Ægir - 01.01.2002, Page 32
32
E R L E N T
Í byrjun janúar stöðvaði
Norska síldarsölusambandið
tímabundið veiði á norsku vor-
gotssíldinni vegna þess að fyrir-
tækjum í síldariðnaðinum þótti
hún of smá miðað við ásett verð.
Norska síldarsölusamlagið
breytti þyngdarmörkum fyrir
norsku vorgotssíldina 1. janúar
2002 og í kjölfarið héldu kaup-
endur að sér höndum en lýstu því
þó ekki yfir opinberlega að þeir
myndu ekki kaupa síldina. Síld-
arsölusamlagið svaraði strax með
því að stöðva veiðar. Ástæðan var
sögð vera samræming veiða og
móttöku.
Þrátt fyrir að Síldarsölusamlag-
ið og Sjómannasambandið væru
sammála í haust sem leið um nýja
verðlagningu og flokkun síldar-
innar hefur Sjómannasambandið
ekki óskað eftir fundi með Síldar-
sölusamlaginu til að ræða lág-
marksverð á síld árið 2002.
Breytingin felst meðal annars í
því að í 1. flokki er síld að meðal-
vigt 250 g eða meira og lág-
marksverð NOK 3,50. Í fyrra var
meðalþyngd 1. flokks síldar 275
g eða meira. Vegna breytingar-
innar brugðu síldarkaupendur í
Norður-Noregi á það ráð að
stöðva óopinberlega móttöku og
kaup á síld. Lágmarksverð fyrir
jól var NOK 2,55 en í ársbyrjun
NOK 0,95 hærra. Auk þess sætta
sjómenn sig ekki við að síldin fari
í bræðslu.
Eftir að Síldarsölusamlagið
aflétti móttöku- og kaupbanni á
síld var dregið um hvaða bátar
máttu fara á veiðar og ákveðinn
100-150 tonna hámarksafli í
veiðiferð.
Stöðvun veiða
– Í rauninni er það svo að kaup-
endur í Norður-Noregi hafa
bannað kaup á þeirri meðalstærð
síldar sem nú er veidd í Vestfjor-
den, hefur Fiskaren eftir Johannes
Nakken forstjóra Síldarsölusam-
lagsins. Hann viðurkennir að síld
af meðalstærð 220-250 g sé ekki
mjög eftirsóknarverð. Hluta
hennar er hægt að flaka en hún er
of smá til heilfrystingar.
– Þetta var ekki sú byrjun ver-
tíðar sem við höfðum vonað. Í
fyrra var ofurlítið liðið á vertíðina
þegar bera fór á smásíld. Nú kom
hún strax í vertíðarbyrjun.
Við álítum að síldin muni
skiljast meira að eftir stærð þegar
hún gengur sunnar, segir
Nakken.
Hann segir ennfremur að það
hafi verið slæmt að ekki var vitað
um stærð síldarinnar þegar flot-
inn hélt á miðin.
– Nú verða margir vonsviknir
sjómenn að bíða eftir að mega
hefja veiðar, segir Nakken.
Hann álítur þó ekki að þetta sé
afgerandi breyting á þeirri far-
sælu stefnu sem fylgt var í veiði
uppsjávarfiska síðastliðið ár.
– Þessi veiðistjórnun er nauð-
synleg til þess að hámarksverð fá-
ist fyrir síldarafurðirnar. Leyfilegt
er að bræða síld en að veiða ein-
göngu til bræðslu er óæskilegt
með tilliti til heildarverðmætis.
– Við bíðum og sjáum hvað
hvalvinnslan suðurfrá vill greiða
fyrir síldina, segir Nakken.
Síldarkvótinn
Árið 2002 er kvóti norska síld-
veiðiflotans 484.500 tonn af
norsku vorgotssíldinni. Um 35%
af heildarkvótanum má veiða á
Síldarstríð í
Norður-Noregi
„Þetta var ekki sú byrj-
un vertíðar sem við
höfðum vonað,“ segir
forstjóri norska
síldarsölusambandsins.