómannaalmanakið 2003 að koma út:
Viðamesta upplýsinga-
ritið til þessa
Sjötugasti og áttundi árgangur Sjómannaalmanaksins og Skipaskrárinn-
ar er þessa dagana að koma út. Þessi rótgrónu upplýsingarit íslenskra
sjófarenda og áhugamanna um hérlendan sjávarútveg hafa aldrei verið
jafn viðamikil. Síðurnar eru samtals um 1400 sem skiptast í tvær bæk-
ur, annars vegar „Skipaskráin - íslensk skip og hafnaskrá“ og hins vegar
„Sjómannaalmanakið“.
Embla Eir Oddsdóttir,
ritstjóri Sjómannaalm-
anaksins, (t.h.) og
Hrönn Sigurðardóttir,
sem annaðist umbrot
Sjómannaalmanaksins
og Skipaskrárinnar.