Freyr - 01.11.1966, Blaðsíða 20

470
FREYR
bændur eina. Bændur gætu þó lagt sitt af
mörkum til verksins, með því að kaupa kort
af afréttum sínum. Þetta er raunar sjálf-
sagt, því kortin eru mjög gagnleg fyrir
bændur, og myndu vekja skilning þeirra á
gróðurfari landsins og beitargæðum afrétta
þeirra.
— Hvernig eru skiptin milli Rannsóknar-
stofunnar landbúnaðarins og Landgrœðslu
ríkisins?
Verkefni Rannsóknarstofnunarinnar er
að rannsaka afréttina, en á vegum Land-
græðslunnar er leiðbeint um nýtingu lands-
ins. í vetur er gert ráð fyrir að gefa út
skýringarrit, þar sem gróðri afréttanna er
lýst og jafnframt hvert er beitarþol þeira,
og í vetur má gera ráð fyrir að liggi fyrir
niðurstöður um beitarþol þeirra afrétta,
sem kortin ná yfir.
Nýtingu afrétta á að sjálfsögðu ekki að
miða við fjárfjölda, heldur fyrst og fremst
fjölda beitardaga. Það er ekkert vit í því að
láta almanakið ráða hvenær rekið er á fjall
eða smalað á hausti.
Ég tel nauðsynlegt, að hvert upprektsrar-
svæði hafi sína trúnaðarmenn. Þeirra verk-
efni verður að fylgjast með gróðrinum á af-
réttinum. Þeir eiga að ákveða hvenær reka
skal á fjall á vorin og hvenær skuli smala
afréttina á haustin. Það verður að breyta
stefnu í nýtingu afréttanna, ekki eingöngu
vegna hættu á gróðureyðingu, heldur einn-
ig vegna þess, að ofbeit veldur rýrnum af-
urða. Bændur fóðra flestir orðið vel og góð
vetrarfóðrun krefst góðra sumarhaga. Út-
hagarnir eru víðast hvar ekki lengur ein-
færir um að sjá sauðfénu fyrir góðri sumar-
beit.
— Að síðustu Ingvi, hafa þessi kort ekki
víðtækara gildi, en aðeins að ákveða beitar-
þol landsins?
Jú, vissulega. Þau eru merk fræðileg
heimild um gróðufar landsins. Þau eru
nauðsynleg til að fylgjast með gróðurbreyt-
ingum, sem eiga sér stað á lengri tíma.
Kortin leiða ennfremur í ljós, hvar upp-
blástur og gróðurskemmdir eiga sér stað og
hvar þess er helzt að vænta. Þau sýna hvar
hagkvæmast er að auka og bæta gróður og
græða upp land að nýju.
* * ❖
Rétt er að geta þess, að kortin eru seld hjá
Bókaútgáfu Menningarsjóðs, Hverfisgötu
21 og Landmælingum íslands, Lauga-
vegi 178. A. G.
Veturinn er framundan, með hála vegi
og hœttulega. Okumaður bifreiðarinnar,
sem dansað hefur á veginum, er alveg
gáttaður yfir hve hinn ekur öruggur og
stöðugur. En sá hefur vel mynstraða hjól-
barða á bílnum sínum — snjódekk —-
þau veita honum öryggi og svo hefur
hann nagla í þeim til frekara öryggis.