Ægir - 01.11.2002, Blaðsíða 48

48
H R A Ð F I S K I B Á TA R
Plastverk Framleiðsla
ehf. í Sandgerði hefur
hannað og þróað
hraðfiskibát sem hef-
ur fengið smíðanafn-
ið „Örninn“. Bátur-
inn er svokölluð tví-
bytna með „skíði“
niður með síðunum
sem gerir það að
verkum að hann er
mjög stöðugur, rás-
fastur og lipur og
þægilegur.
Plastverk Framleiðsla ehf. hefur
þegar lokið við smíði á fyrsta bát-
inum af þessari gerð og er hann
9,63 metrar að lengd og 3,50 m
að breidd. Einnig er unnt að fá
bát sem er 12,63 metrar að lengd.
Fyrsti „Örninn“ er með 8,3 l 430
hestafla Cummings vél og er
ganghraðinn allt að 29 sjómílur.
Undir lestinni er 989 lítra rúst-
frír olíutankur og 150 lítra vatns-
tankur er undir lúkar. Gott pláss
er í vélarrúmi og þægilegt að
komast að vélinni.
Báturinn ber um 11 tonn í lest,
auk þess sem gott rými er á dekk-
inu. Í lest er pláss fyrir ellefu 660
lítra ker og fjögur 380 lítra ker.
Þróunarvinna í hálft annað ár
Fyrirtækið Plastverk á sér margra
áratuga sögu í Sandgerði, en árið
1999 keyptu þeir bræður Gústaf
Adolf og Ólafur Ólafssynir fyrir-
tækið og breyttu nafni þess í
Plastverk Framleiðsla ehf.
„Ég er menntaður járniðnaðar-
maður og er síðan með réttindi til
að vinna trefjaplast. Við höfum
mest verið í því að gera við fiski-
báta, auk þess sem við smíðum
ýmsa hluti úr trefjaplasti. Síðan
fórum við út í að þróa þennan
nýja bát, sem ég tel að mörgu
leyti einstakan í þessari stærð
báta. Í það minnsta er mér sagt að
báturinn sé sá eini sinnar tegund-
ar hér á landi og byltingarkennd-
ur í hérlendum trefjaplastbáta-
flota. Í upphafi keyptum við
skrokka af ákveðinni bátategund,
gerðum breytingar á henni og
tókum síðan mót. Þetta ferli tók
hálft annað ár og var auðvitað
mjög kostnaðarsamt,“ segir Gúst-
af Adolf.
Óvenju stöðugur
Gústaf segir að byggingarlagið á
„Erninum“ geri það að verkum að
hann sé mjög stöðugur „og ég
fullyrði að hann er óvenjulega
stöðugur miðað við bát af þessari
stærð.“ Nú þegar er búið að sjó-
setja fyrsta „Örninn“ og fara í
nokkra túra á honum til þess að
kynna hann fyrir smábátasjó-
mönnum. „Trillukarlarnir halda
varla vatni af hrifningu. Þessi við-
brögð styrkja okkur í því að við
höfum gert rétt í hönnun á bátn-
um,“ segir Gústaf og bætir við að
næsta skref sé að kynna og mark-
aðssetja bátinn, en framhaldið
segir hann að ráðist töluvert af
því hvernig gangi að selja þennan
fyrsta bát. „Við bjóðum bátinn án
fiskileitartækja, því smekkur
manna í þeim efnum er afar mis-
jafn,“ segir Gústaf.
Heildarkostnaður við smíði á
þessum fyrsta báti af gerðinni
„Örninn“ auk þróunar- og hönn-
unarkostnaðar er samtals um 25
milljónir króna, sem Gústaf seg-
ist fúslega viðurkenna að sé stór
biti fyrir ekki stærra fyrirtæki að
kyngja. „Ég þarf að fá um 18
milljónir fyrir þennan fyrsta bát,“
bætir Gústaf við.
Plastverk Framleiðsla ehf. í Sandgerði:
Hefur hannað og smíðað
nýja tegund hraðfiskibáta
Örninn er tvíbytna með „skíði“niður með síðunum, sem gerir það að verkum að hann er mun stöðugri en ella.
„Viðbrögð styrkja okkur í því að við
höfum gert rétt í hönnun á bátnum,“
segir Gústaf Adolf Ólafsson hjá Plast-
verki.