Ægir - 01.06.2002, Blaðsíða 33

33
F R É T T I R
Gas í sjávarútveginn
Noregur selur náttúrugas suður til
Evrópu fyrir milljarða norskra
króna en það kynni að vera tíu
sinnum arðsamara að nota gasið í
sjávarútvegi og fiskeldi heima fyr-
ir. Þetta kemur fram í skýrslu sem
GassSenteret og ráðgjafarfyrirtæk-
ið Polytec hefur unnið fyrir stjórn
Rogalandsfylkis.
„Við eyðum miklum peningum
og verðum því að þéna mikið,“
segir Jakob Eng hjá GassSenteret,
sem er stofnun á vegum Roga-
landsfylkis, sveitarstjórna, olíufé-
laga og fleiri, segir Eng í viðtali
við Fiskaren.
Mikil áhrif
Eng bendir á að afurðir úr hafinu,
jafnt fiskur sem gas, eru seldar
nánast óunnar. Gas er hægt að
nota nánast í öllum greinum fisk-
veiða og fiskvinnslu og með því
álítur Eng að hægt sé að auka
gæði og hækka verð sjávarfangs.
Í skýrslunni eru eftirtaldir
notkunarmöguleikar taldir koma
til álita:
• Knýja kælivélar með gasi.
• Nota gasið til upphitunar,
þurrkunar á saltfiski, fiskimjöli
og fóðri og til að þíða frosnar
sjávarafurðir.
• Nota gasið við að baka, steikja,
grilla og gratínera.
• Nota afgasið sem áburð á smá-
þörunga, sem úr eru unnin efni
til matvæla-, snyrtivöru- og
lyfjaframleiðslu sem og efni til
að blanda í margs konar fram-
leiðslu.
• Að pakka hvítfiski og laxi í um-
búðir með koldíoxíði lengir
tímann sem fiskurinn helst
ferskur.
Mikilvægt að framleiða
góða vöru
Eng telur ákaflega mikilvægt að
ferskfiskur og unnið sjávarfang sé
góð vara. Sé svo telur hann afurð-
irnar auðseldari og innflutnings-
tollur á þeim muni lækka í við-
skiptalöndunum.
Til að hægt verði að auka verð-
mætasköpun í sjávarútvegi með
notkun náttúrugass þarf ýmislegt
að breytast, meðal annars verður
að nýta gasið sem eldsneyti til
lands og sjávar.
• Gera þarf flutninga umhverfis-
vænni með því að flytja sjóleið-
is.
• Minnka þarf rúmmál fisks og
annarra sjávarafurða með því að
vinna þær meira fyrir flutning.
• Nota aðra kælitækni en ís.
• Aðgengi að hráefni verður að
tryggja með góðri rammalög-
gjöf.
GassSenteret á að skoða betur
nokkur atriði í skýrslunni en ekki
er enn ákveðið hverja. Eng vonar
að þegar ráðamenn kynna sér
skýrsluna muni renna upp fyrir
þeim ljós og þeir nýti sér sem
mest af upplýsingunum.
Röng fiskveiðistefna
Löggjöf, kvóti og úthlutun hans
til veiðiskipa er lítt til þess fallin
að halda úti sterkum veiðiflota og
vernda fiskistofna, segir Jakob
Eng í fréttatilkynningu um notk-
un náttúrugass í sjávarútvegi og
fiskeldi.
„Fiskurinn er að stórum hluta
veiddur í Norðursjó, rétt við
stofudyrnar hjá okkur, en honum
er að miklu leyti landað í öðrum
höfnum en norskum og fluttur til
landa innan Evrópusambandsins.
Við töpum í samkeppninni um
löndun gæðavöru,“ segir Eng.
Samið um starfsmennta-
mál sjómanna innan SSÍ
Samkomulag hefur tekist milli Samtaka atvinnulífsins og LÍÚ annars vegar og Sjómannasam-
bands Íslands hins vegar um starfsmenntamál þar sem gert er ráð fyrir því að vinna að átaki í
starfsmenntun sjómanna og er þar átt við eftir- og endurmenntun sjómanna til að auka hæfni
þeirra til að sinna
nýjum og breyttum
störfum um borð í
fiskiskipum. Samn-
ingurinn gildir til 15.
maí 2004.
Fram kemur í
samningnum að verk-
efninu verði tryggðar
45 milljónir króna á
samningstímanum frá
Atvinnuleysistrygg-
ingasjóði, með sam-
bærilegum hætti og
starfsmenntaverkefn-
unum Starfsafli og
Landsmennt, sem eru
átak í starfsfræðslu-
málum ófaglærðra.
Að auki geta einstök verkefni verið fjármögnuð með styrkjum úr starfsmenntasjóðum og beinum
tekjum af rekstri námskeiða.
Í samningnum segir að í ljósi vaxandi krafna um mælanlegan árangur í starfsmenntun skuli
koma upp kerfi sem tryggi að fjármunir séu vel nýttir og að hægt sé að koma við formlegu mati
á verkefninu og einstökum þáttum þess.
Haustið 2003 skulu samningsaðilar fá óháðan aðila til að leggja mat á árangur verkefnisins
og hvaða ávinningi það hefur skilað fyrir sjávarútveginn. Með hliðsjón af þeirri niðurstöðu skal
taka ákvörðun um hvort af áframhaldandi samstarfi verði. Skýrsla þar um skal liggja fyrir eigi
síðar en í janúar 2004.