Ægir - 01.06.2002, Blaðsíða 20
20
F I S K I R A N N S Ó K N I R
Ef skoðaðar eru aflatölur fyrir grá-
lúðu á undangengnum árum (frá
1984) kemur í ljós að meðalaflinn
á ári er um 35 þúsund tonn. Mest
veiddist samanlagt á Íslandsmið-
um og utan lögsögunnar árið
1989 eða rösk 60 þúsund tonn en
minnst var veiðin fiskveiðiárin
1997/1998 og 1998-1999 eða
um 20 þúsund tonn.
Talið er að grálúðan við Austur-
Grænland, Ísland og Færeyjar sé
af sama stofni. Á síðasta ári var
heildarflinn á þessu svæði rétt um
28 þúsund tonn sem er svipaður
afli og árið áður. Þar af var aflinn
um 16.800 tonn á Íslandsmiðum
árið 2001, en afli utan ís-
lensku lögsögunnar var um 11
þúsund tonn. Þá veiddust rösk sjö
þúsund tonn við Austur-Græn-
land og fjögur þúsund tonn við
Færeyjar.
Bróðurpartur veiðinnar
á Hampiðjutorginu
Grálúða hefur fundist allt í kring-
um Ísland, en sjaldséð er hún
reyndar fyrir Suðurlandi. Mest er
af grálúðu í köldum djúpsjó og
lang gjöfulasta veiðisvæði grálúðu
er djúpt út af Vestfjörðum, við
miðlínu Íslands og Grænlands, á
svokölluðu Hampiðjutorgi. Láta
mun nærri að á
þessu svæði fáist allt að 75% af
þeirri grálúðu sem íslensk fiski-
skip veiða. Veiðanleg grálúða er
talin vera um sjö ára gömul, en
kynþroska verður hún á bilinu 9-
12 ára gömul. Grálúðan getur
orðið meira en 1 metri að lengd,
en frá því er greint í bókinni
Sjávarnytjar við Ísland að stærsta
grálúða sem mælst hafi á Íslands-
miðum hafi verið hvorki meira né
minna en 122 cm löng og um 20
kíló að þyngd. Í bókinni kemur
fram að grálúðan hrygni í mars
djúpt vestur af landinu á meira en
1000 metra dýpi. Einnig sé hugs-
anlegt að hún hrygni á hryggnum
milli Íslands og Færeyja. Orðrétt
segir í Sjávarnytjum við Ísland:
„Að lokinni hrygningu
vestur af landinu halda
fullorðnu grálúðurnar í
ætisgöngu norður á bóg-
inn og djúpt austur með
Norðurlandi, allt til djúpmiða
Austurlands. Í apríl og maí er
grálúðan stödd djúpt undan Vest-
fjörðum og í júní og júlí er hún á
Nýjasta frystiskip ÚA, Sléttbakur EA 304, hefur verið á grálúðuveiðum fyrir vestan land og gert það gott. Í fyrsta túr skipsins undir
merkjum ÚA var aflaverðmætið yfir 130 milljónir króna. Þessar myndir voru teknar þegar unnið var að löndun á þessum
grálúðufarmi úr Sléttbaki.