Ægir - 01.01.2002, Side 18
18
Þ O R S K E L D I
Guðbrandur Sigurðsson, fram-
kvæmdastjóri Útgerðarfélags Ak-
ureyringa hf., sagði á ráðstefnu
um þorskeldi á Akureyri 11. jan-
úar sl. að allar upplýsingar bentu
til þess að aukin spurn yrði eftir
fiski í framtíðinni og almennt
væri talið að þeirri spurn yrði
ekki mætt öðruvísi en með eldis-
fiski.
Guðbrandur sýndi tölur um
aukningu eldis í heiminum á síð-
asta áratug. Í byrjun áratugarins
var magnið 16 milljónir tonna en
var orðið um 43 milljónir tonna í
lok áratugarins. „Ef við horfum
bara á hefðbundinn fisk sjáum við
að magnið hefur aukist úr 7
milljónum tonna árið 1990 í 17
milljónir tonna árið 1999.
Langstærsta tegundin í þessu er
vatnakarfi en veruleg aukning
hefur líka verið í laxi og silungi
og sömuleiðis hefur aukningin
orðið umtalsverð í beitarfiski,“
sagði Guðbrandur.
Þorskafli hefur verið að dragast
mjög saman í heiminum á und-
anförnum árum. Guðbrandur
benti á að árið 1987 hafi veiðst
um 12 milljónir tonna af hvít-
fisktegundum í heiminum, 7,4
milljónir tonna á síðasta ári og
aflinn er áætlaður enn minni á
þessu ári. Úr Norður-Atlantshafi
eru veiddar 1,6 milljónir tonna af
þorski, ýsu, ufsa og karfa, úr Suð-
ur-Atlantshafi eru veiddar 1,4
milljónir tonn og Kyrrahafið gef-
ur mest, eða um 7 milljónir
tonna. „Það er mikið áhyggjuefni
hversu mikið veiðar á þorski hafa
dregist saman. Ég held að það
hljóti að skipta miklu máli að við
höfum nægilegt magn á hverjum
tíma til þess að viðahalda þeim
stóra og góða markaði sem hefur
verið til staðar fyrir þorskafurðir.
Það er talið að framboð á þorski
verði um 838 þúsund tonn á
þessu ári, sem er samdráttur um
allt að 500 þúsund tonn frá árinu
1997. Þetta undirstrikar að mínu
mati að það er markaður fyrir
meiri þorsk. Spurningin er þá
hvort við getum selt hann á við-
unandi verði sem standi undir
framleiðslukostnaði og gott bet-
ur. Á undanförnum árum hefur
spurn eftir sjávarafurðum verið
meiri en framboðið. Ég tel að lík-
leg þróun verði sú að eftirspurnin
muni aukast í takt við aukinn
fólksfjölda. Aukinni eftirspurn
verður ekki svarað með aukinni
veiði og ég tel þess vegna að eina
raunhæfa leiðin til þess að koma
til móts við þessar þarfir markað-
arins sé fiskeldi,“ sagði Guð-
brandur.
Nægur markaður fyrir
meiri þorsk
- er mat Guðbrandar Sigurðssonar, framkvæmdastjóra ÚA
Guðbrandur Sigurðsson, framkvæmda-
stjóri ÚA, flytur sína tölu á þorskeldis-
ráðstefnunni á Akureyri 11. janúar sl. Á
myndinni sést í Finnboga Jónsson,
stjórnarformann Samherja hf.
Ef marka má ótrúlegan fjölda þátttakenda á þorskeldisráðstefnunni á Akureyri er
mikil vakning og áhugi á þorskeldi um þessar mundir.
Þrír áhugasamir á þorskeldisráðstefn-
unni. Steingrímur Jónsson, prófessor í
Háskólanum á Akureyri, Jón Árnason,
Fóðurverksmiðjunni Laxá, og Bjarni
Jónasson.
Löng saga
þorskeldis í Noregi
Sögu þorskeldis í Noregi má rekja allt aftur til
ársins 1884 þegar tilraunir voru gerðar með
þorskklak í klakstöð í Flödevigen í Suður-Noregi.
Kviðpokalirfum var sleppt í sjóinn með það að
markmiði að auka styrkleika einstakra árganga.
Þessar sleppingar náðu hámarki á árunum 1920-
50, en þeim var síðan hætt í byrjun áttunda ára-
tugarins þar sem ekki var hægt að sýna fram á
jákvæðan árangur og höfðu þá tilraunar staðið
yfir í tæp hundrað ár.
Fr
óð
le
ik
ur
u
m
þ
or
sk
el
di