Ægir - 01.06.2002, Blaðsíða 27
27
V E R Ð M Æ T I S J Á VA R FA N G S
tengd fóðrun og fóðurgerð sem mikil-
vægan þátt í að byggja upp hag-
kvæmt fiskeldi. Sömuleiðis ræddi
vinnuhópurinn um mikilvægi þess að
efla menntun í fiskeldi til þess að
fjölga eins og kostur væri fagmennt-
uðu fólki í þessari atvinnugrein.
Upplýst og vel þjálfað
starfsfólk
Í verkefnahópi um búnað og þekk-
ingu, þar sem m.a. var rætt um vél-
og hugbúnað, ráðgjöf o.fl., var lögð
áhersla á mikilvægi þess að í fisk-
vinnslu starfaði vel upplýst og þjálfað
starfsfólk, slíkt kynni að hafa úrslitaá-
hrif á meðferð og gæði fisks. Að mati
hópsins er unnt að koma kynningar-
og upplýsingaefni til skila með t.d.
námskeiðum, myndböndum og marg-
miðlun.
Fulltrúar tækjaframleiðenda í
vinnuhópnum tóku undir mikilvægi
þjálfunar fólks en bentu líka á að
þeirra markmið sé m.a. að gera starf-
semi afkastameiri og létta þeim störf,
sem hafi í för með sér fækkun starfa.
Að þeirra mati ætti að leggja áherslu á
nýsköpun.
Fram kom að meðal athyglisverðra
verkefna er að þróa veiðarfæri sem
velja aflann í veiðarfærin, sem aftur
gæti aukið gæði og dregið úr brott-
kasti. Einnig kom fram að áhugavert
væri að smíða hugbúnað sem hefði
yfir að ráða upplýsingum um t.d.
veiðisvæði og fiskvinnslu m.t.t.
pakkninga og tegunda. Þetta er talið
mögulegt í því ljósi að í tölvukerfum
sjávarútvegsfyrirtækja er mikið magn
upplýsinga sem geta nýst til að setja
saman slíkt hugbúnaðarkerfi.
Tillögur til
sjávarútvegsráðherra
Ætlunin er að stýrihópurinn skili til-
lögum til sjávarútvegsráðherra um
hvernig unnt sé að auka verðmæti
sjávarfangs. Það má segja að gagnaöfl-
un sé að mestu lokið. Meðal annars
fórum við til Noregs til þess að kynna
okkur hvernig Norðmenn hafa staðið
að sambærilegu verkefni. Eitt af því
sem stýrihópnum var falið var að afla
upplýsinga um fyrirmyndir erlendis
frá. Menn hafa verið að setja upp
stefnumótandi þætti í sjávarútvegi til
þess að auka verðmæti.. Meðal annars
hafa Ástralir gert slíkt hið sama og
það sama má segja um Dani,” segir
Páll Gunnar Pálsson, starfsmaður
stýrihópsins. „Í framhaldinu er hug-
myndin að setja í gang verkefni í hag-
nýtum rannsóknum og þróunarvinnu.
Við það er miðað að áætlanir verði
settar upp til fimm ára í það minnsta
fyrir ákveðin verkefni. En endanleg
útfærsla er í höndum sjávarútvegsráð-
herra,” segir Páll Gunnar.
Ástæða þykir til að efla fræðslu sjómanna um allt sem snýr að veiðum og meðferð
afla og koma á samræmdu ferskfiskmati fyrir fiskmarkaði.
Fiskur sótthreinsaður
í ósonbaði
Fiskaren segir frá því að fyrir-
tækið Ozone Products í
Seattle, sem sérhæfir sig í
framleiðslu búnaðar til að
sótthreinsa matvörur, býður
nú OP20, ósonbað til að sótt-
hreinsa fisk.
Vélbúnaður þessi er aflang-
ur, ferkantaður tankur með
sugu í lokinu. Gegnum tankinn
liggur færiband, tengt fram-
leiðslulínunni, og flytur fisk-
inn niður í ósonbaðið. Tals-
menn Ozone Products fullyrða
að slík sótthreinsun drepi
meðal salmonella- og listeri-
abakteríur.
Á netsetri fyrirtækisins er
fullyrt að óson drepi 99,95%
af öllum bakteríum á umhverf-
isvænan máta þar eð engar
gufur myndist því að óson
verði tiltölulega hratt að súr-
efni og þar að auki sé aðferð-
in 3.000 sinnum öruggari en
sótthreinsun með klóri og
ennfremur sótthreinsist vél-
arnar ekki síður en matvælin
sem framleidd eru.
Búnaðurinn við ósonbaðið
er rafknúinn og nýtist við
vinnslu á heilum fiski, flökum
og hrognum.
Vegna loftsugunnar í lokinu
lekur ekkert óson út í and-
rúmsloftið í vinnslusalnum.
Það er mjög mikilvægt vegna
þess að lyktarskyn getur
minnkað tímabundið ef menn
anda að sér ósoni og þar með
finna þeir síður lykt af
skemmdum fiski.