Ægir - 01.01.2002, Side 28

28
Æ G I S V I Ð T A L I Ð
verið að vinna að samstarfsverkefni Þormóðs ramma-
Sæbergs, Granda og Ránarborgar í sjávarútvegi í
Mexíkó. Á síðari hluta síðasta árs hef ég trúlega varið
mestum tíma í ýmis verkefni sem tengjast líftækni-
fyrirtækinu Genís, en þar tókum við meðal annars
yfir rekstur á norska líftæknifyrirtækinu Primex, og
þá má ekki gleyma aðild að sænska sjávarútvegsfyrir-
tækinu Scandsea, sem Þormóður rammi og SH eiga
samtals rúm 40% í. Þetta fyrirtæki er fyrst og fremst
með starfsemi í Rússlandi og Litháen.“
Primex-Genís er fyrirtæki á Siglufirði sem hefur
ekki farið hátt í fjölmiðlaumræðu, en þar á bæ er
verið að gera athyglisverða hluti í hljóði, ef svo má
segja. „Primex-Genís er líftæknifyrirtæki sem er
áhættufjárfesting, en okkur hefur tekist að þróa það í
rétta átt og ég tel að hér sé um efnilegt sjávarút-
vegstengt fyrirtæki að ræða.“
Lífseig saga
Róbert er Siglfirðingur að ætt og uppruna
og lengi hélt hann um stjórnartauma í Þor-
móði ramma á Siglufirði. Síðustu árin hefur
hann hins vegar haft aðsetur á höfuðborgarsvæðinu,
en hús á hann enn á Siglufirði enda telur fjölskyldan
sig fyrst og fremst Siglfirðinga. Í fjármálaráðherratíð
Ólafs Ragnars Grímssonar var hlutur ríkisins í Þor-
móði ramma seldur og margir sögðu og segja enn að
kaupendurnir, nokkrir af núverandi eigendum Þor-
móðs ramma, þar á meðal Róbert Guðfinnsson, hafi
fengið fyrirtækið gefins. „Já, já, þessi saga er lífseig
einfaldlega vegna þess að hún hentar ákveðnum
mönnum. Ég hef sagt það áður og get rifjað það upp
hér að sumarið 1990 kom Ólafur Ragnar til Siglu-
fjarðar í kjölfar þess að vaxandi þrýstingur var á að
ríkið setti aukið hlutafé inn í Þormóð ramma. Á
fundi með m.a. bæjaryfirvöldum og verkalýðsforyst-
unni í bænum lýsti Ólafur Ragnar því yfir að tími
væri til kominn að ríkið losaði sig út úr þessum
rekstri. Ég og Ólafur Marteinsson, svili minn og vin-
ur, fengum Sigurð Stefánsson og Svanbjörn
Thoroddsen hjá Verðbréfamarkaði Íslandsbanka til
þess að meta fyrirtækið og út úr því mati kom
ákveðin tala sem við buðum í hlut ríkisins í Þormóði
ramma. Síðar gerði Ólafur Nílsson, endurskoðandi,
mat fyrir ríkið á Þormóði ramma og komst að mjög
líkri niðurstöðu. Eitt leiddi af öðru og þegar upp er
staðið sýnist mér að við sem festum kaup á Þormóði
ramma höfum orðið skotmark óvildarmanna Ólafs
Ragnars. Ákveðnir aðilar vildu nota þetta mál til
þess að „berja á“ Ólafi Ragnari, en við lentum meira
fyrir því.“
- Ertu umdeildur á Siglufirði?
„Að sjálfsögðu hlýt ég að vera það. Ef ég væri það
ekki hefði ég sennilega alltaf verið að fara einhverjar
málamiðlunarleiðir, sem ég er kannski ekki beint
þekktur fyrir.“
- Þú ert stjórnarformaður í þessu stóra sjávarút-
vegsfyrirtæki á Siglufirði, en ert lítið fyrir norðan?
„Já, ég vildi vera meira fyrir norðan. Ég hef miklar
taugar til bæjanna á utanverðum Tröllaskaga. En því
má ekki gleyma að Þormóður rammi Sæberg er ekki
bara með starfsemi á Siglufirði. Við erum líka með
öfluga starfsemi í Ólafsfirði og Þorlákshöfn. Í Ólafs-
firði, þar sem við rekum þrjá frystitogara með mikl-
um kvótum, kemur stór hluti útsvarstekna frá sjó-
mönnum á þessum togurum. Í Þorlákshöfn keyptum
við Árnes og endurskipulögðum þann rekstur. Sú
eining gengur mjög vel núna og við erum mjög
stoltir af starfsemi okkar í Þorlákshöfn.“
„Hér heima er fólki gjarnt að líta á SH sem stórfyrirtæki og sömuleiðis er mikið talað um samkeppni SH, SÍF og fleiri íslenskra
sölufyrirtækja. En þetta er ekki hin raunverulega samkeppni,” segir Róbert Guðfinnsson.