Freyr - 01.02.1987, Blaðsíða 32

LOÐKANÍNURÆKT
lA‘iðhcininj>ur fyrir kanínuræktendur
eftir Peter Hoefer
IUinuA»rfrlai> ÍslaiuU
1986
Búnaðarfélag íslands hefur nú
gefið út leiðbeiningabækling fyrir
kanínuræktendur. Höfundur
bæklingsins er þjóðverjinn Peter
Loðkanínurækt
Hoefer, sem stundað hefur loð-
kanínurækt síðan 1963 og er einn
af forvígismönnum kanínurækt-
enda í Þýskalandi. Er því síst að
efa „að sá viti hvað hann syngur“.
Hlöðver Diðriksson, formaður
Landssambands kanínubænda,
átti hugmyndina að útgáfu þess
rits en þýðinguna annaðist Diðrik
Jóhannsson, forstöðumaður
Nautastöðvar Búnaðarfélags ís-
lands. Jónas Jónsson búnaðar-
málastjóri ritar formála og segir
þar m. a.: „Þó að efni ritsins sé
miðað við þýskar aðstæður og
ekki reynt að staðfæra það er það
von útgefanda, að ritið reynist
þeim gagnlegt, sem hafa hafist
handa um kanínuræktun eða
hyggja á hana“.
Til þess að gefa nokkra hug-
mynd um efni bæklingsins skal hér
getið helstu kaflanna:
Saga loðdýraræktarinnar. Fóð-
ur. Hirðing fiðunnar (ullarinnar).
Aðferðir við klippingu, klipping-
artími og klippingarborð. Flokkun
fiðunnar. Ræktun og pörun.
Steggurinn. Got og gotkassi.
Fyrsta kyngreining. Hreiðureftir-
lit. Úrval og uppeldi unganna.
Ættbókarfærsla. Loðkanínur sem
tómstundagaman og alvörurækt-
un. Sjúkdómar í kanínum, sjúk-
dómsgreining og lækning.
Fjölmargar myndir eru í ritinu.
Bæklingurinn Loðkanínurækt er
48 síður og offsetfjölritaður. Hann
kostar kr. 300 og fæst hjá Búnað-
arfélagi íslands.
Leikmanni sýnist að rit þetta sé
nauðsynlegt hverjum þeim, sem
fæst við kanínurækt.
mhg.
Ársskýrsla Búreikningastofu landbúnaðarins 1985
ÁRSSKÝRSLA
BÚREIKNINGASTOFU
LANDBÚNAÐARINS
1985
Út er komin Ársskýrsla Búreikn-
ingastofu landbúnaðarins, fyrir
árið 1985. Ábyrgðarmaður skýrsl-
120 Freyr
unnar er Jóhann Ólafsson, for-
stöðumaður Búreikningastofunn-
ar. í greinagóðu yfirliti um efni
skýrslunnar sýnist allt það koma
fram, sem meginmáli skiptir.
Verður hér rakin sú slóð, sem þar
er lögð, þótt ekki verði alls staðar
nákvæmlega fylgt orðalagi yfir-
litsins.
Á árinu 1985 færðu 197 bændur
búreikninga, í samvinnu við Bú-
reikningastofu landbúnaðarins.
Til úrvinnslu voru teknir 117
reikningar þeirra bænda, sem
stunda nær eingöngu sauðfjárrækt
og/eða mjólkurframleiðslu.
Reikningarnir voru flokkaðir í
þrjá flokka eftir bútegundum:
kúabú, sauðfjárbú og blönduð bú.
Þau bú voru talin kúabú þar sem
framleiðslutekjur af nautgripum
eru 70% eða meira af heildar-
framleiðslutekjum búsins en
sauðfjárbú þau þar sem meira en
70% framleiðslutekna eru af
sauðfjárrækt. Blönduð bú verða
aldrei með meira en 70% af fram-
leiðslutekjum frá sauðfjárrækt
eða nautgriparækt. Samkvæmt
þessari reglu reyndust kúabúin
vera 68, blönduðu búin 21 og
sauðfjárbúin 28.
Kúabúin reyndust stærst, 831
ærgildi að meðaltali, þá blönduðu
búin, 552 ærgildi en sauðfjárbúin
minnst, 363 ærgildi. Flest voru
kúabúin á Suður-, Vestur- og
Norðurlandi en sauðfjárbúin á
Austur- og Norðurlandi.
Niðurstöður rekstrarreiknings
sýna að meðalfjölskyldutekjur af
landbúnaði eru kr. 850 814. Fram-
leiðslukostnaður er kr. 1 497 561
og framleiðslutekjur kr.