Ægir - 01.05.2002, Blaðsíða 38

38
S J Ó S TA N G AV E I Ð I
kemur fyrir að öflugustu veiði-
mennirnir veiði fast að einu tonni
á tveimur dögum. Lárus segir að í
fiskveiðistjórnunarkerfinu sé gert
ráð fyrir sjóstangaveiðimönnun-
um. Hvert félag fær úthlutað
þremur veiðidögum. Tveir þeirra
fara í mót þar sem keppt er til Ís-
landsmeistara og einn í innanfé-
lagsmót. „Við borgum miklu
hærra auðlindagjald en nokkurt
annað íþróttafélag sem ég þekki
til. Aflinn sem veiðist á mótun-
um er allur seldur á fiskmörkuð-
um, sem ekki veitir af til þess að
standa straum af kostnaði við
mótahaldið, þ.m.t. útgerð bát-
anna, kaup á verðlaunagripum og
annað tilheyrandi,“ segir Lárus.
Hver með sínu nefi
Sjóstangaveiðimenn veiða allt að
ellefu tegundir af fiski og eru
m.a. veitt verðlaun fyrir mestan
afla hjá konum og körlum og
stærstu fiskana í hverri tegund.
Lárus leggur áherslu á að menn
noti mismunandi aðferðir við að
ná þeim gula og eins og í laxveið-
inni beiti menn ýmsum aðferðum
sem menn séu ekki að auglýsa
mikið sín í milli. „Þú færð aldrei
upp úr mér hvaða töfraformúlur
ég nota,“sagði Lárus og hló.
„Blessaður vertu, menn eru að
nota allskonar öngla og hnýta
flugur rétt eins og í laxveiðinni.
Menn eru sérvitrir í þessu eins og
öðru. Auðvitað er þessi veiðiskap-
ur mjög frábrugðin stangveiði í
ám og vötnum. Sjóstangaveiðin
getur verið mikið puð. Menn
vakna klukkan 5 á morgnana og
eru lagðir af stað á sjóinn kl. 6.
Síðan veiða menn stíft þegar út á
sjó er komið og slá ekkert af.
Menn verða því að vera vel
hraustir til að standa sig í þessum
veiðiskap, það þýðir ekkert ann-
að. Og ég get sagt þér það að þær
konur sem eru í sjóstangaveiðinni
eru helmingi sterkari en við karl-
arnir. Við höfum ekkert í þær að
gera,“ segir Lárus.
Evrópusamtök sjó-
stangaveiðimanna
Hérlendir sjóstangaveiðimenn
kasta ekki bara fyrir þann gula hér
á heimamiðum. Nokkrir þeirra
hafa tekið þátt í starfsemi EFSA -
Evrópusamtökum sjóstangaveiði-
manna - og sótt mót á vegum
þeirra. Til stendur að halda mót á
vegum EFSA á Sauðárkróki þann
22. júní í sumar.
Páll A. Pálsson, ljósmyndari á Akureyri, með tvo gula í takinu! (Myndir eru fengnar úr
myndasafni Sjóstangaveiðifélags Akureyrar)
Úlfar Eysteinsson, matreiðslumaður, er hér glaðbeittur við annan mann með risaþorsk
sem hann náði í á sjóstangaveiðimóti í Eyjum.
Sigfríð Ósk Valdimarsdóttir á Hauganesi við Eyjafjörð er sérdeilis öflug í sjóstanga-
veiðinni. Hún er núverandi Íslandsmeistari kvenna.