Ægir - 01.10.2002, Blaðsíða 38
38
E R L E N T
Súpa úr hákarlsuggum er í tísku og seld fyrir allt að 100 dollara
skammturinn á veitingahúsum í Bandaríkjunum og Asíu. Þessi
ábatasama eldamennska kostar 100 milljónir hákarla lífið árlega
og stofnum hákarla í heimshöfunum er ógnað, er sagt á
netsíðunni forskning.no.
Spurn eftir þessari sérstöku súpu eykst og enn fleiri hákarlar
týna lífinu.
Uggarnir fást gjarna þannig að hákarlinn er veiddur, uggarnir
skornir af honum og honum síðan sleppt, skrifar tímaritið
Nature. Þótt hákarlinn sé lifandi þegar honum er sleppt drepst
hann fljótlega.
Hægt að greina hákarlinn
Nýuppfundið genapróf kann að gera mögulegt að greina
hákarlinn og komast þannig að því hvaða tegundir eru í mestri
útrýmingarhættu og setja síðan lög um veiðina. Sem stendur er
næstum ógerlegt að komast að því af hvaða hákarlategundum
uggarnir eru og enginn fylgist með því hvaða tegundir eru
veiddar. Með DNA-prófinu verður hægt að greina tegundina með
því að taka lítið sýni úr uggavefnum. Vísindamennirnir sem
þróuðu prófið hafa sjálfir greint 75 þurrkaða ugga sem voru á
markaðinum í Hong Kong.
Hákarl í tísku
Nú hefur síldarstúlknanna loksins
verið minnst á verðugan hátt fyrir
hið erfiða og mikilvæga starf sem
þær inntu af hendi. Í Fiskaren
segir frá opnun Fiskidaganna í
Åkrehamn þar sem minnismerkið
„Síldarstúlkan“ var afhjúpað. Þar
má sjá síldarstúlku sem stendur
við tunnuna og þurrkar svitann af
enninu með handarbakinu.
Fyrir rúmum tveimur árum var
Þróunarnefndinni í Åkrehamn
falið að láta gera styttu til heiðurs
síldarstúlkunum. Í sögu síldveið-
anna ber mest á körlum. Þar eru
nefndir til aflakóngar, útgerðar-
menn, eigendur síldarplana og
síldarspekúlantar. Kvenfólkið sem
„var í síld“ hefur ekki fengið
mikla athygli og því átti að
breyta.
Mikil vinna
„Síldarstúlkurnar unnu gríðarlega
mikið verk og skerfur þeirra var
byggðarlaginu mikilvæg tekju-
lind. Með þessari styttu viljum
við veita þeim þann heiður sem
þeim ber,” segir nefndarmaðurinn
Gudrun Pedersen. Nefndin fékk
listamanninn Arne Mæland frá
Os til að gera styttuna. „Stytt-
unni var ætlaður staður við innri
höfnina í Åkrehamn og við vild-
um að hún væri alþýðleg. Þess
vegna völdum við Mæland,” segir
Pedersen.
Hátíðleg afhjúpun
Varaformaður fylkisráðsins, Kjell
Birger Medhaug, setti hátíðina.
Þar voru mættar konur, sem á
sínum ungu dögum höfðu verið
„í síld“ og fyrir þær var afhjúpun
styttunar einstæður atburður.
Þegar léreftið hafði verið fjarlægt
var fagnað með lófataki.
Bæjarbúar voru afar ánægðir.
„Síldarstúlkan“ var mynduð í bak
og fyrir þar sem hún hafði rétt úr
sér við tunnuna og þurrkaði svit-
ann af enninu.
Erfið vinna
Eftir afhjúpunina var síldar-
stúlknanna minnst með upplestri
þar sem Søren S. Sørensen kynnti
þær fyrir áheyrendum; skyldu-
ræknar, kátar og duglegar:
„Það var ekki fyrir væflur að
vera síldarstúlka. Síldarnar þurfti
að leggja snyrtilega, eina og eina,
í lög frá botni tunnunnar og
vanda sérstaklega efsta lagið.
Meira en 400 sinnum þurfti síld-
arstúlkan að beygja sig ofan í og
yfir tunnuna áður en hún fékk
merkið í stígvélið sitt. Þannig
stóðu þær daginn út og daginn
inn og ósjaldan næturnar líka.”
Síldarstúlkurnar
heiðraðar
Dýrasvif
veldur
stórtjóni
Fiskeldisstöðin Fjord Seafood
Scotland varð fyrir stórtjóni af
völdum óþekktrar tegundar
dýrasvifs. Mikið af fiski drapst
og er tapið áætlað 54-68
milljónir ísl. króna. Tryggingar
fyrirtækisins munu bæta tjónið.