Ægir - 01.01.2002, Blaðsíða 26
26
Æ G I S V I Ð T A L I Ð
„Ég held að á sínum tíma hafi verið gert meira úr
þessu stjórnarformannskjöri en ástæða var til,“ segir
Róbert. „Þetta var ekki sú bylting sem menn voru að
magna þetta upp í. Fyrst og fremst varð ágreiningur
um stefnu fyrirtækisins. Í dag held ég að flestir þeir
sem að málinu komu hafi sannfærst um að við stig-
um þarna skref sem var nauðsynlegt þessu félagi. Við
gátum ekki lengur haldið uppi of kostnaðarsamri
starfsemi á sama tíma og almenn þekking sjávarút-
vegsins á markaðsmálum hafði stóraukist. Sölumið-
stöðin gat ekki haldið áfram á þeirri braut að hún
ætti að selja allt fyrir alla. Það sem gerðist í kjölfar
þess að breyting varð á stjórn SH var að ákvarðana-
takan var flutt út í framleiðslufyrirtækin sjálf og í
kjölfarið jókst markaðsvitund stjórnenda þeirra til
muna, sem ég tel til mikilla bóta. Sölumiðstöðin er
ekki miðstýrt fyrirtæki í dag. Dótturfyrirtækjum og
framleiðendum Sölumiðstöðvarinnar er fullkomlega í
sjálfs vald sett hvort þeir eiga viðskipti hvorir við
aðra eða ekki.“
Stórt fyrirtæki á Íslandi
– lítið í alþjóðlegu samhengi
“Ég lít svo á að á þessum þremur árum hafi
okkur tekist að endurskipuleggja Sölumið-
stöðina þannig að hún skilar hagnaði. En
það er að sjálfsögðu ekki lokatakmarkið. Þótt Sölu-
miðstöðin, með veltu upp á um 55 milljarða ís-
lenskra króna, sé stórt fyrirtæki á íslenskan mæli-
kvarða er hún þó mjög lítið markaðsfyrirtæki í al-
þjóðlegu samhengi, í rauninni of lítið fyrirtæki. Hér
heima er fólki gjarnt að líta á SH sem stórfyrirtæki
og sömuleiðis er mikið talað um samkeppni SH, SÍF
og fleiri íslenskra sölufyrirtækja. En þetta er ekki
hin raunverulega samkeppni. Raunveruleg sam-
keppni er baráttan um viðskiptavininn úti á mark-
aðnum og sú samkeppni fer harðnandi. Og ef við
ætlum að halda okkar markaðsstöðu verður að halda
vel á spöðunum. Það er að mínu mati okkur ekki til
tekna ef við erum sundraðir í sölu sjávarafurða. Þó
vil ég í þessu sambandi nefna að mörg smærri fyrir-
tæki eru betur til þess fallin en stór að ná góðum
viðskiptasamböndum inn á svokallaða „hillumark-
aði“ og það mun alltaf verða. Það er ekkert öðruvísi
með Sölumiðstöðina en önnur fyrirtæki að hún getur
ekki verið best í öllu. Við höfum reynt að einblína á
það sem við teljum okkur vera góðir í. Áður má
segja að við höfum selt allt fyrir alla, en í dag hafa
Ég er kannski ekki
beint þekktur fyrir
málamiðlunarleiðir
– segir Róbert Guðfinnsson, stjórnarformaður SH og Þormóðs ramms-Sæbergs
Ég tel að það sé fullt af tækifærum fyrir
sjávarútveginn til þess að fara í
nýsköpunarverkefni sem byggi á þeim
grunni og þekkingarheimi sem við lifum í.
Hins vegar tek ég eftir að margir
landsbyggðarþingmenn skilja ekki það
umhverfi sem þeir lifa í.
Það verður ekki annað sagt en að það hafi orðið
dálaglegur hvellur þegar Siglfirðingurinn Róbert
Guðfinnsson bauð sig fyrir um þremur árum
fram til formennsku í Sölumiðstöð hraðfrysti-
húsanna gegn þáverandi formanni, Jóni Ingv-
arssyni. Sumum fannst Róbert ekki ráðast á
garðinn þar sem hann var lægstur, en engu að
síður hafði hann betur í kjörinu og er enn
stjórnarformaður Sölumiðstöðvarinnar. Það er
ekki alltaf auðvelt að ná tali af Róberti, enda er
hann fjölbreyttra starfa sinna vegna allt að
hundrað daga á ári í útlöndum. Ægir náði þó að
hitta á Róbert á skrifstofu hans í höfuðstöðvum
SH í gömlu Moggahöllinni í Reykjavík eftirmið-
dag í janúar. Daginn eftir lá leið hans til
Moskvu og eftir stutta millilendingu á Íslandi
var haldið vestur um haf. Við byrjum viðtalið á
að ræða um stjórnarformennskuslaginn í SH fyr-
ir þremur árum.
Texti:
Óskar Þór Halldórsson
Myndir:
Óskar Þór
Halldórsson, o.fl.