Ægir - 01.06.2002, Blaðsíða 17

17
E R L E N T
Útflutningur Norðmanna á karfa
hefur minnkað úr 7.805 tonnum á
fyrsta ársfjórðungi 2001 í 1.500
tonn á sama tíma 2002.
Álitið er að minni afla megi
einfaldlega rekja til þess að stofn-
inn sé að hrynja.
„Við erum auðvitað áhyggju-
fullir vegna þessa,” segir Kjell
Nedreås við botnfiskdeild Haf-
rannsóknastofnunarinnar í Bergen,
í viðtali við Fiskaren.
Vísindamenn vonast til að fá
betri sýn yfir ástand karfastofnsins
að loknum fundi CITES, alþjóð-
legra samtaka um eftirlit með
verslun með villt dýr og plöntur
sem talin eru í útrýmingarhættu
og afurðir af þeim, í Kaupmanna-
höfn.
„Við höfum í mörg ár séð að
karfastofninn er á niðurleið,” segir
Nedreås.
Þegar svo við bætist að sjómenn
segja lítið aflast af karfa telur
hann að það sé að verða hver síð-
astur að bregðast við til að bjarga
karfastofninum.
„Botnfiskrannsóknir hafa und-
anfarin ár sýnt að nýliðun karfa-
stofnsins er of lítil. Miklar líkur
eru á því að það sé vegna ofveiði.
Allt fram til 1980, þegar Norð-
menn veiddu ekki karfa, var
hrygningarstofninn stöðugur en
eftir það hefur hann minnkað ár
hvert.
Til 1990 voru það aðallega
Austur-Evrópuþjóðir sem veiddu
karfa í Barentshafi. Norðmenn
höfðu þá enn engan áhuga á karfa-
veiðum en síðastliðin tíu ár hefur
karfi verið veiddur frá Andesnes í
norðri suður til Trænaegga fyrir
utan Mæri. Þær veiðar telur
Nedreås ástæðuna fyrir minnkun
karfastofnsins.
Erfitt að snúa við
„Mikið af karfaseiðum kom í
rækjutroll í Barentshafi á níunda
áratugnum þegar Austur-Evrópu-
þjóðirnar veiddu sem mestan karfa
þar, en stofninn minnkaði ekki.
Það var ekki fyrr en farið var að
veiða sunnan 70. breiddargráðu að
verulega fór að ganga á stofninn.
Nú er alveg bannað að veiða karfa
á Trænaeggasvæðinu, en á meðan
mikið er veitt norðar verður erfitt
að snúa dæminu við,” segir
Nedreås. Hann vill þó ekki full-
yrða neitt um hvort þarf að alfriða
karfann til að stofninn nái að
stækka en segir að eftir CITES
fundinn, þegar niðurstöður rann-
sókna frá mörgum löndum verða
bornar saman, muni myndin skýr-
ast.
Norðmenn óttast
að karfinn sé
í útrýmingarhættu?
Stöðug framleiðsla
og hagnaður
Færeyingar hafa hætt við að auka framleiðslu í laxeldi
frá því sem var í fyrra vegna lágs verðs á laxi og sjúk-
dóma í eldisstöðvum. Þrátt fyrir það er útlitið gott í
greininni, ekki síst ef hægt verður að vinna bug á laxa-
sjúkdómnum ILA með ónæmisaðgerð.
„Sem stendur er svolítil umframleiðsla af gönguseið-
um og einnig er of lítið pláss fyrir sjóeldið vegna þess
að nokkrum fjörðum hefur verið lokað vegna ILA,” segir
Heri Hjelm, forstjóri eldisstöðvarinnar Suðurlax, í við-
talið við Fiskaren.
Hann er einn sá reyndasti í greininni í Færeyjum og
segist viss um að verðfallið á laxi í fyrra sé bara tíma-
bundið. Í ár hefur verðið stigið verulega.
„Eins og verðið á laxinum er núna gefur reksturinn
vel af sér og ég er viss um að verðið hækkar út árið. Við
höldum framleiðslunni stöðugri en eftirspurnin er að
aukast og við erum tilbúnir að mæta henni með aukinni
framleiðslu,” segir Heri Hjelm.