Ægir - 01.11.2002, Blaðsíða 44
44
K Æ L I T Æ K N I
Nýr plötufrystir um borð
í Þór HF-4
„Okkar helstu viðskiptavinir eru
frystitogarar, fiskvinnslur og slát-
urhús. Nefna má sem dæmi að
nýverið kom Þór HF-4, togari
Stálskipa í Hafnarfirði, úr sinni
fyrstu veiðiferð undir flaggi nýrra
eigenda. Við sáum um þær breyt-
ingar sem voru gerðar á frystikerfi
skipsins áður en það fór á veiðar. Í
stað tveggja láréttra plötufrysta
sem voru áður í skipinu settum
við nýjan 60 pönnu plötufrysti frá
DSI um borð. Einng var bætt við
plötum í láréttu frystana sem fyr-
ir voru í skipinu og þeir þannig
stækkaðir. Frystirinn sem settur
var um borð uppfyllir öll skilyrði
sem krafist er í matvælafram-
leiðslu. Ramminn á frystinum er
úr lokuðum prófílum, heitgalvan-
iseruðum, plöturnar eru úr sjó-
þolnu áli, en kælimiðilsslöngur,
glussakerfi og glussatjakkar úr
ryðfríu stáli,“ segja vélfræðing-
arnir Jón Valdimarsson og Vé-
steinn Marinósson hjá Frystikerfi.
Krapaísvélar frá Ziegra
Þeir segja að í allri matvælafram-
leiðslu sé sífellt lögð ríkari áhersla
á kælingu á fyrri vinnslustigum.
Þetta eigi ekki síður við í
vinnsluskipunum en í landi. „Þar
höfum við fylgt á eftir og bjóðum
mönnum nú krapaísvélar frá Zi-
egra, sem hafa þann kost að geta
framleitt krapa í mismunandi
þykkt, eftir óskum hvers og eins
og við saltinnihald frá 0,7%-4%.
Þá framleiðum við ís úr sjó og ís
úr ferskvatni, allt með sömu vél-
inni. Við settum fyrstu vélina um
borð í Helgu Maríu AK-16 á sl.
ári og fylgdumst svo grannt með
framvindu hennar. Menn voru
mjög ánægðir með útkomuna og
nú fyrir skömmu settum við aðra
niður í Vigra RE-71. Þessar
krapavélar munu án efa henta
mörgum fiskvinnslum, smáum
sem stórum, sem gætu þá t.d.
nýtt krapann á daginn meðan á
vinnslu stendur og framleitt svo
ís á lager yfir nóttina. Við getum
ekki annað en horft með bjartsýni
til þessa hluta greinarinnar miðað
við þau viðbrögð sem við fengum
við sýningarvél sem við höfðum á
sjávarútvegssýningunni í Kópa-
vogi í byrjun september,“ segja
þeir félagar.
Frystigeymsla Samskipa
„Meðal þess sem er framundan
getum við nefnt að Samskip hf.
eru nú að ganga frá samningum
um nýja 11 þúsund rúmmetra
frystigeymslu, Ísheima II, á at-
hafnasvæði sínu í Reykjavík.
Þessi geymsla er ætluð til lönd-
unar á stórum og minni förmum
úr uppsjávarveiðiskipum og verð-
ur aflanum þá ekið með lyfturum
beint úr skipunum í frysti-
geymsluna. Í þessu stóra verkefni
munum við sjá um afgreiðslu á
frystikerfi sem og uppsetningu
þess,“ segja Jón og Vésteinn hjá
Frystikerfi ehf.
Frystikerfi ehf.:
Sjá um þjónustu
á öllum gerðum frysti-
og kælibúnaðar
Vélfræðingarnir hjá Frystikerfi ehf., Jón Valdimarsson (t.v.) og Vésteinn Marinósson. Mynd: Sverrir Jónsson
Frytikerfi ehf. annast
þjónustu á öllum
gerðum frysti- og
kælibúnaðar. Fyrir-
tækið, sem hefur
starfsstöðvar í Reykja-
vík og á Ísafirði, ann-
ast hönnun, sölu og
uppsetningu á frysti-
og kælibúnaði fyrir
matvælaframleiðend-
ur. Frystikerfi ehf. tók
til starfa 1. október
1997.