Freyr - 01.02.1987, Blaðsíða 13
Anna Guðrún Þórhallsdóttir,
hlunnindaráðunautur B.í.
Meðferð og verkun silungs
Silungsveiðar hafa aukist á undanförnum árum og er það vel. Markaðsmálin hafa hins
vegar verið mjög á reiki og mönnum gengið misjafnlega að selja sína vöru.
Anna Guðrún Pórhallsdóttir.
Ástæður mismunandi sölu og
sölutregðu eru margar. Það magn
sem innaniandsmarkaður getur
tekið á móti er takmarkað og
sumir eru betur í sveit settir en
aðrir til að koma sínum silungi á
markaðinn. Hið sama gildir um
silung til útflutnings. Svolítið hef-
ur verið tekið á móti silungi til
útflutnings í örfáum héruðum og
því hefur þorri bænda ekki haft
tök á að losna við silung sinn á
þann markað. Það er heldur ekki
hægt að Ioka augunum fyrir því að
sumum bændum gengur betur að
selja silung en öðrum vegna þess
að þeir hafa betri vöru í boði. Um
silung og annann vatnafisk gildir
það sama og um aðra matvöru.
Rétt og góð meðferð skilar betri
vöru.
Hér á eftir verður drepið á
nokkur atriði sem máli skipta
hvað varðar veiðar, meðferð og
verkun silungs svo að góð vara
fáist.
Hvert er framboðið og hver er
eftirspumin?
Áður en veiðar hefjast þarf við-
komandi veiðimaður að gera sér
grein fyrir hvaða fiskur sé í vatn-
inu og áætla magn og stærðar-
dreifingu. Þessar upplýsingar fást
með samráði við fiskifræðinga.
Einnig þarf að kanna hvort hægt
sé að selja fiskinn, og hvernig
kaupandi vill hafa hann, þ.e.
hvort kaupendur vilja fá urriða
eða bleikju, stóran eða smáan
fisk, slógdreginn, slægðan eða
flakaðan o.s.frv.
Vitjun
Yfir sumarmánuðina er nauðsyn-
legt að vitja um tvisvar á sólar-
hringi, því að í hlýju vatni er
fiskurinn fljótur að skemmast, ef
hann drepst í netunum. Fiskur
sem drepst í netunum verður
aldrei fyrsta flokks vara og því
lengra sem líður á milli vitjana, því
hærra hlutfall af fiskinum er
dauður í netunum. Þegar vitjað
er, á báturinn að fara meðfram
netinu um leið og það er dregið
um borð. Sé báturinn dreginn
áfram á netinu, strekktist á því og
meiri hætta er á að sá fiskur sem í
netinu er merjist og rýrni sem
söluvara (sjá mynd 1 og 2). Alltaf
ætti að taka netin upp í bátinn
þegar vitjað er. Sé einungis tekið
úr netunum, án þess að hreyfa
meira við þeim safnast fljótt mikið
slý og gróður á þau og veiðni
þeirra minnkar. Séu netin mjög
Mynd 1. Fiskur sem hefur marist undan netum. (Ljósm. A. G. P.).
Freyr 101