Ægir - 01.11.2002, Blaðsíða 35

35
U M B Ú Ð A F R A M L E I Ð S L A
Tempra hf. framleiðir
frauðkassa
SH-umbúðir:
Merki vöxt í útflutn-
ingi á ferskum fiski
- segir Einar Már Guðmundsson, deildarstjóri
„Ég vil segja að við
höfum búið þennan
möguleika til hér á
landi á sínum tíma,“
sagði Sigvaldi H. Pét-
ursson, tæknistjóri
umbúðaframleiðslu
Tempra hf., en fyrir-
tækið framleiðir
fjölda tegunda af ein-
angrunarkössum úr
frauðplasti fyrir út-
flutning á ferskum
fiski.
Aukin eftirspurn
Sigvaldi segir að aukin og jöfn
spurn hafi verið eftir þessum um-
búðum á undanförnum misser-
um. „Á sínum tíma þegar fiskeldi
byrjaði hér á landi vöknuðu menn
upp við þann vonda draum að
ekki voru til umbúðir til þess að
flytja laxinn ferskan á markaði er-
lendis. Í kjölfarið fóru menn að
kynnast þessari umbúðatækni.
Síðan reyndu menn að flytja
ferskan fisk í pappakössum, sem
gekk alla vega. Menn færðu sig
síðan aftur í frauðplastið í aukn-
um mæli,“ segir Sigvaldi.
Fiskurinn er settur eftir kúnst-
arinnar reglum í frauðkassana. Ís-
aður laxinn er settur á mottu sem
getur tekið þann raka sem fiskur-
inn eða ísinn framleiðir í kassan-
um og breytir í fast form. „Ferski
fiskurinn er ísaður þannig að
ísmottur eða gelmottur eru lagðar
ofan á fiskinn til þess að fyrir-
byggja að laust vatn kastist út úr
kassanum í flugtaki og lend-
ingu.“
Þróun í frauðplasti
Sigvaldi H. Pétursson segir að
mikil þróun hafi átt sér stað í
þessari umbúðaframleiðslu.
„Einnig hefur orðið mikil þróun í
húsunum, þ.e. að menn eru orðn-
ir meðvitaðir um meðferð á fisk-
inum. Menn átta sig á því að fisk-
urinn verður að fara kældur ofan í
kassana. Ef hann fer ekki kaldur í
kassana er ekki unnt að kæla
hann í þeim,“ segir Sigvaldi.
Tempra hf. varð til við samruna
Húsaplasts í Kópavogi og
Stjörnusteins í Hafnarfirði. Við
samrunann varð til stærsta fyrir-
tækið á sínu sviði á Íslandi í dag,
með yfir 60 ára sameiginlega
reynslu af framleiðslu úr EPS,
(Expandable Polystyrene - frauð-
plasti.)
SH-umbúðir eru til
húsa að Héðinsgötu 2
í Reykjavík. Fyrirtæk-
ið hefur lengi fram-
leitt umbúðir fyrir
sjávarútveginn og
annast ýmsa aðra
þjónustu við atvinnu-
greinina.
„Við erum eingöngu í sölu um-
búða fyrir sjávarútveginn og höf-
um verið að þjónusta fjörutíu
frystitogara og fimmtíu fisk-
vinnslur bæði hér heima og er-
lendis,“ segir Einar Már Guð-
mundsson, deildarstjóri hjá SH-
umbúðum.
Einar Már segir að samkeppnin
á þessum markaði sé mikil og
hún sé alltaf að aukast. „Við erum
að selja pappakassa, plast og allar
rekstrarvörur til þess að vinna
fisk,“ segir Einar Már. „Það er
engin spurning að þessa dagana er
mikill vöxtur í útflutningi á
ferskum fiski, mér heyrist margir
vera að færa sig í auknum mæli
yfir í hann,“ segir Einar Már og
upplýsir að SH-umbúðir vinni að
því að mæta óskum viðskiptavina
vegna aukningar í útflutningi á
ferskum fiski
„Menn átta sig á því að fiskurinn verður að fara kældur ofan í kassana.
Ef hann fer ekki kaldur í kassana er ekki unnt að kæla hann í þeim.“