Ægir - 01.01.2002, Side 33

33
E R L E N T
fyrri helmingi ársins. Af kvótan-
um sunnan 62. breiddarbaugs,
85.470 tonnum, má veiða 74.800
tonn í Norðursjó og 10.760 tonn
í Skagerrak.
Án veiðiheimilda
Sumir síldarbátanna sem ætlað er
að fara á síld í vetur og veiða í
Vestfjorden og Lofotfjorden upp-
fylla ekki skilyrði til að fá veiði-
heimild. Þremur var strax vísað
burt og svo gætu orðið um fleiri.
Sjávarútvegsráðuneytið hefur
komið á fót umfangsmiklu eftir-
liti með síldveiðum vetrarins og
ákveðið að bátarnir skuli vera
undir 27,5 metrum á lengd og
ekki yfir 1.500. tonn.
Ástæðan fyrir hertu eftirliti er
meðal annars reynslan frá því í
haust. Margir bátar veiddu þá
fyrir aðra báta og voru stærri en
bátarnir sem þeir veiddu fyrir.
Auk þess urðu sjómenn fokreiðir
þegar í ljós kom að sumir bátar
veiddu fyrir báta sem búið var að
úrelda fyrir mörgum árum og
höfðu auk þess aldrei á síld farið.
Þegar síldveiðarnar hófust í
byrjun ársins kom í ljós að sumir
bátanna voru langt að komnir og
fyrir þá höfðu ekki verið fengin
tilskilin leyfi. Það olli starfsfólki
svæðisskrifstofu Sjávarútvegs-
ráðuneytisins í Bodø miklum erf-
iðleikum og boðað var til neyðar-
fundar um hvernig staðið skyldi
að enn frekari takmörkunum á
veiðunum og til hvaða ráða skyldi
gripið við brot á lögum og veiði-
reglum.